१ सामुए़ल 4:13 - लिम्‍बु

¹³ खे़न् के़रे़द्‌ये़ःल्‍ले़ एलिन् लाम्‍मिल्‍ले़ कुबेसाङ् कुयुङ्‌मादे़न्‍नो युङ्‌सिङ्‌ङाङ् ओमनु युङे़, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ कुसन्‍दोःक्‍किल्‍ले़ चोगुल्‍ले़ खुने़ॽ साॽरिक् किसे़आङ् वये़॥ खे़न् मनाःल्‍ले़ इङ्‌घङ्‌ङिन् तारुआङ् ये़क्‌यक् सिगाङ् लासे़, हे़क्‍क्‍याङ् पोःक्‍खे़बा के़रे़क् पाःन्‍हाॽ मनाहाॽ चे़क्‍तुसि हे़क्‍केःल्‍ले़ ये़क्‌यक्‍कोबा के़रे़क् मनाहाॽ मे़हाबे़ मे़भिःक्‍ते़॥

१ सामुए़ल 4:13 Referans Kwoze

१ सामुए़ल 1:9

थिक्‍ले़ङ् सिलोओ सिदुङ्‌जभा तोःम्‍मा चुरे़ हे़क्‍क्‍याङ् खे़ङ्‌हाॽरे़ तःक् चामा थुङ्‌मा मे़सुरुआङ् हन्‍नाःन् पोगे़॥ खे़म्‍भे़ल्‍ले़ निङ्‌वाॽफुसाम्‍बा एलिन् माङ्‌हिम्‍मो तुवा चोःक्‍से़ पेआङ् सेसे माङ्‌से़वा चोःक्‍मा ते़न्‍निल्‍ले़ कुबेसाङ्‌बा लाम्‍धेःप्‍पोबा एःक्‍नाःम्‍भेॽओ युङे़गरे़॥

१ सामुए़ल 4:18

निङ्‌वाॽफुमाङ्‌ङिल्‍ले़ कुसन्‍दोःक्‍किल्‍ले़ कुयाःम्‍बेॽओ खे़प्‍सुनामे़ःन्‍ने लाम्‍धेःप्‍पाल्‍ले़ कुबेसाङ्‌बा कुयुङ्‌मादे़न्‍नोलाम् एलिन् एगाङ् ले़प्‍माङ् चिल्‍ले़क् ले़क्‍खे़ध्‍ये़, हे़क्‍क्‍याङ् कुनिःङ्‌मे़न् चे़गे़आङ् स्‍ये़, थेआङ्‌भे़ल्‍ले़ खुने़ॽ काप्‍पोबा नु कुधक् के़लिःप्‍पा मना वये़॥ खुने़ॽ तङ्‌बेॽ लिबोङ् थारिक् इस्राइलबा खासे़न्‍दाङ्‌बा याःम्‍बक् चोगुआङ् वये़॥

निङ्‌वाॽफु साम्‍लोसुम् 26:8

यहवे दाङ्‌बाए, खे़ने़ॽ के़वाॽमा हिम्‍मिन् नु के़मिमिदिङ् ओःप्‍पादे़न्‍निन् आसिराॽधाङ्‌लो॥

यहोसु 7:9

थेआङ्‌भे़ल्‍ले़ कनानिहाॽ नु लाजेॽबा के़रे़क् यक्‌युङ्‌बाहाॽरे़ कन् पाःन्‍निन् मे़घे़प्‍सुआङ् आनिगे किर्गप् मे़गबिगे़ॽ, हे़क्‍क्‍याङ् इक्‍सादिङ् खाम्‍बेःक्‍मोलाम् आनिगे मिङ् मे़मासुॽरो॥ खे़न् एगाङ् खे़ने़ॽ पयम् यम्‍बा के़मिङ्‌ङिल्‍ले़ लागि खे़ने़ॽ थे के़जोगुबे?”

१ सामुए़ल 4:14

एलिरे़ खे़न् हाःम्‍लाक्‌वा पोगे़बान् खे़प्‍सुआङ् पाःत्तु, “कन् हयङ् किल्‍लिङ्‌ङिन् थेबे?” खे़न् मनान् हाराहारा एलिरे़ॽओ पे॥

यर्मिया 48:19

अरोएरबा मनासे, लाम्‍मिल्‍ले़ कुबेसाङ् ये़बे़म्‍मे़ॽओ हे़क्‍क्‍याङ् खिनिॽ ओमे़त्ते़म्‍मे़ॽओ॥ मोआबलाम् के़घे़त्‍छिङ्‌बाहाॽ कम्‍भलॽरिक् फे़ःक्‍ते़म्‍सिमे़ॽओ, ‘खे़प्‍मो हे़न् पोःक्‍से़आङ् ने़गहौ?’