१ सामुए़ल 29:3 - लिम्बु3 पलिस्तिहाॽरे़ खुन्छिॽ थक्मोबाहाॽरे़ सेःन्मे़दोसुसि, “कन् हिब्रुहाॽ कप्मो थेःन् चोःक्नु मे़वाॽबे?” आकिसे़ल्ले़ मे़त्तुसि, “कन् इस्राइलबा हाङ् सावलरे़ कुसे़वारोबा दाउदे़न्लो, कन् आङ्गाॽनु वाॽबा तङ्बेधिक्नुःल्ले़ यरिक् पोःक्खे़आङ् वाॽ॥ आङ्गाॽनु वये़आङ्धो आङ्गाॽ कन् मनाओ ताप्फे़ःम्बा आप्तिक् थेआङ् मे़ङ्घोए वाॽआरो॥” Gade chapit la |
१ सामुए़ल 29:3
13 Referans Kwoze
तुम्निङ्वाॽफुसाम्बाहाॽ नु माङ्हिम् के़गोबा तिलिङ्गाहाॽरे़ खुने़ॽ मे़निसुनामे़ःन्ने “सिलाम्साक्मा सिङ्सम्दाङ् खे़न् फोःन्दे़ॽओ, सिलाम्साक्मा सिङ्सम्दाङ् खे़न् फोःन्दे़ॽओ” लॽरिक् अःक्मा मे़हेःक्ते़रो॥ हे़क्केःल्ले़ पिलातसरे़ खे़ङ्हाॽ मे़त्तुसि, “खिनिॽए कन् मनान् तेॽरे़म्मे़ॽआङ् सिलाम्साक्मा सिङ्सम्दाङ् फोःन्दे़म्मे़ॽओ, कर इङ्गाॽग खे़ल्ले़ कुदक्ले़ङ्वाओ थेआङ् आप्तिक् मे़ङ्घोबान्लो॥”
“आन्दाङ्बे, खे़ने़ॽ के़से़वारोमाल्ले़ फेःन्दुबा पाःन्निन् ले़प्मि पिरे़ॽओ॥ आदाङ्बारे़ के़धाःक्हाॽ यहवे दाङ्बे़ल्ले़ सदादिङ् के़वाॽबा चोगुसिर, थेआङ्भे़ल्ले़ आदाङ्बारे़ग यहवे दाङ्बाल्ले़ कुधङ्हाॽओ थङ् के़जोःक्ल के़बत्लो॥ आदाङ्बा के़वाॽर थारिक् खे़ने़ॽओ ताप्फे़ःम्बा थेआङ् खोमे़दे़त्ने़न्लरो॥
दाउदरे़ कुनिङ्वाॽओ अक्खेलॽरिक् निङ्वाॽ इःत्तु, “आल्ल थिक्याःङ्ग सावलरे़ कुहुक्लाम्बा सिमाए पोङ्॥ पलिस्तिहाॽरे़ खुन्छिॽ लाजेॽओ खे़त्छिङ्मा पेःक्माए आङ्गाॽ आलागि नुबा पोङ्॥ खे़ब्याङ् इस्राइल लाजेॽ के़रे़क् सावलरे़ आङ्गाॽ कोःप्मा ले़त्ता, हे़क्क्याङ् आङ्गाॽ खुने़ॽ कुहुक्को थामालाम् हिङ्ङारो॥”
हे़क्क्याङ् आकिसरे़ दाउदे़न् उःत्तुआङ् मे़त्तु, “यहवे दाङ्बे़न् कुहिङ्वे़त् वाॽबा कुइसिक् पाःत्तुङ्ॽ, खे़ने़ॽ साॽरिक् के़नुॽबा के़जोक्, हे़क्क्याङ् आङ्गाॽनु के़वाॽआङ् कन् थङ्ङो के़धक्पा पाःन्नो आङ्गाॽ ते़न्ना॥ खे़ने़ॽ आङ्गाॽओ के़द्येआङ्धो खे़ने़ॽओ ताप्फे़ःम्बा थेआङ् मे़ङ्घोए वाॽआ, कर खे़ने़ॽ थङ् थक्से़ पेःक्मा पाःन्नो वेॽ युक्साबाहाॽ खे़ने़ॽनु मे़न्दे़न्ने़न्॥
आल्ल दाउदे़न् साउलरे़ कुदक्ले़ङ्वाओ थङ् थक्से़ पलिस्तिहाॽनु पेःल्ले़ मनस्सेबा कुभा मनाहाॽ दाउदे़न्नु मे़भुङ्सिङ्॥ हे़क्केसाङ् से़क्खाःल्ले़ खुने़ॽ पलिस्तिहाॽ ले़प्माङ् मे़बत्छे़न्नाङ् ते़न्धङ्ग मे़जोगे़न्, थेआङ्भे़ल्ले़ पलिस्तिहाॽरे़ खुन्छिॽ युक्साबाहाॽ खुन्छिॽ लुम्मो अक्तङ्बा पाःन्दङ् मे़जोगे़आङ् खुने़ॽ मे़नुःक्तु मे़देसु, “खुने़ॽ आनिॽ थे़गेःक्हाॽ फुन्दु तेॽरुआङ् कुन्दाङ्बा साउले़न्नु तङ्सिङ्से़ पेक्॥”
Piblisite