१ सामुए़ल 7:1 - लिम्‍बु

¹ खे़ल्‍ले़चोगुल्‍ले़ किर्यत-यारिमबा मनाहाॽ मे़ये़आङ् यहवे दाङ्‌बाल्‍ले़ कुमाङ्‌हुप् सन्‍दोक्‍किन् मे़देॽरु॥ खे़ङ्‌हाॽरे़ मे़देॽरुआङ् किर्यत-यारिमबा कोःक्‍माओ अबिनादाबरे़ कुहिम्‍मो मे़युक्‍खु, हे़क्‍क्‍याङ् कुस्‍सा एलाजारे़न् यहवे दाङ्‌बाल्‍ले़ कुमाङ्‌हुप् सन्‍दोक्‍किन् कम्‍ब्राङ् मे़प्‍मा याःम्‍बक्‍ओ मे़दोन्‍दुरो॥

१ सामुए़ल 7:1 Referans Kwoze

यसैया 52:11

पेगे़म्‍मे़ॽ, पेगे़म्‍मे़ॽ, कॽयोलाम्‍बा पेगे़म्‍मे़ॽओ, आजिःन्‍जिःम्‍बा पाःन्‍हाॽ मे़सुसाम्‍मिन्‍ने़ॽओ! यहवे दाङ्‌बे़ल्‍ले़ कुहिम्‍मोबा सामाबुमा के़बङ्‌बासे, खे़प्‍मोलाम् लःन्‍दे़म्‍मे़ॽआङ् फे़राम्‍मे़ॽओ, हे़क्‍क्‍याङ् आबाङे सेसेसाङ्‌साङ् चोःक्‍कासिम्‍मे़ॽओ॥

निङ्‌वाॽफु साम्‍लोसुम् 132:6

आनिगे़ग बेथले़हे़म्‍मो वयिगे़ल्‍ले़ माङ्‌हुप् सन्‍दोक्‍किल्‍ले़ कुयाःम्‍बेओ खे़प्‍सुम्‍बे़रो, हे़क्‍क्‍याङ् याआरबा ते़म्‍बेॽओ खे़न् खोसुम्‍बे़रो॥

१ सामुए़ल 6:21

खे़ल्‍ले़चोगुल्‍ले़ खे़ङ्‌हाॽरे़ किर्यत-यारिम के़युङ्‌बा मनाहाॽ इङ्‌घङ् मे़हाक्‍तुसिआङ् मे़मे़त्तुसि, “पलिस्‍तिहाॽरे़ यहवे दाङ्‌बाल्‍ले़ कुमाङ्‌हुप् सन्‍दोक्‍किन् मे़नुःक्‍तु मे़भे़न्‍छुआङ् वाॽ॥ यो ये़ॽआम्‍मे़ॽआङ् खे़न् खे़निॽओ थो तेॽराम्‍मे़ॽओ॥”

यहोसु 18:14

हे़क्‍क्‍याङ् खे़प्‍मोलाम् खे़न् इःन्‍दोन् नाम्‍धा ले़प्‍माङ् पेआङ् लाङ्‌गे़त् ले़प्‍माङ् इरे़र बेथ-होरोन तगाङ्‌बा लाङ्‌गे़त् ले़प्‍माङ्‌बा कोःक्‍मालाम् यहुदारे़ कुमुॽइदाङ्‌साहाॽरे़ खुन्‍छिॽ किर्यत-बाल थारिक् (आम्‍भा कन् किर्यत-यारिम मे़मे़त्तु) के़रे़आङ् ने़स्‍से़॥ नाम्‍धा पिसाङ्‌बा इःन्‍दोन् हाबा कन्‍लो॥

यहोसु 9:17

कल्‍ले़चोगुल्‍ले़ इस्राइलिहाॽ लाङ्‌मे़घेगे़आङ् सुम्‌यान्‍ले़ खे़ङ्‌हाॽरे़ खुन्‍छिॽ ये़क्‌यक्‍हाॽओ मे़गे़रे़॥ खे़ङ्‌हाॽरे़ खुन्‍छिॽ ये़क्‌यक्‍हाॽग गिबोन, कपिरा, बेरोत र किर्यत-यारिम ने़स्‍से़॥

१ सामुए़ल 7:2

कम्‍भलॽरिक् सन्‍दोक्‍किन् किर्यत-यारिम्‍मो यरिक् ये़म्, तङ्‌बेॽ निबोङ् थारिक् युङे़॥ हे़क्‍क्‍याङ् खे़न् ये़म्‍मो के़रे़क् इस्राइलिहाॽ मे़रिङ् मे़धक्‍ते़आङ् यहवे दाङ्‌बे़न् मे़गोःत्तु॥

१ साप्‍मुःन्‍धुम् 13:3

आनिॽ निङ्‌वाॽफुमाङ्‌ङिल्‍ले़ कुमाङ्‌हुप् सन्‍दोक्‍किन् थाक्‍तुम्‌ॽ, थेआङ्‌भे़ल्‍ले़ साउलरे़ कुहाङ्‌युक् ये़म्‍मो आनिॽ खे़न् आभे़ल्‍ले़आङ् निनि खे़म्‍घे़म् आल्‍लाप्‍तुम्‍मिन्॥”