१ सामुए़ल 23:9 - लिम्‍बु

⁹ सावलरे़ चोगुबा चे़म्‍भन्‍निल्‍ले़ कुयाःम्‍बेओ दाउदरे़ निङ्‌वाॽ खोसु॥ हे़क्‍क्‍याङ् अबियाथार निङ्‌वाॽफुसाम्‍बान् एपोद तेःत्तिन् फे़प्‍मा पाङ्‌घु॥

१ सामुए़ल 23:9 Referans Kwoze

१ सामुए़ल 30:7

खे़ब्‍याङ् दाउदरे़ अहिमे़ले़क्‍के़ल्‍ले़ कुस्‍सा निङ्‌वाॽफुसाम्‍बा अबियाथारे़न् मे़त्तु, “आङ्‌गाॽओ एपोदे़न् तारे़ॽ॥” हे़क्‍क्‍याङ् अबियाथारे़ल्‍ले़ खे़न् तारु॥

१ सामुए़ल 23:6

अहिमेलेकरे़ कुस्‍सा अबियाथारे़न् दाउद वये़बा किलाह ये़क्‌यक्‍को खे़त्‍छिङ् त्‍ये़ःल्‍ले़ एपोदनु त्‍ये़आङ् वये़॥

खानिःत् 27:21

खुने़ॽ खे़न् निङ्‌वाॽफुसाम्‍बा एलाजारओ तार हे़क्‍क्‍याङ् एलाजाररे़ग यहवे दाङ्‌बे़ल्‍ले़ कुदगि ‘उरिम’ नु ‘तुम्‍मिम’ लाम् निःन्‍धो पान् फुॽरुआङ् खे़न् ताॽजे़क्‍तुर॥ यहोसुरे़ए कुइङ्‌जाङ् कुइसिक् के़रे़क् इस्राइलिहाॽरे़ तामा नु पेःक्‍मा याःम्‍बक् मे़जोगुर॥”

सेःक्‌युक्‍मिबाहाॽ 14:6

कर कन् चे़म्‍फन्‍निन् सेःक्‌युक्‍मिबाहाॽरे़ निङ्‌वाॽ मे़घोसुआङ् खे़प्‍मोनु लुकोनिया थुम्‍मोबा लुस्‍त्रा नु दर्बि मे़प्‍मनाबा ये़क्‌यक्‍हाॽ नु खे़न् खिरिबा ते़न्‍नो मे़घे़त्‍छिङ् मे़बेआङ्

सेःक्‌युक्‍मिबाहाॽ 9:24

कर कन् पाःन्‍निन् सावलरे़ निङ्‌वाॽ खोसुरो॥ हे़क्‍क्‍याङ् खे़न् मनाहाॽरे़ से़न्‍दिक् ले़न्‍दिक् खुने़ॽ ते़म्‍माआङ् से़प्‍मा फाॽआङ् ये़क्‌यक्‍कोबा पयम् लाम्‍धेःप्‍हाॽओ मे़सुगुरो॥

यर्मिया 33:3

“आङ्‌गाॽ उःत्ताङ्‌ङे़ॽ हे़क्‍क्‍याङ् आङ्‌गाॽ खे़ने़ॽ पाःन्‍छाःत्‍ने़॥ खे़ने़ॽ के़ल्‍ले़सुम्‍बा निङ्‌वाॽ के़माबा नु ने़हिरे़ मे़न्‍धाप्‍मनाबा कुबे के़याक्‍पा पाःन्‍हाॽ आङ्‌गाॽ खे़ने़ॽ मे़त्‍ने़ॽ॥

१ सामुए़ल 22:20

अहिमे़ले़क्‍के़ल्‍ले़ कुस्‍सा, अहितुबरे़ कुम्‍मे़न्‍छाॽ अबियाथारे़न् खे़त्‍छिङ्‌ङाङ् दाउदरे़ओ पे॥

१ सामुए़ल 14:18

हे़क्‍क्‍याङ् सावलरे़ अहियाह निङ्‌वाॽफुसाम्‍बे़न् मे़त्तु, “निङ्‌वाॽफुमाङ्‌ङिल्‍ले़ कुसन्‍दोःक्‍किन् कप्‍मो फे़त्ते़ॽ॥” (खे़न् ये़म्‍मो निङ्‌वाॽफुमाङ्‌ङिल्‍ले़ कुसन्‍दोःक्‍किन् इस्राइलिहाॽनु वये़॥)

१ सामुए़ल 23:8

हे़क्‍क्‍याङ् सावलरे़ के़रे़क् कुधक्‍सुबाहाॽ किलाह ये़क्‌यक्‍को पेःक्‍माआङ् दाउदे़न् नु कुमनाहाॽ किर्गप् कप्‍मासि फाॽआङ् पाङ्‌घुसि॥

१ सामुए़ल 23:10

खे़ब्‍याङ् दाउदे़ल्‍ले़ अक्‍खेलॽरिक् पेलिगे़न् तुवा चोगु, “इस्राइलबा निङ्‌वाॽफुमाङ् यहवे दाङ्‌बाए, आङ्‌गाॽ चोगुङ्‌ङिल्‍ले़ सावले़न् किलाह ये़क्‌यक्‍को ताआङ् खे़न् मे़ङ्‌मा निङ्‌वाॽ चोगुआङ् वाॽमु के़लॽबा खे़प्‍सुङ्‌ङाङ् वाॽ॥

१ हाङ् 2:26

सोलोमन हाङ्‌ङिल्‍ले़ निङ्‌वाॽफुसाम्‍बा अबियाथारे़न् मे़त्तु, “खे़ने़ॽ आप्‍फेक् के़लाजेॽ सिङ्‌बुङ् अनातोतओ पेगे़ॽ॥ खे़ने़ॽग सिमा के़यारुॽ, कर आङ्‌गाॽ आल्‍लोसा खे़ने़ॽ मे़से़त्‍ने़न्‌ॽ, थेआङ्‌भे़ल्‍ले़ खे़ने़ॽ आङ्‌गाॽ आम्‍बा दाउदरे़ कुदगि यहवे दाङ्‌बे़ल्‍ले़ कुसन्‍दोःक्‍किन् पङ्‌मा याःम्‍बक् के़जोगुआङ् वये़, हे़क्‍क्‍याङ् आम्‍बारे़ तुमुबा तुक्‍खेओ खे़ने़ॽआङ् के़वये़॥”

होसे 3:4

थेआङ्‌भे़ल्‍ले़ इस्राइलिहाॽ यरिक् ये़न् थारिक् हाङ् नु लाम्‍लोबा मेःन्‍ने, सिदुङ्‌जभा नु सेसे लुङ् मेःन्‍ने हे़क्‍क्‍याङ् एपोद नु हिम्‍साम्‍माङ् मेःन्‍ने मे़वाॽ॥

१ सामुए़ल 10:22

खे़ल्‍ले़चोगुल्‍ले़ खे़ङ्‌हाॽरे़ यहवे दाङ्‌बान् सेःन्‍मे़दोसु, “खे़न् मनान् कप्‍मो वाॽबि?” हे़क्‍केःल्‍ले़ यहवे दाङ्‌बाल्‍ले़ नोगप् पिरुसि, “वाॽ, खे़न् मनान् चिगक्‌वा सामाहाॽरे़ कुलुम्‍मो चिङ्‌सिङ्‌ङाङ् युङ्॥”