१ सामुए़ल 2:30 - लिम्बु30 “खे़ल्ले़चोगुल्ले़ यहवे दाङ्बा, इस्राइलबा निङ्वाॽफुमाङ्ङिल्ले़ अक्खे पाःत्तु, ‘खे़ने़ॽ के़हिम्सयङ् नु के़म्बारे़ कुहिम्सयङ्हाॽरे़ सदादिङ् चक्मे़न्लॽए आङ्गाॽ आदगि माङ्से़वा मे़जोगुर फाॽआङ् माङ्हुप् चोगुङ्ङाङ् वयाङ्॥’ कर आल्ल यहवे दाङ्बाल्ले़ अक्खे पाःत्तु, ‘आल्लआङ्धो अक्खे पोङ्मा मे़नुॽने़न्॥ आङ्गाॽ मिङ्सो इङ्धाङ् के़बिबाहाॽ मिङ्सो इङ्धाङ् पिरुङ्सिङ्, हे़क्क्याङ् आङ्गाॽ कुनामे़न्छाॽ के़मे़प्पाहाॽ आङ्गाॽ चिःत्तुङ्सिङ्॥’ Gade chapit la |
१ सामुए़ल 2:30
39 Referans Kwoze
मुक्साम्दाङ्बा यहवे दाङ्बे़ल्ले़ निङ्वाॽफुसाम्बाहाॽ अक्खे मे़त्तुसिॽ, “लत्छा ये़म्बित्छासाःल्ले़ कुम्बा इङ्धाङ् पिरुॽ, हे़क्क्याङ् से़वारोबे़ल्ले़ कुन्दाङ्बे़न् इङ्धाङ् पिरुॽ॥ आङ्गाॽ खे़निॽ पानुदिङ् पाआ, खे़निॽ आङ्गाॽ थेआङ् याप्मि इङ्धाङ् के़म्बिरिम्बाबे? आङ्गाॽ खे़निॽ दाङ्बाआ, खे़निॽ आङ्गाॽ थेआङ् याप्मि कुनागे़न्छाॽरिम्बाबे? “खे़निॽ आङ्गाॽ आमिङ्ङिन् कुनामे़न्छाॽ के़मे़त्तुम् हे़क्क्याङ् आल्लसाङ् आङ्गाॽ याप्मि से़ःन्गे़दोसिॽ, ‘आक्खेलॽरिक् आनिगे खे़ने़ॽ के़मिङ्ङिन् नामे़न्छाॽ मे़त्तुम्बे़आङ् वयिगे़बे?’
खे़न् आसाःल्ले़ कुदुम्से़ ये़आङ् मे़त्तु, “आसाए, के़रे़क् यहुदाबा नु बेन्यामिन मनासे आङ्गाॽ आबाःन्निन् खे़प्से़म्मे़ॽओ॥ आल्ल यहवे दाङ्बे़न्नु खिनिॽ के़वयिल्ले़ खुने़ॽआङ् खिनिॽनु वाॽरो॥ खुने़ॽ के़गोःत्तुम् के़हक्सुम्मिल्ले़ खुने़ॽ के़घोसुम्ॽ॥ खुने़ॽ के़नाॽरुम्ने़भग्र खुने़ॽआङ् खिनिॽ के़नाॽरिॽ॥
दाङ्बे़ल्ले़ अक्खे पाःत्तुरो, “कन् मनाहाॽ खुन्छिॽ नारा ओसेःन्धाक्से़ आङ्गाॽ आबेसाङ् मे़दारो हे़क्क्याङ् खुन्छिॽ मुराःल्ले़रक् आङ्गाॽ मिङ्सो इङ्धाङ् मे़बिआरो, कर खुन्छिॽ निङ्वान् आङ्गाॽलाम् माःङ्घा वाॽरो॥ खे़ङ्हाॽरे़ आङ्गाॽ से़वा मे़मे़त्ताबाङ्ग हने़ मनाहाॽरे़ मे़हुॽरुसिबा चोःक्थिम्लक्लो॥
हम्भ्याङ् खे़ङ्हारे़ खुन्छिॽ थे़गेःक्पो फे़ता खेःक्खे़ पिरे़से़ॽ॥ खे़ब्याङ् हारुने़न् नु खे़ल्ले़ कुस्साहाॽ फॽइ युप्ते़से़ॽ॥ सदादिङ् के़वाॽबा साक्थिक्लाम् खे़ङ्हाॽरे़ निङ्वाॽफुसाम्बा ताक्फा मे़घोसुॽ॥ कम्भलॽरिक् खे़ने़ॽ हारुने़न् नु खे़ल्ले़ कुस्साहाॽ निङ्वाॽफुसाम्बा याःम्बक्को युक्तिङ् चोगे़से़ॽ॥
मिःल्ले़ साम्म्याङ्ङिन् योःन्दुआङ् सुत्थो चोगुबा कुइसिक् खे़न् इनोगे़न् तुक्खेहाॽरे़ग खिनिॽ नसाःन्निन् साॽरुआङ् के़धुम्बा नु सुत्थो चोगुॽरो, कर खिनिॽ नसाःन्निन् खे़न् साम्म्याङ्ङिन्नुःल्ले़आङ् इमे़ल्लुङ्बा चोक्लो॥ हे़क्केलॽरिक् खे़न् इनोगे़न् तुक्खेहाॽ नासि के़धःत्तुम्ने़ फाॽग्र ये़सु ख्रिस्ते़न् युःल्ले़ ने़म्भोगे़न् नारा फोमान्, मिमिदिङ् नु मिङ्सो इङ्धाङ् के़घोसुम्लो॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
