१ सामुए़ल 23:2 - लिम्‍बु

² खे़ल्‍ले़चोगुल्‍ले़ दाउदरे़ यहवे दाङ्‌बे़न् सेःन्‍दोसु, “आङ्‌गाॽ पेःक्‍काआङ् पलिस्‍तिहाॽनु थङ् चोःक्‍काबिॽ” हे़क्‍क्‍याङ् यहवे दाङ्‌बे़ल्‍ले़ नोगप् पिरु, “ओःक्, पेगे़ॽआङ् थक्‍ते़ॽ, हे़क्‍क्‍याङ् किलाह ये़क्‌यक्‍किन् से़ःप्‍ते़ॽ॥”

१ सामुए़ल 23:2 Referans Kwoze

१ सामुए़ल 23:4

खे़ल्‍ले़चोगुल्‍ले़ दाउदरे़ याम्‍मोआङ् यहवे दाङ्‌बे़न् सुजा नाःक्‍तु, हे़क्‍क्‍याङ् यहवे दाङ्‌बे़ल्‍ले़ खुने़ॽ मे़त्तु, “किलाह ये़क्‌यक्‍को थङ् चोःक्‍से़ पेगे़ॽ, थेआङ्‌भे़ल्‍ले़ पलिस्‍तिहाॽ खे़ने़ॽ के़हुक्‍को थासुङ्‌सिङ् पिने़॥”

२ सामुए़ल 5:23

दाउदरे़ याम्‍मो यहवे दाङ्‌बे़न् सेःन्‍दोसु, कर यहवे दाङ्‌बे़ल्‍ले़ मे़त्तु, “कन् ये़म्‍मो थिक्‍ले़ङ्‌ले़ मे़भत्ते़से़न्‍ने़ॽ, कर खे़ङ्‌हाॽ किर्गप् कबे़से़ॽआङ्‌ पिपोर सिङ्‌बुङ्‌ङिल्‍ले़ कुदगाङ्‌लाम् खुन्‍छिॽ एगाङ्‌लाम्‍बा फत्ते़से़ॽ॥

२ सामुए़ल 5:19

हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु, “आङ्‌गाॽ पलिस्‍तिहाॽरे़ खुन्‍छिॽ तक्‍ले़ङ्‌वाओ पेःक्‍काबि? खे़ङ्‌हाॽ आङ्‌गाॽ आहुक्‍को हुक्‍के़सुप्‍पाबि?” यहवे दाङ्‌बे़ल्‍ले़ मे़त्तु, “पेगे़ॽ, आङ्‌गाॽ पलिस्‍तिहाॽ से़क्‍खाए खे़ने़ॽ के़हुक्‍को हुक्‍सुप्‍ने़॥”

यर्मिया 10:23

यहवे दाङ्‌बाए, मनाःल्‍ले़ कुहिङ्‌मन् आबाङे कुहुक्‍को होप्‍लो खे़ल्‍ले़ कुलाम्‍मिन् आबाङे कुयुक्‍को होप् फाॽआङ् निसुङ्‌लो॥

१ सामुए़ल 30:8

हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु, “आङ्‌गाॽ कन् चिगक्‌वा कुजा के़नाप्‍पा मनालुप्‍हाॽ नाःत्तुङ्‌सिङ्‌बि? आङ्‌गाॽ खे़ङ्‌हाॽ सिॽमा सुक्‍तुङ्‌बि?” यहवे दाङ्‌बे़ल्‍ले़ मे़त्तु, “खे़ङ्‌हाॽ नाःत्ते़से़ॽ॥ खे़ङ्‌हाॽ के़सिॽरुसि हे़क्‍क्‍याङ् के़रे़क् के़से़ःप्‍तुसिॽ॥”

१ सामुए़ल 23:6

अहिमेलेकरे़ कुस्‍सा अबियाथारे़न् दाउद वये़बा किलाह ये़क्‌यक्‍को खे़त्‍छिङ् त्‍ये़ःल्‍ले़ एपोदनु त्‍ये़आङ् वये़॥

यहोसु 9:14

यहवे दाङ्‌बालाम् इङ्‌जाङ् पान् मे़ङ्‌घे़म्‍मे खे़न् इस्राइलिहाॽरे़ खे़ङ्‌हाॽरे़ खुन्‍छिॽ चामा कुजाहाॽ ओमे़मे़त्तु मे़साॽरु॥

