१ सामुए़ल 26:24 - लिम्‍बु

²⁴ ओमे़त्ते़ॽ! आइन् के़सक्‍मान् इमे़ल्‍लुङ्‌बा निङ्‌वाॽ इःत्तुङ्, हे़क्‍केलॽरिक्‍के यहवे दाङ्‌बे़ल्‍ले़ कुदगि आङ्‌गाॽ आसक्‍मान् इमे़ल्‍लुङ्‌बा पोङ्‌ल, हे़क्‍क्‍याङ् खुने़ॽए के़रे़क् परिक्‍पा तुक्‍खे लाक्‍खेहाॽओ से़ःप्‍पाररो॥”

१ सामुए़ल 26:24 Referans Kwoze

मत्ति 5:7

वेॽ मनाहाॽ लुङ्‌माॽ के़दुक्‍पाहाॽ मुॽइसाबासिरो, थेआङ्‌भे़ल्‍ले़ खे़ङ्‌हाॽ लुङ्‌माॽ मे़दुक्‍तुसिॽरो॥

सुफो 7:14

इङ्‌गाॽ खुने़ॽ नोगप् पिरुङ्, “आदाङ्‌बे, इङ्‌गाॽग मे़निसुङ्‌सिङ्‌ङिन्‍लो, खे़ने़ॽए के़निसुॽरो॥” हे़क्‍क्‍याङ् खुने़ॽ अक्‍खे मे़त्ताङ्, “कन्‍हाॽग पयम् यम्‍बा निङ्‌घुम्‍लाम् के़दाबासिरो॥ कङ्‌हाॽरे़ मे़ल्‍लुक्‍साःल्‍ले़ कुमाक्‍खिॽओ खुनिॽ तेत्‍चाङ्‌हाॽ वामे़हप्‍तुआङ् फदाङ्‌बा मे़जोगुआङ् मे़वाॽरो॥

२ थिस्‍सलोनिकि 3:2

आनिगे ताप्‍फे़ःम्‍बा नु कुॽइ के़भे़ॽबा मनाहाॽरोलाम् निङ्‌वाॽफुमाङ्‌ङिल्‍ले़ याप्‍मि ताङ्‌से़ःप्‍तिगे़र फाॽआङ् तुवा चोगे़म् आबिरे़म्‍मे़ॽ, थेआङ्‌भे़ल्‍ले़ काक् मे़न्‍छाम् याप्‍मिहाॽरे़ग सुनाइङ्‌ङिन् नसान् मे़न्‍जोगुन्‍लो॥

सेःक्‌युक्‍मिबाहाॽ 14:22

खे़प्‍मो खे़ङ्‌हाॽरे़ हुॽसाम्‍बाहाॽ नसाःन्‍नो चक्‍मे़ल्‍लॽए वये़म्‍मे़ॽ मे़त्ते़छुसिर हाङ्‌हाङ् चोगे़त्‍छुसि, हे़क्‍क्‍याङ् यरिक् इनोगे़न् तुक्‍खे के़दुमुम्‍साङ् निङ्‌वाॽफुहाङ्‌जुम्‍मो लाःप्‍माए पोङ्‌लो फाॽआङ् आःन्‍छिङ्‌मा पिरे़त्‍छुसिरो॥

मत्ति 7:2

वेॽहाॽ पान् के़धिक्‍तुम्‍सिम्‍बा हे़क्‍केए निङ्‌वाॽफुमाङ्‌ङिल्‍ले़ खिनिॽआङ् पान् के़धिक्‍तिॽरो॥ आक्‍खेलॽरिक् वेॽहाॽ के़मे़त्तुम्‍सिम्, बा हे़क्‍केलॽरिक्‍के निङ्‌वाॽफुमाङ्‌ङिल्‍ले़ खिनिॽआङ् के़मे़त्तिॽरो॥

निङ्‌वाॽफु साम्‍लोसुम् 144:2

खुने़ॽग आङ्‌गाॽ याप्‍मि लुङ्‌माॽ के़दुक्‍पा आनिङ्‌वाॽफुमाङ्‌लो, हे़क्‍क्‍याङ् आङ्‌गाॽ आइःम्‍सिङ्‌मादे़न् आमाङ्‌गे़न्‍ना यक् नु आसे़न्‍लप्‍दाङ्‌बारो॥ खे़ब्‍याङ् खुने़ॽग आङ्‌गाॽ याप्‍मि के़से़ःप्‍पा आघोरो॥ खुने़ॽ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ आयुक्‍को तारुसिरो॥

