१ सामुए़ल 3:7 - लिम्‍बु

⁷ आल्‍ल सामुए़लरे़ यहवे दाङ्‌बे़न् कुसिङ् मे़न्‍निःत्ते वये़॥ यहवे दाङ्‌बे़ल्‍ले़ कुबाःन्‍जाक्‍किन् कम्‍भ थारिक् सामुए़लरो ओसेःन्‍धाङ् मे़म्‍बोङ्‌ङे वये़॥

१ सामुए़ल 3:7 Referans Kwoze

सेःक्‌युक्‍मिबाहाॽ 19:2

सेःन्‍दोसुसि, “नसान् के़जोगुम्‍मिल्‍ले़ सेसेमाङ्‌ङिन् के़घोसुम्‍बि?” खे़ङ्‌हाॽरे़ नोगप् मे़बिरु, “आनिगे़ग सेसेमाङ् वाॽ के़लॽबा पाःङ्‌ग मे़ङ्‌घे़म्‍मे वयिगे़रो॥”

यर्मिया 9:24

कर आङ्‌दिङ् के़लॽबे़ल्‍ले़ अक्‍खे चोगुररो, ‘चक्‍मे़ल्‍लॽए मनाहाॽ लुङ्‌माॽ के़दुक्‍पा, कुदोःप्‍मा खासे़न् के़लोःम्‍बा, हे़क्‍क्‍याङ् इक्‍सादिङ् खाम्‍बेःक्‍मो साम्‌योबा आङ्‌गाॽ यहवे दाङ्‌बान् खे़ल्‍ले़ कुसिङ् निःत्ताररो॥’ हाबा कन् पाःन्‍हाॽओ आङ्‌गाॽ आनिङ्‌वाॽ तारो, आङ्‌गाॽ यहवे दाङ्‌बान् पाराङ्‌ङाङ् वाॽआरो॥”

१ कोरन्‍थि 13:11

इङ्‌गाॽ हिन्‍जाॽ वयाङ्‌ङिल्‍ले़ हिन्‍जाॽ कुइसिःक्‍के पाराङ्, हिन्‍जाॽ कुइसिःक्‍के कुसिङ् निःत्तुङ्, हिन्‍जाॽ कुइसिःक्‍के इःत्तुङ्, कर इङ्‌गाॽ थाङ्‌बे़न् के़राङ्‌ङिल्‍ले़ हिन्‍जाॽबा पाःन्‍हाॽ ले़रुङ्‌देसुङ्‌लो॥

१ सामुए़ल 3:6

यहवे दाङ्‌बाल्‍ले़ याम्‍मो सामुए़ले़न् “सामुए़लए” मे़त्तुर उःत्तु॥ हे़क्‍क्‍याङ् सामुए़ले़न् मुत्‍थ्रिक् पोगे़बेआङ् एलिन् मे़त्तु, “खे़ने़ॽ के़उःत्ताङ्‌बाबि? आङ्‌गाॽ कप्‍मोए वाॽआरो॥” कर एलिःल्‍ले़ मे़त्तु, “आस्‍साए, आङ्‌गाॽ उःत्‍ने़बा मेःन्‍लो॥ पेगे़ॽआङ् इप्‍से़ॽओ॥”

१ सामुए़ल 3:8

यहवे दाङ्‌बाल्‍ले़ सामुए़ले़न् सुम्‍ले़ङ् उःत्तु, सामुए़ले़न् पोगे़आङ् एलिरे़ॽओ पे हे़क्‍क्‍याङ् मे़त्तु, “खे़ने़ॽ के़उःत्ताङ्‌बाबि? आङ्‌गाॽ कप्‍मोए वाॽआरो॥” हे़क्‍केःल्‍ले़ यहवे दाङ्‌बे़ल्‍ले़नि कन् हिन्‍जाॽइन् उःत्तुबारे़छ फाआङ् एलिरे़ कुसिङ्‌निःत्तु॥