१ सामुए़ल 20:42 - लिम्‍बु

⁴² खे़ब्‍याङ् जोनाथानरे़ दाउदे़न् मे़त्तु, “नुःरिक्‍काङ् पेगे़ॽओ, थेआङ्‌भे़ल्‍ले़ आन्‍छिॽ लुम्‍मो नु आन्‍छिॽ सामे़न्‍छाॽ लुम्‍मो सदादिङ् साःक्‍खि के़वाॽबा यहवे दाङ्‌बाल्‍ले़ कुमिङ्‌ङो आन्‍छिॽ ने़प्‍माङ् माङ्आहे़क्‍ने़सिआङ् वाॽ॥” खे़म्‍ब्‍याङ् दाउदे़न् खे़प्‍मोनु पे, हे़क्‍क्‍याङ् जोनाथाने़न् पाङ्‌जुम्‍मो नुःक्‍खे़रो॥

१ सामुए़ल 20:42 Referans Kwoze

१ सामुए़ल 1:17

हे़क्‍केःल्‍ले़ एलिःल्‍ले़ मे़त्तु, “के़निङ्‌वाॽ तुक्‍खे मे़न्‍जाए सनारुङ्‌ङाङ् पेगे़ॽओ, हे़क्‍क्‍याङ् खे़ने़ॽ इस्राइलबा निङ्‌वाॽफुमाङ्‌ङिन् के़नाःक्‍तुबान् खुने़ॽ के़बिररो॥”

१ सामुए़ल 23:18

खे़न् ने़प्‍माङ्‌ले़ यहवे दाङ्‌बाल्‍ले़ कुदगि माङ्‌हुक् चोगे़सु॥ हे़क्‍क्‍याङ् जोनाथाने़न् कुहिम्‍मो नुःक्‍खे़, कर दाउदे़न् होरेसओए याःक्‍ते़॥

सेःक्‌युक्‍मिबाहाॽ 16:36

हे़क्‍केःल्‍ले़ पुङ्‌लाइङ्‌बाल्‍ले़ पावले़न् अक्‍खे मे़त्तु, “सुहाङ्‌युक्‍पाहाॽरे़ खे़ने़ॽ नु सिलासे़न् ले़प्‍मादेमाने़सिङ् फाॽआङ् इङ्‌जाङ् मे़हाङुआङ् मे़वाॽ॥ हे़क्‍केःल्‍ले़ खिन्‍छिॽ पेःक्‍मा के़सुक्‍सुरो॥ नुरिक्‍काङ् पेसे़त्‍छे़ॽओ॥”

लुका 7:50

कर ये़सुरे़ खे़न् मे़न्‍छुमाॽइन् मे़त्तु, “खे़ने़ॽ के़नसाःन्‍निल्‍ले़ ताङ्‌गे़से़ःप्‍ते़आङ् के़वाॽरो॥ सनारुङ्‌नु पेगे़ॽओ॥”

१ सामुए़ल 20:15

खे़ने़ॽ आहिम्‍सयङ्‌हाॽ लुङ्‌माॽ तुक्‍मासि आप्‍फाल्‍ले़आङ् मे़ले़रे़से़न्‍ने़ॽ॥ यहवे दाङ्‌बाल्‍ले़ कन् इक्‍सादिङ् खाम्‍बेःक्‍मोलाम् दाउदरे़ के़रे़क् कुनिङ्‌मिहाॽ मे़क्‍खुसिसाङ् खे़न् लुङ्‌गुम्‍मिन् आहिम्‍सयङ्‌ङो वाॽररो॥”

खानिःत् 6:26

यहवे दाङ्‌बाल्‍ले़ कुजित्‍लि नारान् खिनिॽ सम्‍धाङ् हिसुररो, हे़क्‍क्‍याङ् खुने़ॽ नुॽमा तामा सनारुङ् के़बिरिररो॥’”

१ सामुए़ल 20:16

अक्‍खे पाःत्तुर जोनाथानरे़ दाउदरे़ कुहिम्‍सयङ्‌हाॽनु याम्‍मो माङ्‌हुप् चोगु, “यहवे दाङ्‌बाल्‍ले़ दाउदरे़ के़रे़क् कुनिङ्‌मिहाॽ खुम्‍दिङ् पिरुसिर॥”

१ सामुए़ल 25:35

खे़ब्‍याङ् अबिगेलरे़ तेॽरुबा सुङ्‌ङिन् खुने़ॽ ताःक्‍तु, हे़क्‍क्‍याङ् मे़त्तु, “नुरिक्‍काङ् के़हिम्‍मो नुःक्‍खे़ॽओ॥ आङ्‌गाॽ खे़ने़ॽ के़बाःन्‍निन् खे़प्‍सुङ्‌ङाङ् खे़ने़ॽ के़इःत्तुबा हे़क्‍केए आङ्‌गाॽ चोगुङ्॥”

२ सामुए़ल 9:1

हे़क्‍क्‍याङ् दाउदरे़ सेःन्‍दोसुसि, “सावलरे़ कुहिम्‍सयङ्‌ओ आल्‍लसाङ् कुभा हिङे़आङ् वाॽबि? कुभा हिङे़आङ् वाॽने़भग्र जोनाथानरे़ कुले़क्‌वा आङ्‌गाॽ खे़न्‍नु नसाःन्‍साबा पोङ्‌ङाआङ् लुङ्‌माॽ तुक्‍तुङ्‌ॽ॥”