१ सामुए़ल 24:8 - लिम्‍बु

⁸ हे़क्‍क्‍याङ् दाउदे़न्‍नाङ् लुङ्‌भुक्‍कुसिगाङ्‌लाम् लाःक्‍कात् लःन्‍दे़, हे़क्‍क्‍याङ् सावले़न् मे़त्तु, “आदाङ्‌बा हाङ्‌ङे!” सावलरे़ हिसिङ्‌ङाङ् ओमे़त्तु, हे़क्‍केःल्‍ले़ दाउदे़न् खाम्‍बाङ्‌ङो हबत् फन्‍छिङ्‌ङाङ् से़वा मे़त्तुर

१ सामुए़ल 24:8 Referans Kwoze

रोमि 13:7

काक् हुङ्‌मा के़बोङ्‌बान् हुङे़म्‍मे़ॽ—के़रे़क् हुङ्‌मा के़बोङ्‌बा एःङ्‌याङ्‌हाॽ हुङे़म्‍मे़ॽ, के़रे़क् मिङ्‌सो इङ्‌धाङ् पिमा के़बोङ्‌बाहाॽ मिङ्‌सो इङ्‌धाङ् पिरे़म्‍सिम्‍मे़ॽओ॥

१ सामुए़ल 26:17

सावलरे़ दाउदरे़ कुइक्‍लान् कुसिङ् निःत्तुआङ् पाःत्तु, “खे़ने़ॽएबि? आस्‍सा दाउदे?” दाउदे़ल्‍ले़ मे़त्तु, “आङ्‌गाॽएरो, आदाङ्‌बा हाङ्‌ङे॥”

१ सामुए़ल 20:41

खे़न् हिन्‍जाॽइन् पेआङ् यम्‍बा लुङ्‌ङिल्‍ले़ लाङ्‌गे़न् ले़प्‍साङ्‌नु दाउदे़न् लःन्‍दे़, हे़क्‍क्‍याङ् जोनाथानरे़ कुदगि सुम्‍ले़ङ् अःक्‍खुम् अःक्‍खुम् लॽरिक् थुःङ्‌सिङ्‌ङाङ् से़वा मे़त्तु॥ हे़क्‍क्‍याङ् खे़ङ्‌हाॽ चुप् मे़त्‍ने़सिआङ् हे़प्ने़सिर हाबे़सि, जोनाथाने़न्‍नुःल्‍ले़ दाउदे़न् साॽरिक् हाबे़॥

लाम्‍दिक् 20:12

“खिनिॽ पानुदिङ् पा नु मानुदिङ् माहाॽ मिङ्‌सोइङ्‌धाःङ् पिरे़म्‍सिम्‍मे़ॽ, यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ के़बिरिबा लाजेॽओ खिनिॽ इरिक् के़हिङिर॥

तोलिङ्‌सोमु 17:3

खे़ब्‍याङ् अब्राम्‍मे़न् साम्‍बोन् हबत् फन्‍छिङ्, हे़क्‍क्‍याङ् निङ्‌वाॽफुमाङ्‌ङिल्‍ले़ मे़त्तु,

१ पत्रुस 2:17

काक् मनाहाॽ मिङ्‌सो इङ्‌धाङ् पिरे़म्‍सिम्‍मे़ॽ, वेॽ नसानिबा फुॽनुसाॽ नु ने़ॽनुसाॽहाॽ लुङ्‌माॽ तुक्‍ते़म्‍सिम्‍मे़ॽ, किसे़म्‍मे़ॽर निङ्‌वाॽफुमाङ्‌ङिन् इङ्‌धाङ् पिरे़म्‍मे़ॽ हे़क्‍क्‍याङ् हाङ् के़जोक्‍पे़न् मिङ्‌सो इङ्‌धाङ् पिरे़म्‍मे़ॽओ॥

१ सामुए़ल 24:7

खे़ल्‍ले़चोगुल्‍ले़ दाउदरे़ कुमनाहाॽ फे़ःक्‍तुसि, हे़क्‍क्‍याङ् सावले़न् फप्‍माआङ् से़प्‍मा मे़बाङ्‌घुसिन्॥ सावले़न् पोगे़आङ् खे़न् लुङ्‌भुक्‍कुन् ले़रु हे़क्‍क्‍याङ् आबाङे कुलाम्‍मो थासिङ्॥

१ सामुए़ल 24:9

दाउदरे़ मे़त्तु, “आङ्‌गाॽ खे़ने़ॽ से़प्‍मा निङ्‌वाॽ चोगुर वाॽ लॽरिक् वेॽ मनारे़ के़म्‍मे़प्‍पा पाःन्‍निन् थेआङ् के़घे़प्‍सुबाबे?

१ सामुए़ल 28:14

खुने़ॽ खे़न् मे़न्‍छुमाॽइन् मे़त्तु, “खे़न् आक्‍तङ्‌बा चोक्?” खे़ल्‍ले़ मे़त्तु, “खाम्‍देःत् के़हे़म्‍बा लत्‍छा काप्‍पोबा मनाधिक् थो लःन्‍धाङ्‌ल पत्॥” हे़क्‍केःल्‍ले़ खे़न् सामुए़ले़न्‍ने फाॽआङ् सावलरे़ निङ्‌वाॽ खोसु॥ हे़क्‍क्‍याङ् खुने़ॽ साम्‍बोन् फन्‍छिङ्‌ङाङ् से़वा मे़त्तु॥

१ हाङ् 1:31

खे़ब्‍याङ् बतसेबान् हाङ्‌ङिल्‍ले़ कुदगि थुङ्‌बोहजॽ युङ्‌सिङ् हे़क्‍क्‍याङ् खाम्‍बाङ्‌ङो साबन् हबत् फन्‍छिङ्‌ङाङ् पाःत्तु, “आङ्‌गाॽ आदाङ्‌बा हाङ् दाउदरे़ कुधाःक् चाॽररो॥”