१ सामुए़ल 3:16 - लिम्‍बु

¹⁶ कर एलिःल्‍ले़ सामुए़ले़न् “आस्‍सा सामुए़लए” मे़त्तुआङ् उःत्तु॥ सामुए़लरे़ मे़त्तु, “है, आङ्‌गाॽ कप्‍मोए वाॽआरो॥”

१ सामुए़ल 3:16 Referans Kwoze

१ सामुए़ल 3:15

सामुए़ले़न् तानाम् खाओःत्ते़ थारिक्‍के हाबा इप्‍से़आङ् ने़स्‍से़॥ हे़क्‍क्‍याङ् पोगे़आङ् यहवे दाङ्‌बाल्‍ले़ कुहिम्‍मोबा लाम्‍धेःप्‍पाहाॽ हन्‍दु॥ खुने़ॽ निसुबा सुफोन् एलिन् मे़प्‍मा किसे़॥

१ सामुए़ल 3:17

हे़क्‍क्‍याङ् एलिःल्‍ले़ सेःन्‍दोसु, “यहवे दाङ्‌बाल्‍ले़ खे़ने़ॽ थे के़मे़त्ते़? के़रे़क् पाःन्‍हाॽ मे़म्‍माॽए मे़त्ताङ्‌ङे़ॽ॥ खुने़ॽ के़मे़त्ते़बा के़रे़क् पाःन्‍हाॽओ लत्‍छारक् के़माॽरुसाङ् निङ्‌वाॽफुमाङ्‌ङिल्‍ले़ खे़ने़ॽ साॽरिक् के़साक्‍पा के़जाःत्‍लरो॥”

तोलिङ्‌सोमु 31:11

खे़न् ये़म्‍मो निङ्‌वाॽफुमाङ्‌ङिल्‍ले़ कुमाङ्‌लाइङ्‌बाल्‍ले़ से़प्‍माङ्‌मो आङ्‌गाॽ ‘याकुबए’ मे़त्ताङ्॥ हे़क्‍क्‍याङ् ‘है, आङ्‌गाॽ कॽयो वाॽआरो’ मे़त्तुङ्॥

तोलिङ्‌सोमु 37:13

हे़क्‍क्‍याङ् याकुबे़ल्‍ले़ युसुफे़न् मे़त्तु, “के़म्‍भुॽसि सकेम्‍मो मे़ल्‍लुक्‍हाॽ चामे़राम्‍सुसिर मे़याक्॥ फे़रे़ॽ, आङ्‌गाॽ खुन्‍छिॽओ खे़ने़ॽ पाङ्‌ने़देने़॥” युसुफरे़ मे़त्तु, “ओक्, आङ्‌गाॽ पेःक्‍का॥”

रुथरे़ कुसाप्‍पन् 2:8

बोअजे़ल्‍ले़ रुथे़न् मे़त्तु, “आङ्‌गाॽ खे़ने़ॽ थे़माइ सुजा पिने़ ल? आङ्‌गाॽ आइक्‍ताप्‍पोरक् याःम्‍बक् चोगे़ॽ, वेॽ आत्तिआङ् मे़बेगे़न्‍ने़ॽ॥ कॽयो याःम्‍बक् के़जोःक्‍मा मे़न्‍छ्‌याहाॽनु याःम्‍बक् चोगे़ॽ॥

१ सामुए़ल 12:2

हाबा खे़न् हाङ्‌ङिन् खे़निॽ लाम्‍लोबा पोःक्‍खे़आङ् वाॽ॥ आङ्‌गाॽग काप्‍पोबा तुम्‍साङ्‌ङाङ् वाॽआ, खे़ब्‍याङ् आधे़गेक् मुरिक्‍काङ् फुत्ते़ चुरे़आङ् वाॽ॥ आङ्‌गाॽ आस्‍साहाॽआङ् खे़निॽनुए मे़वाॽ॥ आङ्‌गाॽग चुःक्‍ताङ्आङ्‌धो आल्‍लो थे़म्‍बा खे़निॽ लाम्‍लोबा पोःक्‍खाङ् थाङाङ्‌ङाङ् वाॽआ॥