१ सामुए़ल 28:11 - लिम्‍बु

¹¹ हे़क्‍केःल्‍ले़ खे़न् मे़न्‍छुमाःल्‍ले़ मे़त्तु, “खे़ने़ॽ के़लागि हात् उःत्तुङ्‌बाबे?” सावलरे़ मे़त्तु, “सामुए़ले़न् उःत्ते़ॽ॥”

१ सामुए़ल 28:11 Referans Kwoze

१ सामुए़ल 28:10

सावलरे़ माङ्‌हे़क्‍सिङ्‌ङाङ् खे़न्‍निन् मे़त्तु, “यहवे दाङ्‌बे़न् कुहिङ्‌वे़त् वाॽबा कुइसिक् आङ्‌गाॽ मे़त्‍ने़, कन् याःम्‍बक्‍किन् के़जोगुल्‍ले़ खे़ने़ॽ के़सम्‍दाङ् अक्‍तङ्‌बा मे़क्‍मासिमा याःम्‍बक् मे़दाने़न्‍लो॥”

१ सामुए़ल 28:12

खे़न् मे़न्‍छुमाॽइल्‍ले़ सामुए़ले़न् लःन्‍दे़ त्‍ये़बा निसुल्‍ले़ साॽरिक् यङ्‌मा स्‍ये़, हे़क्‍क्‍याङ् अःक्‍ते़र सावले़न् मे़त्तु, “खे़ने़ॽ थेआङ् इङ्‌ले़क् के़मे़त्ताङ्‌बाबे? खे़ने़ॽग सावले़न्‍ने़निरे़छ॥”

साम्‌योथिम् इङ् 18:11

साम्‍माङ्‌च्‍याःङ् मुरा के़मे़प्‍पा, खे़मायङ्‌सङ् सुजा के़नाःक्‍पा ये़बा इग्र फे़दाङ्‌मा खिनिॽ लुम्‍मो हाःत्ताङ् मे़न्‌वाॽने़न्‍ल॥

१ सामुए़ल 28:15

हे़क्‍क्‍याङ् सामुए़लरे़ सावले़न् मे़त्तु, “आङ्‌गाॽ थो के़लःत्ताङ्‌ङाङ् थेआङ् तुक्‍खे के़जाःत्ताबाबे?” सावलरे़ मे़त्तु, “आङ्‌गाॽ साॽरिक् के़साक्‍पो थ्‍याङ्‌ङाङ् वाॽआ॥ पलिस्‍तिहाॽरे़ थङ्‌ङो आङ्‌गाॽ मे़एःप्‍ताङ्‌ङाङ् वाॽ, हे़क्‍क्‍याङ् निङ्‌वाॽफुमाङ्‌ङिल्‍ले़ आङ्‌गाॽ ले़राङ्‌ङाङ् वाॽ॥ खुने़ॽ माङ्‌निङ्‌वाॽपान् के़बाःप्‍पालाम् हे़क्‍क्‍याङ् से़प्‍माङ्‌लाम्‍माङ् नोगप् मे़बिराङ्‌ङिन्॥ आङ्‌गाॽ थे चोगुङ्‌बाबे फाॽआङ् सेःन्‍दोसे़ खे़ने़ॽ उःत्‍ने़बा॥”

यसैया 8:19

कर मनाहाॽरे़ग साम्‍माङ्‌च्‍याःङ् मुरागे़मे़प्‍पा नु कित्‍चाक् के़जोःक्‍पा मनाहाॽ सुजा नाःक्‍ताम्‍सिम्‍मे़ॽ फाॽआङ् खे़निॽ के़म्‍मे़त्तिॽ॥ हे़क्‍केःल्‍ले़ “मनाहाॽरे़ खुन्‍छिॽ निङ्‌वाॽफुमाङ्‌ङो पेःक्‍माआङ् सेःन्‍दोमा मे़बोङ्‌ने़म्‍बि? कुहिङ्‌वे़त्‍हाॽरे़ लागि के़सिबाहाॽ थेआङ् सेःन्‍दोमासिबे?”