१ सामुए़ल 29:2 - लिम्‍बु

² पलिस्‍ति युक्‍साबाहाॽरे़ किप्‍थिक् किप्‍थिक् नु हे़न्‍छिङ् हे़न्‍छिङ्‌ङो खुन्‍छिॽ थक्‍सुबाहाॽ तगि मे़भोसुसिर मे़बत्‍छे़, हे़क्‍क्‍याङ् दाउदे़न् नु खुने़ॽ कुमनाहाॽ आकिसे़न्‍नु एगाङ्‌समा तिःक्‍लाओ मे़वये़॥

१ सामुए़ल 29:2 Referans Kwoze

यहोसु 13:3

मिस्र लाजेॽ नाङ्‌गे़न् ले़प्‍माङ्‌बा सिहोर वहःङ्‌लाम् कत्‍ना एक्रोनबा इःन्‍दो थारिक्—कन्‍हाॽ के़रे़क् कनानिहाॽरे़ खुन्‍छिॽ लक्‍को चुक्‍ते़आङ् ने़रो, (ङासि पलिस्‍ति युक्‍साबाहाॽरे़ खुन्‍छिॽ ते़ङ्‌गप्‍हाॽ गाजा, अस्‍दोद, अस्‍कलोन, गात नु एक्रोन), हे़क्‍क्‍याङ् लाङ्‌गे़त् ले़प्‍माङ्‌बा अब्‍बिहाॽरे़ खुन्‍छिॽ लाजेन् सोसोरिक्,

१ सामुए़ल 6:4

पलिस्‍तिहाॽरे़ सेःन्‍मे़दोसुसि, “आप्‍तिक्‍लाम्‌ ले़प्‍मि खोमा आक्‍तङ्‌बा सिदुङ्‌जभा हाङ्‌मादेमाबे?” खे़ङ्‌हाॽरे़ अक्‍तङ्‌बा नोगप् मे़बिरुसि, “ङासि साम्‍म्‍याङ् लःप्‍ला नु ङासि साम्‍म्‍याङ् सुबाहाॽ पलिस्‍ति युक्‍साबाहाॽरे़ खुनिॽ खानिःत् कुइसिक् हाङे़म्‍देसे़म्‍मे़ॽ॥ थेआङ्‌भे़ल्‍ले़ आम्‍भा खे़न् तुक्‍माल्‍ले़ खे़निॽ नु खे़निॽ युक्‍साबाहाॽ के़याङ्‌घिआङ् के़वयि॥

खानिःत् 10:25

खे़न् एगाङ् के़रे़क्‍नुःल्‍ले़ एगाङ् के़बप्‍पा दानरे़ कुसाःङ्‌गाहिम्‍हाॽओबा मनासुम्‍हाॽरे़ खुन्‍छिॽ आप्‍फेक् निसान मे़भोःक्‍खु हे़क्‍क्‍याङ् के़रे़क् मनासुम्‍हाॽ कम्‍ब्राङ् मे़मे़त्तुसिर तगाङ् मे़धासिङ्॥ अम्‍मिसद्‌दैरे़ कुस्‍सा अहिएजेरे़न् मनासुम्‍हाॽ लाम्‍गे़लोबा वये़॥

१ साप्‍मुःन्‍धुम् 12:19

आल्‍ल दाउदे़न् साउलरे़ कुदक्‍ले़ङ्‌वाओ थङ् थक्‍से़ पलिस्‍तिहाॽनु पेःल्‍ले़ मनस्‍सेबा कुभा मनाहाॽ दाउदे़न्‍नु मे़भुङ्‌सिङ्॥ हे़क्‍केसाङ् से़क्‍खाःल्‍ले़ खुने़ॽ पलिस्‍तिहाॽ ले़प्‍माङ् मे़बत्‍छे़न्‍नाङ् ते़न्‍धङ्‌ग मे़जोगे़न्, थेआङ्‌भे़ल्‍ले़ पलिस्‍तिहाॽरे़ खुन्‍छिॽ युक्‍साबाहाॽ खुन्‍छिॽ लुम्‍मो अक्‍तङ्‌बा पाःन्‍दङ् मे़जोगे़आङ् खुने़ॽ मे़नुःक्‍तु मे़देसु, “खुने़ॽ आनिॽ थे़गेःक्‍हाॽ फुन्‍दु तेॽरुआङ् कुन्‍दाङ्‌बा साउले़न्‍नु तङ्‌सिङ्‌से़ पेक्॥”