१ सामुए़ल 30:8 - लिम्‍बु

⁸ हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु, “आङ्‌गाॽ कन् चिगक्‌वा कुजा के़नाप्‍पा मनालुप्‍हाॽ नाःत्तुङ्‌सिङ्‌बि? आङ्‌गाॽ खे़ङ्‌हाॽ सिॽमा सुक्‍तुङ्‌बि?” यहवे दाङ्‌बे़ल्‍ले़ मे़त्तु, “खे़ङ्‌हाॽ नाःत्ते़से़ॽ॥ खे़ङ्‌हाॽ के़सिॽरुसि हे़क्‍क्‍याङ् के़रे़क् के़से़ःप्‍तुसिॽ॥”

१ सामुए़ल 30:8 Referans Kwoze

१ सामुए़ल 30:18

अमाले़किहाॽरे़ मे़देॽरुसिबा के़रे़क् मनाहाॽ, हे़क्‍क्‍याङ् खुने़ॽ कुमेत् ने़प्‍माङ् दाउदरे़ नुःक्‍तु तारुसि॥

१ सामुए़ल 23:2

खे़ल्‍ले़चोगुल्‍ले़ दाउदरे़ यहवे दाङ्‌बे़न् सेःन्‍दोसु, “आङ्‌गाॽ पेःक्‍काआङ् पलिस्‍तिहाॽनु थङ् चोःक्‍काबिॽ” हे़क्‍क्‍याङ् यहवे दाङ्‌बे़ल्‍ले़ नोगप् पिरु, “ओःक्, पेगे़ॽआङ् थक्‍ते़ॽ, हे़क्‍क्‍याङ् किलाह ये़क्‌यक्‍किन् से़ःप्‍ते़ॽ॥”

२ सामुए़ल 5:19

हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु, “आङ्‌गाॽ पलिस्‍तिहाॽरे़ खुन्‍छिॽ तक्‍ले़ङ्‌वाओ पेःक्‍काबि? खे़ङ्‌हाॽ आङ्‌गाॽ आहुक्‍को हुक्‍के़सुप्‍पाबि?” यहवे दाङ्‌बे़ल्‍ले़ मे़त्तु, “पेगे़ॽ, आङ्‌गाॽ पलिस्‍तिहाॽ से़क्‍खाए खे़ने़ॽ के़हुक्‍को हुक्‍सुप्‍ने़॥”

२ सामुए़ल 5:23

दाउदरे़ याम्‍मो यहवे दाङ्‌बे़न् सेःन्‍दोसु, कर यहवे दाङ्‌बे़ल्‍ले़ मे़त्तु, “कन् ये़म्‍मो थिक्‍ले़ङ्‌ले़ मे़भत्ते़से़न्‍ने़ॽ, कर खे़ङ्‌हाॽ किर्गप् कबे़से़ॽआङ्‌ पिपोर सिङ्‌बुङ्‌ङिल्‍ले़ कुदगाङ्‌लाम् खुन्‍छिॽ एगाङ्‌लाम्‍बा फत्ते़से़ॽ॥

१ सामुए़ल 23:4

खे़ल्‍ले़चोगुल्‍ले़ दाउदरे़ याम्‍मोआङ् यहवे दाङ्‌बे़न् सुजा नाःक्‍तु, हे़क्‍क्‍याङ् यहवे दाङ्‌बे़ल्‍ले़ खुने़ॽ मे़त्तु, “किलाह ये़क्‌यक्‍को थङ् चोःक्‍से़ पेगे़ॽ, थेआङ्‌भे़ल्‍ले़ पलिस्‍तिहाॽ खे़ने़ॽ के़हुक्‍को थासुङ्‌सिङ् पिने़॥”