निङ्‌वाॽफु साम्‍लोसुम् 32:8

यहवे दाङ्‌बे़ल्‍ले़ पाःत्तुरो, “खे़ने़ॽ लाङ्‌घेःक्‍मा के़बोङ्‌बा लाम्‍मिन् आङ्‌गाॽ ओसेःन्‍धाक्‍ने़रो खे़ने़ॽ सुजा पिने़आङ् ओमे़त्‍ने़रो॥

१ साप्‍मुःन्‍धुम् 14:10

कल्‍ले़चोगुल्‍ले़ दाउदे़ल्‍ले़ निङ्‌वाॽफुमाङ्‌ङिन् सेःन्‍दोसु, “थे आङ्‌गाॽ पलिस्‍तिहाॽ थङ्‌ङो फत्तुङ्‌सिङ्‌बि? थे आदाङ्‌बारे़ खे़ङ्‌हाॽ आङ्‌गाॽ आहुक्‍को के़धासुसिबि?” हे़क्‍क्‍याङ् यहवे दाङ्‌बे़ल्‍ले़ नुगप् पिरु, “फत्ते़से़ॽ, आङ्‌गाॽ खे़ङ्‌हाॽ खे़ने़ॽ के़हुक्‍को थासुङ्‌सिङ्‌ॽ॥”

खासे़न्‍लोःम्‍बा 1:1

यहोसुन् मासिङ्‌ङाङ् एगाङ् आत्तिन् थाःक्‍हाॽरे़ तगि कनानिहाॽ फप्‍मासि पोङ्‌ॽ फाॽआङ् इस्राइलिहाॽरे़ यहवे दाङ्‌बे़न् सेःन्‍मे़दोसु॥

खानिःत् 27:21

खुने़ॽ खे़न् निङ्‌वाॽफुसाम्‍बा एलाजारओ तार हे़क्‍क्‍याङ् एलाजाररे़ग यहवे दाङ्‌बे़ल्‍ले़ कुदगि ‘उरिम’ नु ‘तुम्‍मिम’ लाम् निःन्‍धो पान् फुॽरुआङ् खे़न् ताॽजे़क्‍तुर॥ यहोसुरे़ए कुइङ्‌जाङ् कुइसिक् के़रे़क् इस्राइलिहाॽरे़ तामा नु पेःक्‍मा याःम्‍बक् मे़जोगुर॥”

१ सामुए़ल 10:22

खे़ल्‍ले़चोगुल्‍ले़ खे़ङ्‌हाॽरे़ यहवे दाङ्‌बान् सेःन्‍मे़दोसु, “खे़न् मनान् कप्‍मो वाॽबि?” हे़क्‍केःल्‍ले़ यहवे दाङ्‌बाल्‍ले़ नोगप् पिरुसि, “वाॽ, खे़न् मनान् चिगक्‌वा सामाहाॽरे़ कुलुम्‍मो चिङ्‌सिङ्‌ङाङ् युङ्॥”

१ सामुए़ल 23:3

कर दाउदरे़ कुमनाहाॽरे़ खुने़ॽ मे़मे़त्तु, “यहुदाओए आनिॽ आगिआङ् आवाॽ, किलाहओ आनिॽ आबेःक्‍काङ् पलिस्‍ति थक्‍सुबाहाॽनु थङ् आजोःक्‍किल्‍ले़ कन्‍नुःल्‍ले़ के़साक्‍पा आदुमुम्!”

२ सामुए़ल 2:1

कन् एगाङ् दाउदरे़ यहवे दाङ्‌बे़न् अक्‍खे मे़त्तु, “आङ्‌गाॽ यहुदाबा लत्‍छा ये़क्‌यक्‍को पेःक्‍काबि?” हे़क्‍क्‍याङ् यहवे दाङ्‌बे़ल्‍ले़ मे़त्तु, “थो पेगे़ॽ॥” दाउदरे़ याम्‍मो सेःन्‍दोसु, “आत्तिन् ये़क्‌यक्‍को पेःक्‍काबे?” यहवे दाङ्‌बे़ल्‍ले़ याम्‍मो नोगप् पिरु, “थो हे़ब्रोन्‍नो पेगे़ॽ॥”

१ सामुए़ल 14:37

हे़क्‍केःल्‍ले़ सावलरे़ यहवे दाङ्‌बे़न् सेःन्‍लाप्‍तु, “आङ्‌गाॽ पलिस्‍तिहाॽ नाःत्तुङ्‌सिङ्‌बि? आदाङ्‌बारे़ खे़ङ्‌हाॽ इस्राइलिहाॽरे़ खुनिॽ हुक्‍को के़धासुसिबि?” कर खे़न् ये़म्‍मो यहवे दाङ्‌बे़ल्‍ले़ सावले़न् नोगप् मे़बिरुन्‍लो॥