निङ्‌वाॽफु साम्‍लोसुम् 54:7

थेआङ्‌भे़ल्‍ले़ आङ्‌गाॽ के़रे़क् इनोगे़न् तुक्‍खेहाॽलाम्‍बा के़से़ःप्‍ताङ्‌लो॥ आनिङ्‌मिहाॽ हारिमे़द्‌ये़बा निसुङ्‌ङाङ् वाॽआरो॥

निङ्‌वाॽफु साम्‍लोसुम् 18:48

हे़क्‍क्‍याङ् खुने़ॽ आनिङ्‌मिहाॽरे़ खुनिॽ हुक्‍को थामा मे़भाःक्‍काआन्‍लो॥ खुने़ॽ आनिङ्‌मिहाॽ सम्‍धाङ् आङ्‌गाॽ मिङ्‌सो इङ्‌धाङ्‌साबा चोःक्‍कारो, ते़न्‍धङ् केजोःक्‍पाहाॽलाम् के़से़ःप्‍पारो॥

निङ्‌वाॽफु साम्‍लोसुम् 18:25

खे़ने़ॽग नसाःन्‍साबाहाॽनु नसाःन्‍साबाए के़जोःक्‍लो, कुलिङ्‌दो के़गे़प्‍पाहाॽनु कुलिङ्‌दो के़गे़प्‍पाए के़जोःक्‍लो॥

निङ्‌वाॽफु साम्‍लोसुम् 18:1

यहवे दाङ्‌बाए, आमुक्‍साम्‍मे, खे़ने़ॽ मिःम् मे़त्‍ने़रो॥

तोलिङ्‌सोमु 48:16

के़रे़क् काःम्‍मालाम् याप्‍मि ताङ्‌गे़से़ःप्‍पा माङ्‌लाइङ्‌बाल्‍ले़ निङ्‌वाॽफुमाङ्‌ङिल्‍ले़ कन् अङे़ःक्‌वाहाॽ हाङ्‌वा मुॽइसाम् पिरुसिररो॥ कङ्‌हाॽओए आङ्‌गाॽ आमिङ्‌ङिन् वाॽररो, हे़क्‍क्‍याङ् आङ्‌गाॽ आम्‍बा अब्राहाम नु इसहाक्‍के़ल्‍ले़ खुन्‍छिॽ मिङ् सदादिङ् वाॽररो, हे़क्‍क्‍याङ् इक्‍सादिङ् खाम्‍बेःक्‍मो कङ्‌हाॽ निःत्‍मे़न्‍दे़त्ते थारिक् मे़बोःन्‍लरो॥”

१ सामुए़ल 18:30

पलिस्‍तिहाॽरे़ खुनिॽ थक्‍मोबाहाॽ थङ् चोःक्‍से़ मे़द्‌ये़र मे़वये़॥ अक्‍खेलॽरिक् खे़ङ्‌हाॽ थङ् चोःक्‍से़ मे़द्‌ये़ःल्‍ले़ सावलरे़ वेॽ कुधक्‍मोबाहाॽनुःल्‍ले़ दाउदरे़ यरिक् नाःन्‍दुसि॥ खे़ब्‍याङ् हे़क्‍के पोःक्‍खे़ल्‍ले़ खुने़ॽ कुमिङ् इङे़रो॥

१ सामुए़ल 24:16

दाउदरे़ कन् पाःन्‍हाॽ सावले़न्‍नु पाःत्तु सुरुआङ् खिदो, सावलरे़ पाःत्तु, “कन् के़बाःप्‍पे़न् खे़ने़ॽएबि, आस्‍सा दाउदे?” हे़क्‍क्‍याङ् सावले़न् हाःप्‍मा हेःक्‍ते़॥

२ सामुए़ल 4:9

दाउदरे़ बेरोति रिमोनरे़ कुस्‍सा रेकाब नु कुन्‍साॽ बानाहःन् मे़त्तुसि, “यहवे दाङ्‌बाल्‍ले़ए के़रे़क् तुक्‍खेओलाम्‍बा आङ्‌गाॽ से़ःप्‍ताङ्, यहवे दाङ्‌बे़न् कुहिङ्‌वे़त् वाॽबा कुइसिक् माङ्‌हे़क् चोगुङ्‌ङाङ् पाःत्तुङ्‌ॽ,

निङ्‌वाॽफु साम्‍लोसुम् 34:20

यहवे दाङ्‌बे़ल्‍ले़ खे़ल्‍ले़ के़रे़क् कुये़प्‍पाहाॽ से़ःप्‍तुरो, खे़न् कुये़प्‍पाहाॽ थिक्‍काङ् मे़जे़क्‍ने़ल्‍लो॥