१ सामुए़ल 21:8 - लिम्‍बु

⁸ दाउदरे़ निङ्‌वाॽफुसाम्‍बा अहिमेलेक्‍के़न् मे़त्तु, “खे़ने़ॽ लाःक् इग्र ताभे के़गत्तुबि? थेआङ्‌भे़ल्‍ले़ हाङ्‌ङिल्‍ले़ कुयाःम्‍बक् चोःक्‍से़ मिल्‍लिक् लोःक्‍ते़ॽ मे़त्ताङ्‌बाल्‍ले़ आङ्‌गाॽ लाःक् इग्र ताभे पङ्‌मा मे़घोसुङ्‌ङिन्॥”

१ सामुए़ल 21:8 Referans Kwoze

१ सामुए़ल 21:7

आल्‍ल खे़ल्‍ले़ याःन्‍दिक् सावलरे़ कुसे़वारोबाधिक् यहवे दाङ्‌बाल्‍ले़ कुदगि खे़प्‍मो याःक्‍ते़आङ् वये़॥ खे़ल्‍ले़ कुमिङ् एदोमि दोएग वये़, हे़क्‍क्‍याङ् खे़न् सावलरे़ कुसे़वारोबाहाॽओ कुधे़गेक् वये़॥

१ सामुए़ल 21:9

निङ्‌वाॽफुसाम्‍बाल्‍ले़ मे़त्तु, “एलाहबा ते़म्‍बेॽओ खे़ने़ॽ के़से़रुबा पलिस्‍ति गोल्‍यतरे़ कुदाभेन् कप्‍मो वाॽ॥ खे़न् एपोद तेःत्तिल्‍ले़ कुएगाङ् चिरिक्‍किल्‍ले़ किप्‍मनाआङ् ने़ःॽ॥ खे़न् के़देॽरुने़भग्र तेॽरे़॥ कप्‍मो वेॽ ताभे होप्॥” दाउदरे़ मे़त्तु, “खे़न् हे़क्‍तङ्‌बा वेॽ ताभेए होप्॥ आङ्‌गाॽ हाबा खे़न् पिराङ्‌ङे़ॽ॥”

१ सामुए़ल 22:9

कर सावलरे़ कुसुहाङ्‌युक्‍पाहाॽनु के़ये़प्‍पा एदोमि दोएगले़ खुने़ॽ मे़त्तु, “आङ्‌गाॽ यिसैरे़ कुस्‍सान् अहितुबरे़ कुस्‍सा अहिमेलेक्‍के़न् वाॽबा नोब पाङ्‌भेॽओ फे़रे़र पत्‍छे़बा निसुङ्॥

१ सामुए़ल 22:22

हम्‍भ्‍याङ् दाउदरे़ खे़न् मे़त्तु, “खे़न् ये़न्‍नो एदोमि दोएगे़न् खे़प्‍मोए वये़, हे़क्‍क्‍याङ् खे़ल्‍ले़ सावले़न् मे़त्तु के़लॽबा पाःन्‍निन् आङ्‌गाॽ निङ्‌वाॽ खोसुङ्‌ङाङ् वये़॥ खे़ने़ॽ के़म्‍बा नु कुहिम्‍सयङ् के़रे़क्‍ले़ खुनिॽ सिमे़न् आङ्‌गाॽ चोगुङ्‌ङिल्‍ले़ए पोःक्‍खे़बारो॥

ए़स्‍तर 8:14

हाङ्‌ङिल्‍ले़ कुअन्‍हाॽ लोङ्‌मासिआङ् से़माए के़बोङ्‌बा हाङ्‌ङिल्‍ले़ कुइङ्‌जाङ्‌ङिन् हारा तेॽमारे़ लागि खे़न् इङ्‌साबाहाॽ मे़बाङ्‌घु मे़देसुसि॥ कन् इङ्‌जाङ्‌ङिन् हाङ्‌पाङ् सुसनओआङ् मे़लःत्तु॥

लुका 10:4

खिनिॽ लाम्‍दिःक्‍को साब्रिहाॽ, सुक्‌वाहाॽ हे़क्‍क्‍याङ् लाङ्‌सुःप्‍हाॽ थेआङ् मे़याङ्‌ङासिम्‍मे़न्‍ने़ॽओ, हे़क्‍क्‍याङ् लाम्‍मो मनाहाॽनु से़वा मये़म्‍मे़ॽर मे़हम्‍सिङ्‌ङे़म्‍मिन्‍ने़ॽओ॥