खासे़न्‍लोःम्‍बा 20:23

खे़ब्‍याङ् इस्राइलिहाॽ थो मे़धोःक्‍सिङ् मे़बे, हे़क्‍क्‍याङ् यहवे दाङ्‌बे़ल्‍ले़ कुदगि युःन्‍छिक् थारिक् मे़हाबे़, खम्‍भ्‍याङ् इस्राइलिहाॽरे़ यहवे दाङ्‌बे़न् सेःन्‍मे़दोसु, “थे आनिगे फुॽनुसाॽ बेन्‍यामिनिहाॽरे़ खुन्‍छिॽ तक्‍ले़ङ्‌वाओ थङ् चोःक्‍से़ याम्‍मो पेगिगे़बि?” यहवे दाङ्‌बे़ल्‍ले़ मे़त्तुसि, “खे़ङ्‌हाॽरे़ खुन्‍छिॽ तक्‍ले़ङ्‌वाओ खिनिॽ थाःङ् थोःक्‍कासिम् पेगे़म्‍मे़ॽ॥”

निङ्‌वाॽफु साम्‍लोसुम् 91:15

खे़ल्‍ले़ उःत्ताल्‍ले़ खुने़ॽ पाःन्‍छाःत्तुङ्‌लो, खे़न् ये़त्तुक्‍खे चाःल्‍ले़ चुम् मे़त्तुङ्, तेःङ् मे़त्तुङ्‌लो, मिङ्‌सो थाःङ्‌सोनु खे़न् से़ःप्‍तुङ्‌लो॥

निङ्‌वाॽफु साम्‍लोसुम् 50:15

तुक्‍खे लाक्‍खे के़जाःल्‍ले़ मे़त्ताङ्‌ङे़ॽओ, आङ्‌गाॽ खे़ने़ॽ से़ःप्‍ने़रो हे़क्‍क्‍याङ् खे़ने़ॽ आमिमिदिङ् के़जोगुरो॥”

खानिःत् 27:21

खुने़ॽ खे़न् निङ्‌वाॽफुसाम्‍बा एलाजारओ तार हे़क्‍क्‍याङ् एलाजाररे़ग यहवे दाङ्‌बे़ल्‍ले़ कुदगि ‘उरिम’ नु ‘तुम्‍मिम’ लाम् निःन्‍धो पान् फुॽरुआङ् खे़न् ताॽजे़क्‍तुर॥ यहोसुरे़ए कुइङ्‌जाङ् कुइसिक् के़रे़क् इस्राइलिहाॽरे़ तामा नु पेःक्‍मा याःम्‍बक् मे़जोगुर॥”

१ सामुए़ल 28:6

हे़क्‍केःल्‍ले़ सावलरे़ यहवे दाङ्‌बान् सेःन्‍दोसु, कर यहवे दाङ्‌बाल्‍ले़ से़प्‍माङ्‌लाम्‍माङ् नोगप् मे़बिरुन्, उरिम लाम्‍माङ् नोगप् मे़बिरुन्, माङ्‌निङ्‌वाॽपान् के़बाःप्‍पालाम्‍माङ् नोगप् मे़बिरुन्॥

खासे़न्‍लोःम्‍बा 20:18

इस्राइलिहाॽ खिमो बेथेल ले़प्‍माङ् मे़धासिङ्, हे़क्‍क्‍याङ् खे़ङ्‌हाॽरे़ निङ्‌वाॽमाङ्‌ङिन् अक्‍खे मे़मे़त्तुआङ् सेःन्‍मे़दोसु, “आनिगे़ओबा आत्तिन् थाःक्‍हाॽरे़ तगि बेन्‍यामिनिहाॽ फप्‍मासिबे?” यहवे दाङ्‌बे़ल्‍ले़ मे़त्तुसि, “यहुदाबा थाःक्‍हाॽरे़ तगि मे़भत्तुसिर॥”