खे़ल्ले़चोगुल्ले़ दाङ्बाल्ले़ कुनुःङ्मा युःमा ये़म्मिन्नुःल्ले़ तगि वेॽहाॽ खासे़न् मे़लोःन्दे़म्सिम्मिन्ने़ॽ, खुने़ॽए खादाम्मोबा फे़न् पाःन्हाॽ से़न्दाङ्गे़न् ओःत्तिओ तारुॽ हे़क्क्याङ् मे़न्छाम् निङ्वाॽओबा सिबिॽ पाःन्हाॽआङ् ओसेःन्दाङ् चोगुॽरो॥ खे़न् ये़म्मोए के़रे़क्ले़ निङ्वाॽफुमाङ्लाम् खुनिॽ ने़म्भोगे़न् नारा फोमान् मे़घोसुॽरो॥
तुम्मादे़न् साःङ्गाहिम्मो हारुने़न् नु खुने़ॽ कुस्साहाॽ मे़लाःत्तिल्ले़ इग्र सेसेदे़न्नो माङ्से़वा चोःक्मारे़ लागि ले़त्ति तोःम्मादे़न्निल्ले़ कुबेसाङ् मे़दाःल्ले़ खे़न् चाङ्हाॽ मे़जाक्खुर, हे़क्केलॽरिक् खे़ङ्हाॽ आप्तिक्साबा मे़म्बोङ्ने़न्नाङ् मे़न्छिने़न्ल॥ “हारुने़न् नु खुने़ॽ कुमुॽइदाङ्साहाॽरे़न् फाॽआङ् कन् आप्फाल्ले़साङ् सदादिङ्ले़ लागि लत्छा साम्योसाक्थिम् पोङ्लरो॥”
कल्ले़चोगुल्ले़ यहवे दाङ्बे़ल्ले़ सोलोमने़न् मे़त्तु, “खे़ने़ॽ के़निङ्वान् अक्तङ्बाए पोःक्खे़बाल्ले़ चोगुल्ले़ हे़क्क्याङ् आङ्गाॽ इङ्जाङ् पिने़आङ् वये़बा आमाङ्हुप्पिन् नु आसाम्यो थिम्हाॽ खे़ने़ॽ के़न्इःत्तुन् के़न्नाःत्तुम्बाल्ले़ चोगुल्ले़ आङ्गाॽ से़क्खासाङ् कन् हाङ्जुम्मिन् खे़ने़ॽ नाप्ने़आङ् के़दाक्फा सिगाङ्बा मनाधिक् पिरुङ्ॽ॥
खे़ल्ले़चोगुल्ले़ खे़न् नेहेमलाम के़युङ्बा समायाहःन् नु कुमुइॽदाङ्साहाॽ खुम्दिङ् पिरुङ्सिङ्ॽ॥ खे़ल्ले़ आत्तिन् कुमुॽइदाङ्साहाॽआङ् खिनिॽलुम्मो कुहिङ्वे़त् मे़न्याःक्ने़न्, आङ्गाॽ आमनाहाॽरे़ लागि चोगुङ्बा नुबा याःम्बक्किन् खे़ल्ले़ निमा मे़घोसुन्ॽ थेआङ्भे़ल्ले़ खे़ल्ले़ आङ्गाॽ आमनाहाॽ आदक्ले़ङ्वाओ पिफ्युङ् चोःक्मा हुसुसिआङ् वये़॥ आङ्गाॽ कन् यहवे दाङ्बे़ल्ले़ पाःत्तुङ्ङाङ् वाॽरो॥’”
आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—आल्ल आङ्गाॽ कन् मे़ल्लुक्कम्बाहाॽरे़ खुन्छिॽ निङ्मिआरो, हे़क्क्याङ् आङ्गाॽ आमे़ल्लुक्हाॽ थे़मा मे़बोःक्खे़आङ् मे़वाॽ खे़ल्ले़ लागि आङ्गाॽ खे़ङ्हाॽ लक्पे़न्नो थासुङ्सिङ्ॽ॥ आङ्गाॽ मे़ल्लुक् कम्ब्राङ् मे़प्मा खे़ङ्हाॽरे़ खुन्छिॽ युक्किन् तेॽरुङ् पिरुङ्सिङ्ॽ, खे़ब्याङ् खे़ङ्हाॽ आबाङे कुजा चाःत्छिङ्मा लाम्मिन् साक्तुङ् पिरुङ्सिङ्ॽ॥ आङ्गाॽ आधक्साहाॽ खे़ङ्हाॽरे़ खुन्छिॽ मुराओलाम् से़ःप्तुङ्सिङ्ॽ, आल्लआङ्धो मे़ल्लुक्हाॽ खे़ङ्हाॽरे़ खुन्छिॽ चामा कुजा मे़म्बोङ्ने़न्लो॥
खे़ङ्हाॽरे़ खुने़ॽ नादुम्दुम्बा मे़मे़त्तु, “उज्जियाहए, यहवे दाङ्बे़ल्ले़ कुलागि सुक्पा हाःम्मा याःम्बक्किन् आदाङ्बारे़न् मेःन्॥ कन् याःम्बक्किल्ले़ लागिग तोःम्मनाबा हारुनरे़ कुधाःक्कोबा निङ्वाॽफुसाम्बाहाॽ मे़वाॽ॥ सेसेदे़न्नोलाम् लःन्दे़आङ् पेगे़ॽ, थेआङ्भे़ल्ले़ आदाङ्बारे़ नसान् के़ले़क्खुआङ् वाॽ॥ यहवे दाङ्बा निङ्वाॽफुमाङ्लाम् आदाङ्बारे़ थे़मा इङ्धाङ्ङाङ् के़ङ्घोसुन्ॽ॥”
Piblisite