१ सामुए़ल 23:4 - लिम्‍बु

⁴ खे़ल्‍ले़चोगुल्‍ले़ दाउदरे़ याम्‍मोआङ् यहवे दाङ्‌बे़न् सुजा नाःक्‍तु, हे़क्‍क्‍याङ् यहवे दाङ्‌बे़ल्‍ले़ खुने़ॽ मे़त्तु, “किलाह ये़क्‌यक्‍को थङ् चोःक्‍से़ पेगे़ॽ, थेआङ्‌भे़ल्‍ले़ पलिस्‍तिहाॽ खे़ने़ॽ के़हुक्‍को थासुङ्‌सिङ् पिने़॥”

१ सामुए़ल 23:4 Referans Kwoze

खासे़न्‍लोःम्‍बा 7:7

यहवे दाङ्‌बे़ल्‍ले़ गिदोने़न् मे़त्तु, “कन् किप् सुम्‍सि आत्तिन्‍हाॽरे़ मे़लागुआङ् च्‍वाःत् मे़धुङु हाबा कन्‍हाॽलाम्‍बाए आङ्‌गाॽ खिनिॽ से़ःप्‍निङ्‌ॽ, हे़क्‍क्‍याङ् मिद्‌यानिहाॽ आङ्‌गाॽ खे़ने़ॽ के़हुक्‍को थासुङ्‌सिङ्‌ॽ॥ वेॽहाॽ के़रे़क् खुन्‍छिॽ आप्‍फेक् आप्‍फेक् ते़न्‍हाॽओ मे़बेःक्‍ल॥”

यहोसु 8:7

खे़ब्‍याङ् खिनिॽ के़सुगुम्‍सिम्‍माङ् के़युङ्‌ङिबा ते़न्‍नोलाम् पोगे़म्‍मे़ॽआङ् खे़न् ये़क्‌यक्‍किन् हुक्‍काप् चोगे़म्‍मे़ॽ, थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ हुक्‍को खे़न् हुक्‍के़सुःप्‍तिॽ॥

२ हाङ् 3:18

यहवे दाङ्‌बे़ल्‍ले़ कुलागि कङ्‌ग कुजोःक्‍के़नुॽबा पाःन्‍लो॥ खुने़ॽ मोआबिहाॽ खिनिॽ हुक्‍को थासुसिॽ॥

२ सामुए़ल 5:19

हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु, “आङ्‌गाॽ पलिस्‍तिहाॽरे़ खुन्‍छिॽ तक्‍ले़ङ्‌वाओ पेःक्‍काबि? खे़ङ्‌हाॽ आङ्‌गाॽ आहुक्‍को हुक्‍के़सुप्‍पाबि?” यहवे दाङ्‌बे़ल्‍ले़ मे़त्तु, “पेगे़ॽ, आङ्‌गाॽ पलिस्‍तिहाॽ से़क्‍खाए खे़ने़ॽ के़हुक्‍को हुक्‍सुप्‍ने़॥”

१ सामुए़ल 28:6

हे़क्‍केःल्‍ले़ सावलरे़ यहवे दाङ्‌बान् सेःन्‍दोसु, कर यहवे दाङ्‌बाल्‍ले़ से़प्‍माङ्‌लाम्‍माङ् नोगप् मे़बिरुन्, उरिम लाम्‍माङ् नोगप् मे़बिरुन्, माङ्‌निङ्‌वाॽपान् के़बाःप्‍पालाम्‍माङ् नोगप् मे़बिरुन्॥

खासे़न्‍लोःम्‍बा 6:39

खे़ब्‍याङ् गिदोनरे़ निङ्‌वाॽफुमाङ्‌ङिन् मे़त्तु, “आङ्‌गाॽनु के़याःक् मे़ले़ॽरे़न्‍ने़ॽओ, कर आल्‍लसाङ् आङ्‌गाॽ पाःप्‍मा फाःक्‍ताङ्‌ङे़ॽ॥ पेलि फाक्‍ने़, आङ्‌गाॽ याम्‍मो थिक्‍ले़ङ् कन् सामुरिक्‍किन् साॽमा पिराङ्‌ङे़ॽ॥ कन्‍छलाम्‍बाग खे़न् सामुरिक्‍किन्‍लक् से़ङ्‌से़ङ् लॽररो, हे़क्‍क्‍याङ् के़रे़क् पिसाङ् खाम्‍बाङ्‌ङिन् सेःक्‌वाःल्‍ले़ वाबिःन्‍ल॥”

१ सामुए़ल 10:22

खे़ल्‍ले़चोगुल्‍ले़ खे़ङ्‌हाॽरे़ यहवे दाङ्‌बान् सेःन्‍मे़दोसु, “खे़न् मनान् कप्‍मो वाॽबि?” हे़क्‍केःल्‍ले़ यहवे दाङ्‌बाल्‍ले़ नोगप् पिरुसि, “वाॽ, खे़न् मनान् चिगक्‌वा सामाहाॽरे़ कुलुम्‍मो चिङ्‌सिङ्‌ङाङ् युङ्॥”

