१ सामुए़ल 29:1 - लिम्‍बु

¹ आल्‍ल पलिस्‍तिहाॽरे़ खुन्‍छिॽ के़रे़क् थक्‍सुबाहाॽ थङ् चोःक्‍से़ अपेकओ मे़सुप्‍सुसि, हे़क्‍क्‍याङ् इस्राइलिहाॽरे़ यिजरेलबा वबुन्‍दाक् कुबेसाङ् तुरायक् मे़लेःत्तु॥

१ सामुए़ल 29:1 Referans Kwoze

१ सामुए़ल 4:1

हे़क्‍क्‍याङ् सामुए़लरे़ कुबाःन्‍जाक्‍किन् इस्राइल लाजेॽ के़रे़क् पिसाङ् से़रे़॥ आल्‍ल खे़न् ये़म्‍मो इस्राइलिहाॽ पलिस्‍तिहाॽनु थङ् चोःक्‍से़ तगि मे़बोरे़॥ इस्राइलिहाॽरे़ ए़बेन-एजर मे़प्‍मनाबादे़न्‍नो साःङ्‌गाहिम् मे़घिङ्‌घुआङ् मे़युङ्‌सिङ् हे़क्‍क्‍याङ् पलिस्‍तिहाॽरे़ अपेक मे़प्‍मनाबादे़न्‍नो तुरायक् मे़घिङ्‌घुआङ् मे़युङ्‌सिङ्॥

१ हाङ् 21:1

कुभा ये़म् एगाङ् यिजरेलि नाबोतरे़ लत्‍छा कुजे़ल्‍ले़क्‍सेॽ इक्‍ताप्‍पिल्‍ले़ कुयाःम्‍बेओ हिन्‍दोक् थिक् पोःक्‍खे़॥ खे़न् चे़ल्‍ले़क्‍सेॽ इक्‍ताप्‍पिन् यिजरेलओ सामरियाबा हाङ् आहाबरे़ कुहाङ्‌हिम् पेसाङ् ने़स्‍से़॥

१ हाङ् 20:30

खे़ङ्‌हाॽओबा कुभा के़हिङ्‌बाहाॽ अपेक ये़क्‌यक्‍को मे़घे़त्‍छिङ्, खे़प्‍मोआङ् ये़क्‌यक्‍कोबा लुङ्‌धाक्‍किन् लुःन्‍दे़आङ् २७,००० मनाहाॽ सम्‍धाङ् चुक्‍ते़॥ खम्‍भ्‍याङ् बेन-हददे़न्ग ये़क्‌यक्‍को खे़त्‍छिङ् हे़क्‍क्‍याङ् सिगाङ्‌बा याक्‍फाङ्‌ङो पेआङ् चिङ्‌सिङ्॥

यहोसु 19:30

खे़प्‍मोबा पाङ्‌भेॽहाॽनु सोसोरिक् निबोङ्‌ङाङ् ने़त्‍छि ये़क्‌यक्‍हाॽ ने़स्‍से़रो॥

यहोसु 12:18

अपेकबा लत्‍छा हाङ्, लस्‍सारोनबा लत्‍छा हाङ्,

२ हाङ् 9:36

खे़ङ्‌हाॽ मे़नुःक्‍खे़ मे़धाङे़आङ् येहुन् मे़जे़क्‍तु॥ खुने़ॽ खे़ङ्‌हाॽ मे़त्तुसि, “यहवे दाङ्‌बे़ल्‍ले़ कुसे़वारोबा तिस्‍बि एलियालाम् खुने़ॽ पाःत्तुबा कुइङ्‌घङ्‌ङिन् हाबा कन् वये़रो, यिजरेलबा खे़न् लाजेॽ लक्‍को इजेबेलरे़ कुने़क्‍सान् ख्‍याबाहाॽरे़ मे़बाक्‍तुॽ॥

२ हाङ् 9:30

खे़ब्‍याङ् येहुन् यिजरेल थासिङ्॥ थेधे पोःक्‍खे़आङ् वये़ खे़न् इजेबेलरे़ खे़प्‍सु, खे़ब्‍याङ् खुने़ॽ कुमिक्‍हाॽओ माक्‍सुःन्‍दा चाःन्‍दु, हे़क्‍क्‍याङ् कुधे़गेःक्‍किन् फयुआङ् लत्‍छा पेधाःप्‍पोलाम् लाःक्‍कात् ओमये़॥

१ हाङ् 21:23

“हे़क्‍क्‍याङ् इजेबेलरे़ कुयाःम्‍बेओ यहवे दाङ्‌बे़ल्‍ले़ पाःत्तुॽ—‘यिजरेलबा लुङ्‌धाक्‍किल्‍ले़ कुयाओ इजेबेले़न् कोःत्‍चोहाॽरे़ मे़जरो॥’