खासे़न्‍लोःम्‍बा 20:28

हे़क्‍क्‍याङ् एलाजाररे़ कुस्‍सा हारुनरे़ कुम्‍मे़न्‍छाॽ पिनहासरे़ खे़ल्‍ले़ कुबेसाङ् माङ्‌से़वा चोगुर वये़॥ खम्‍भ्‍याङ् इस्राइलिहाॽरे़ यहवे दाङ्‌बे़न् सेःन्‍मे़दोसु, “थे आनिगे फुॽनुसाॽ बेन्‍यामिनिहाॽरे़ खुन्‍छिॽ तक्‍ले़ङ्‌वाओ थङ् चोःक्‍से़ याम्‍मो पेगिगे़बि इ मे़बेगिगे़न्‍बि?” यहवे दाङ्‌बे़ल्‍ले़ खे़ङ्‌हाॽ मे़त्तुसि, “खिनिॽ पेगे़म्‍मे़ॽ, खे़ङ्‌हाॽ फत्ते़म्‍सिम्‍मे़ॽ॥ ताःन्‍दिक् आङ्‌गाॽ खे़ङ्‌हाॽ खिनिॽ हुक्‍को थासुङ्‌सिङ्॥”

१ सामुए़ल 14:37

हे़क्‍केःल्‍ले़ सावलरे़ यहवे दाङ्‌बे़न् सेःन्‍लाप्‍तु, “आङ्‌गाॽ पलिस्‍तिहाॽ नाःत्तुङ्‌सिङ्‌बि? आदाङ्‌बारे़ खे़ङ्‌हाॽ इस्राइलिहाॽरे़ खुनिॽ हुक्‍को के़धासुसिबि?” कर खे़न् ये़म्‍मो यहवे दाङ्‌बे़ल्‍ले़ सावले़न् नोगप् मे़बिरुन्‍लो॥

तोलिङ्‌सोमु 14:16

खुने़ॽ के़रे़क् चिगक्‌वाहाॽ याङ्‌ना नाप्‍तुसि हे़क्‍क्‍याङ् खुने़ॽ कुगाॽइ लुते़न्, कुजिगक्‌वाहाॽ हे़क्‍क्‍याङ् मे़न्‍छुमाहाॽ नु वेॽ मे़दे़म्‍सु मे़देॽरुसिबा मनाहाॽआङ् नुःक्‍तु तारुसि॥

लाम्‍दिक् 15:9

निङ्‌मिःल्‍ले़ पाःत्तु, ‘आङ्‌गाॽ खे़ङ्‌हाॽ नाःत्तुङ्‌सिङ्‌लो, खे़ङ्‌हाॽ नाप्‍तुङ्‌सिङ्‌बा सामाहाॽ फःक्‍खुङ्‌लो॥ आङ्‌गाॽ खे़ङ्‌हाॽ आबाःप्‍पात् मे़त्तुसिङ्‌लो आङ्‌गाॽ आदाभेन् तरप् फिःक्‍खुङ्‌लो, हे़क्‍क्‍याङ् आहुक्‍किल्‍ले़ खे़ङ्‌हाॽ मे़क्‍खुङ्‌सिङ्‌लो॥’

१ सामुए़ल 30:19

चुक्‍पा यम्‍बा, ये़म्‍बित्‍छा मे़न्‍छुमाॽ साहाॽ, मे़नाप्‍तु मे़देॽरुसिबा हाःत्ताङ् हे़क्‍क्‍याङ् थेयाङ् मे़याःक्‍ते़न्॥ दाउदरे़ के़रे़क् नुःक्‍तु तारुसि॥

खासे़न्‍लोःम्‍बा 8:4

गिदोने़न् यर्दन वहःङ्‌ङो ये़, हे़क्‍क्‍याङ् खुने़ॽ नु किप् सुम्‍सि कुमनाहाॽ पना मे़नासे़आङ् मे़वये़साङ् यर्दन नाधाःम्‍बि मे़गाःक्‍तुआङ् निङ्‌मिहाॽ मे़नाःत्तुसिआङ् मे़बत्‍छे़॥

१ सामुए़ल 10:22

खे़ल्‍ले़चोगुल्‍ले़ खे़ङ्‌हाॽरे़ यहवे दाङ्‌बान् सेःन्‍मे़दोसु, “खे़न् मनान् कप्‍मो वाॽबि?” हे़क्‍केःल्‍ले़ यहवे दाङ्‌बाल्‍ले़ नोगप् पिरुसि, “वाॽ, खे़न् मनान् चिगक्‌वा सामाहाॽरे़ कुलुम्‍मो चिङ्‌सिङ्‌ङाङ् युङ्॥”