१ सामुए़ल 4:2 - लिम्‍बु

² पलिस्‍तिहाॽरे़ इस्राइलिहाॽ चिभत् मे़भत्तुसि, हे़क्‍क्‍याङ् इस्राइलिहाॽ मे़नाःन्‍दुसि, हे़क्‍क्‍याङ् खे़ङ्‌हाॽरे़ इस्राइलिहाॽरे़ खुनिॽ मनाहाॽ हे़न्‍छिङ् लिसि यारिक् थङ्‌ङो हदॽ मे़से़रुसि॥

१ सामुए़ल 4:2 Referans Kwoze

मे़रिङ् साप्‍पन् 3:40

आनिॽ आबाङे ये़प्‍ले़क्‍हाॽ साॽरुम्‍माङ् ओमे़त्तुम्‍लो, हे़क्‍क्‍याङ् यहवे दाङ्‌बा ले़प्‍माङ् आनिॽ नुःक्‍खिरो॥

१ सामुए़ल 17:21

इस्राइलिहाॽ नु पलिस्‍तिहाॽ थङ् चोःक्‍मारे़ लागि थे़ःक्‍पे़त् मे़ये़म्‍सिङ्‌ङाङ् यारिप् मे़बोःक्‍खे़र मे़बत्‍छे़॥

१ सामुए़ल 17:8

गोल्‍यते़न् ये़म्‍सिङ्‌ङाङ् इस्राइलि थक्‍सुबाहाॽ अःक्‍ते़र अक्‍खे मे़त्तुसि, “खे़प्‍मो खे़निॽ थे के़जोगिबाबे? थङ् के़जोगिबाबि? आङ्‌गाॽ पलिस्‍तिआ॥ सावलरे़ कुयोःक्‍पासे! आङ्‌गाॽनु थङ् चोःक्‍से़ खे़निॽ लत्‍छा मनाधिक् सेगाम्‍मे़ॽ॥

यहोसु 7:12

कल्‍ले़चोगुल्‍ले़ इस्राइलिहाॽ निङ्‌मिहाॽरे़ खुन्‍छिॽ तक्‍ले़ङ्‌वाओ आल्‍ल ये़प्‍मा मे़न्‍छुक्‍ने़न्॥ खे़ङ्‌हाॽ माङ्‌दे साङ्‌ग्रारे़ ते़त्तुसिबाल्‍ले़ चोगुल्‍ले़ खुन्‍छिॽ निङ्‌मिहाॽ तगि खुन्‍छिॽ एःक्‍थाःक्‍मे़न् मे़हिसु॥ खिनिॽ आप्‍फेक् लुम्‍मोलाम् खे़न् मे़ङ्‌मारे़ लागि मे़से़न्‍दुबा चिगक्‌वाहाॽ खाप्‍पुथ्‍यःङ् मे़न्‍जोःक्‍के थारिक् आल्‍लआङ्‌धो आङ्‌गाॽ खिनिॽनु मे़वाॽआन्॥

१ सामुए़ल 4:1

हे़क्‍क्‍याङ् सामुए़लरे़ कुबाःन्‍जाक्‍किन् इस्राइल लाजेॽ के़रे़क् पिसाङ् से़रे़॥ आल्‍ल खे़न् ये़म्‍मो इस्राइलिहाॽ पलिस्‍तिहाॽनु थङ् चोःक्‍से़ तगि मे़बोरे़॥ इस्राइलिहाॽरे़ ए़बेन-एजर मे़प्‍मनाबादे़न्‍नो साःङ्‌गाहिम् मे़घिङ्‌घुआङ् मे़युङ्‌सिङ् हे़क्‍क्‍याङ् पलिस्‍तिहाॽरे़ अपेक मे़प्‍मनाबादे़न्‍नो तुरायक् मे़घिङ्‌घुआङ् मे़युङ्‌सिङ्॥

१ सामुए़ल 4:3

हे़क्‍क्‍याङ् इस्राइलबा थक्‍सुबाहाॽ यक्‍को मे़नुःक्‍खे़ मे़द्‌ये़आङ् इस्राइलबा साम्‌योसिक्‍साम्‍बाहाॽरे़ मे़बाःत्तु, “आइन् आनिॽ थेआङ् यहवे दाङ्‌बे़ल्‍ले़ पलिस्‍तिहाॽलाम् हारिआद्‌ये़र आयाःन्‍दे़बाबे? आनिॽ यहवे दाङ्‌बे़ल्‍ले़ कुसन्‍दोःक्‍किन् सिलोओलाम् थाक्‍तुम्, खे़न् आनिॽलुम्‍मोए वाॽर हे़क्‍क्‍याङ् आनिॽ निङ्‌मिहाॽरे़ खुन्‍छिॽ हुक्‍कोलाम् आसे़ःप्‍ल॥”

१ सामुए़ल 4:10

खे़ल्‍ले़चोगुल्‍ले़ पलिस्‍तिहाॽरे़ थङ् मे़जोगु, हे़क्‍क्‍याङ् इस्राइलिहाॽ हारिमे़द्‌ये़आङ् खुन्‍छिॽ तुरायक् ले़प्‍माङ् मे़घे़त्‍छिङ् मे़बे॥ कम्‍भलॽरिक् इस्राइलिहाॽ साॽरिक् कुजाभे़रे़र हारिमे़द्‌ये़, हे़क्‍क्‍याङ् सुम्‍बोङ् हे़न्‍छिङ् यारिक् खाम्‍बाङ्‌ङो के़धक्‍पा खुन्‍छिॽ थक्‍सुबाहाॽ मे़स्‍ये़॥

ले़बि 26:37

हाःत्‍ले़आङ् मे़नाःत्तुसिन्‍छाङ् ताभेःल्‍ले़ मे़नाःत्तुसिबा कुइसिक् खे़ङ्‌हाॽ मे़लोक् हे़क्‍क्‍याङ् थिक्‍ले़ कुसम्‍धाङ् थिक् मे़दोःक्‍ल मे़गे़ङ्‌ॽ॥ कल्‍ले़चोगुल्‍ले़ खिनिॽ निङ्‌मिहाॽरे़ खुन्‍छिॽ तगि ये़प्‍मा के़न्‍छुक्‍तिन्‌ॽ॥

खानिःत् 14:45

खे़ब्‍याङ् खे़न् कोःक्‍माओ के़युङ्‌बा अमाले़किहाॽ नु कनानिहाॽ यो मे़धासिङ् मे़ये़आङ् खे़ङ्‌हाॽ होर्मा थारिक्‍के मे़धगुसिर हे़क्‍क्‍याङ् मे़नाःत्तुसिर मे़भे़त्तुसिरो॥