१ सामुए़ल 28:4

पलिस्‍तिहाॽ मे़भुङ्‌सिङ्‌ङाङ् सुनेम्‍मो मे़द्‌ये़, हे़क्‍क्‍याङ् खे़प्‍मो तुरायक् मे़लेःत्तु॥ सावलरे़आङ् के़रे़क् इस्राइलिहाॽ फुक्‍खुसिआङ् गिल्‍बो मे़प्‍मनादे़न्‍नो तुरायक् मे़लेःत्तु॥

खासे़न्‍लोःम्‍बा 6:33

के़रे़क् मिद्‌यानिहाॽ, अमाले़किहाॽ नु नाङ्‌गे़न् ले़प्‍माङ्‌बा मे़न्‍छाम् सुवाङ्‌हाॽ थिक्‍हुप् मे़बोःक्‍खे़, हे़क्‍क्‍याङ् यर्दन वहःङ्‌ङिन् मे़गाःक्‍तुआङ् यिजरेलबा ने़ने़बादे़न्‍नो थक्‍सुबा ने़त्‍ना साःङ्‌गाहिम् मे़घिङ्‌घु॥

यहोसु 19:18

खे़ङ्‌हाॽरे़ खुन्‍छिॽ इःन्‍दोन् यिजरेल, कसुल्‍लोत, सुनेम,

१ सामुए़ल 28:25

खे़न् खरे़ःङ्‌ङिन् सावल नु खुने़ॽ कुमनाहाॽरे़ खुन्‍छिॽ तगि युक्‍खु पिरुसि॥ खे़ङ्‌हाॽरे़ खे़न् चामा थुङ्‌माहाॽ मे़ज मे़धुङुआङ् आम्‍भा खे़न् से़न्‍दिक् खे़ङ्‌हाॽ मे़धासिङ्‌लो॥

२ सामुए़ल 2:9

हे़क्‍क्‍याङ् गिलाद, असुर, यिजरेल, एफ्राइम नु बेन्‍यामिन खे़म्‍ब्‍याङ् के़रे़क् इस्राइलओ हाङ्‌युक् चोगु॥

२ सामुए़ल 5:17

दाउदे़न् इस्राइलओ हाङ् मे़सेःन्‍दु के़लॽबा पाःन्‍निन् पलिस्‍तिहाॽरे़ मे़घे़प्‍सु, खे़ङ्‌हाॽरे़ थक्‍सुबाहाॽ मे़देॽरुसिआङ् दाउदरे़ कुगोःत्‍छे़ मे़लःन्‍दे़, कर कन् पाःन्‍निन् दाउदरे़ खे़प्‍सुआङ् यो यक्‍को थासिङ्॥

निङ्‌वाॽफु साम्‍लोसुम् 83:7

गबालिहाॽ, आम्‍मोनिहाॽ, अमाले़किहाॽ, पलिस्‍तिहाॽ हे़क्‍क्‍याङ् तुरोसबा मनाहाॽ थिक्‍हुप् मे़बोःक्‍खे़आङ् मे़वाॽरो॥

यहोसु 17:16

योसेफरे़ कुमुॽइदाङ्‌साहाॽरे़ मे़बाःत्तु, “कोःक्‍मा फाङ्‌जङ्‌बा लाजेॽओ आनिगे मे़हत्तिगे़न्॥ हे़क्‍क्‍याङ् बेथ-सान नु खे़प्‍मोबा पाङ्‌भेॽहाॽओ के़युङ्‌बाहाॽरे़ खे़ब्‍याङ् यिजरेलबा ने़ने़बादे़न्‍नो के़युङ्‌बा के़रे़क् कनानिहाॽरे़ फे़न्‍जेॽ अन्‍लाधाहाॽ मे़गत्तु॥”

खासे़न्‍लोःम्‍बा 7:1

यरुब-बाल, खुने़ॽ गिदोन मे़मे़त्तु, हे़क्‍क्‍याङ् खुने़ॽनु के़वाॽबा के़रे़क् मनाहाॽ आन्‍देन् तानाम्‍सा मे़बोगे़आङ् हरोदबा च्‍वाःत् वाबुन्‍दाक्‌वाओ साःङ्‌गाहिम्‍हाॽ मे़घिङ्‌घु॥ मिद्‌यानिहाॽरे़ग इस्राइलिहाॽरे़ खुन्‍छिॽ थोहाङ् ले़प्‍माङ् मोरे कोःक्‍माबा ने़ने़बादे़न्‍नो साःङ्‌गाहिम्‍हाॽ मे़जोगु॥