5 दाउदरे़ आकिसे़न् मे़त्तु, “खे़ने़ॽ लुङ्माॽ के़दुक्काॽने़फग्र खे़ने़ॽ के़लाजेॽबा लत्छा चुक्सा ये़क्यक्को युङ्मादे़न् पिराङ्ङे़ॽ॥ आङ्गाॽ थेआङ् हाङ्ङिन्नु कन् हाङ् युङ्बा ये़क्यक्को युङ्ङाबाबे?”
खे़बे़ल्ले़ खिनिॽ अक्खे मे़त्ते़म्मे़ॽ, ‘आदाङ्बारे़ के़से़वारोबाहाॽ आनिगे कुम्बा कुस्सा के़रे़क् चुःक्तिगे़आङ्धो आल्लो थारिक् पित् मे़ःन्दाॽ के़हिङ्बासिगे़॥’ हे़क्क्याङ् खिनिॽ गोसेन्नो युङ्मा के़घोसुम्, थेआङ्भे़ल्ले़ मिस्रिहाॽरे़ के़रे़क् पित् के़गम्बाहाॽ मे़जिःत्तुसिॽ॥”
यहवे दाङ्बाल्ले़ पाःत्तुॽ, “खे़ल्ले़चोगुल्ले़ खे़ङ्हाॽओलाम्बा लःन्दे़म्मे़ॽआङ् खे़ङ्हाॽनु सोरिक् मे़वये़म्मिन्ने़ॽओ॥ खे़ङ्हाॽरे़ खुनिॽ आजिःन्जिःम्बा पाःन्हाॽ मे़सुसे़म्मिन्ने़ॽ, हे़क्क्याङ् इङ्गाॽ खिनिॽ ताःक्निङ्लो॥
दाउदे़न् गातओ खे़त्छिङ् पेआङ् वाॽ के़लॽबा सावले़न् मे़मे़त्तु, हे़क्केःल्ले़ खुने़ॽ दाउदे़न् कोःप्मा ले़रु॥
खे़ल्ले़चोगुल्ले़ आकिसरे़ खे़न् ये़न्नो खुने़ॽ सिक्लग ये़क्यक्किन् पिरु, खे़न् आल्लसाङ् यहुदाबा हाङ्हाॽरे़न् पोःक्खे़आङ् ने़रो॥