१ सामुए़ल 23:2

खे़ल्‍ले़चोगुल्‍ले़ दाउदरे़ यहवे दाङ्‌बे़न् सेःन्‍दोसु, “आङ्‌गाॽ पेःक्‍काआङ् पलिस्‍तिहाॽनु थङ् चोःक्‍काबिॽ” हे़क्‍क्‍याङ् यहवे दाङ्‌बे़ल्‍ले़ नोगप् पिरु, “ओःक्, पेगे़ॽआङ् थक्‍ते़ॽ, हे़क्‍क्‍याङ् किलाह ये़क्‌यक्‍किन् से़ःप्‍ते़ॽ॥”

१ सामुए़ल 23:3

कर दाउदरे़ कुमनाहाॽरे़ खुने़ॽ मे़मे़त्तु, “यहुदाओए आनिॽ आगिआङ् आवाॽ, किलाहओ आनिॽ आबेःक्‍काङ् पलिस्‍ति थक्‍सुबाहाॽनु थङ् आजोःक्‍किल्‍ले़ कन्‍नुःल्‍ले़ के़साक्‍पा आदुमुम्!”

१ सामुए़ल 23:5

हे़क्‍केःल्‍ले़ दाउदे़न् नु कुमनाहाॽ किलाह ये़क्‌यक्‍को मे़बे, हे़क्‍क्‍याङ् पलिस्‍तिहाॽनु थङ् मे़धक्‍ते़॥ खे़ङ्‌हाॽरे़ पलिस्‍तिहाॽ यरिक् मे़से़रुसि, हे़क्‍क्‍याङ् खुन्‍छिॽ पित्‍हाॽ मे़देॽरु मे़बिरुसि, हे़क्‍केलॽरिक् दाउदरे़ किलाह ये़क्‌यक्‍के़न् नु खे़प्‍मोबा मनाहाॽ से़ःप्‍तुसिरो॥

१ सामुए़ल 30:8

हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु, “आङ्‌गाॽ कन् चिगक्‌वा कुजा के़नाप्‍पा मनालुप्‍हाॽ नाःत्तुङ्‌सिङ्‌बि? आङ्‌गाॽ खे़ङ्‌हाॽ सिॽमा सुक्‍तुङ्‌बि?” यहवे दाङ्‌बे़ल्‍ले़ मे़त्तु, “खे़ङ्‌हाॽ नाःत्ते़से़ॽ॥ खे़ङ्‌हाॽ के़सिॽरुसि हे़क्‍क्‍याङ् के़रे़क् के़से़ःप्‍तुसिॽ॥”

२ सामुए़ल 2:1

कन् एगाङ् दाउदरे़ यहवे दाङ्‌बे़न् अक्‍खे मे़त्तु, “आङ्‌गाॽ यहुदाबा लत्‍छा ये़क्‌यक्‍को पेःक्‍काबि?” हे़क्‍क्‍याङ् यहवे दाङ्‌बे़ल्‍ले़ मे़त्तु, “थो पेगे़ॽ॥” दाउदरे़ याम्‍मो सेःन्‍दोसु, “आत्तिन् ये़क्‌यक्‍को पेःक्‍काबे?” यहवे दाङ्‌बे़ल्‍ले़ याम्‍मो नोगप् पिरु, “थो हे़ब्रोन्‍नो पेगे़ॽ॥”

खासे़न्‍लोःम्‍बा 7:9

खे़न् से़न्‍दिक् यहवे दाङ्‌बे़ल्‍ले़ खुने़ॽ मे़त्तु, “पोगे़ॽआङ् यो साःङ्‌गाहिम्‍हाॽओ पेगे़ॽ, थेआङ्‌भे़ल्‍ले़ आङ्‌गाॽ खे़ङ्‌हाॽ खे़ने़ॽ के़हुक्‍को थासुङ्‌सिङ्‌ङाङ् मे़वाॽ॥

१ साप्‍मुःन्‍धुम् 14:10

कल्‍ले़चोगुल्‍ले़ दाउदे़ल्‍ले़ निङ्‌वाॽफुमाङ्‌ङिन् सेःन्‍दोसु, “थे आङ्‌गाॽ पलिस्‍तिहाॽ थङ्‌ङो फत्तुङ्‌सिङ्‌बि? थे आदाङ्‌बारे़ खे़ङ्‌हाॽ आङ्‌गाॽ आहुक्‍को के़धासुसिबि?” हे़क्‍क्‍याङ् यहवे दाङ्‌बे़ल्‍ले़ नुगप् पिरु, “फत्ते़से़ॽ, आङ्‌गाॽ खे़ङ्‌हाॽ खे़ने़ॽ के़हुक्‍को थासुङ्‌सिङ्‌ॽ॥”