१ सामुए़ल 2:12 - लिम्‍बु

¹² एलिरे़ कुस्‍सा ने़त्‍छि कुइगे़भे़म्‍बा वये़सि, खे़न् ने़प्‍माङ्‌ले़ यहवे दाङ्‌बे़न् आप्‍फाल्‍ले़आङ् मिङ्‌सो इङ्‌धाङ् मे़बिरे़छुन्॥

१ सामुए़ल 2:12 Referans Kwoze

यर्मिया 2:8

निङ्‌वाॽफुसाम्‍बाहाॽरे़ अक्‍खेलॽरिक्‍काङ् पान् सेःन्‍मे़न्‍दोसुन्‍लो ‘यहवे दाङ्‌बान् आत्ता वाॽबे?’ साम्‌योइङ्‌जाङ् के़हुॽबाहाॽरे़ आबाङेआङ् कुसिङ् मे़न्‍निःत्ताङ्‌ङिल्‍लो युक्‍साबाहाॽरे़आङ् आङ्‌गाॽनु पिफ्‍युङ् मे़जोगुरो॥ माङ्‌निङ्‌वाॽपान् के़बाःप्‍पाहाॽरे़ग बाल साम्‍माङ्‌ङिल्‍ले़ कुमिङ्‌ङो माङ्‌निङ्‌वाॽपान् मे़बाःत्तुरो, हे़क्‍क्‍याङ् हने़बा नावाइत्‍लाहाॽ माङ्‌से़वा मे़मे़त्तुसिरो॥

२ कोरन्‍थि 6:15

ख्रिस्‍ते़न् नु माफे़न्‍साम्‍मिन् आक्‍खेलॽरिक् तङ्‌मा सुक्‍सिॽबे? हे़क्‍केलॽरिक्‍के ख्रिस्‍ते़न् नसान् के़जोःक्‍पाहाॽ नु नसान् मे़न्‍जोःक्‍मनाबाहाॽरे़ खुन्‍छिॽ पाःन्‍निन्‍नाङ् आक्‍खेलॽरिक् तङ्‌बे?

खासे़न्‍लोःम्‍बा 2:10

खे़न् काक् थाःक्‍कोबा के़रे़क् मनाहाॽ खुन्‍छिॽ पाधे़बाहाॽनु तङ्‌सिङ्‌से़ मे़बे॥ याङ्‌सि वेॽ थाःक्‍हाॽ मे़गे़रे़ मे़धाङे़ खे़ङ्‌हाॽरे़ यहवे दाङ्‌बे़न् कुसिङ् मे़न्‍निःत्तुन् हे़क्‍क्‍याङ् खुने़ॽ इस्राइलिहाॽरे़ लागि चोगुआङ् वये़बा याःम्‍बक्‍हाॽआङ् मे़न्‍निसुन्॥

रोमि 1:21

खे़ङ्‌हाॽरे़ निङ्‌वाॽफुमाङ्‌ङिन् कुसिङ् मे़निःत्तुसाङ् खुने़ॽ पिमा के़बोङ्‌बा मिङ्‌सो इङ्‌धाङ् मे़म्‍बिरुन् हे़क्‍क्‍याङ् नोगे़न्‍नाङ् मे़म्‍बिरुन्‍लो॥ कर खे़ङ्‌हाॽरे़ खुनिॽ इःत्‍छिङ्‌साम्‍मिन् फे़त्‍लाॽरे़ पेरो, हे़क्‍क्‍याङ् खुनिॽ अदङ् निङ्‌वाॽइन् खादाप्‍तुआङ् वाॽरो॥

युहुन्‍ना 17:3

खे़ङ्‌हाॽरे़ से़क्‍खागे़न् निङ्‌वाॽफुमाङ्‌ङिन् खे़ने़ॽरक् फाॽआङ् कुसिङ् मे़निःत्तुर हे़क्‍क्‍याङ् खे़ने़ॽ के़बाङ्‌घुबा ये़सु ख्रिस्‍ते़न् कुसिङ् मे़निःत्तुर बा खे़न्‍ने मे़न्‍नुप्‍मनाबा हिङ्‌मन्‍लो॥

युहुन्‍ना 16:3

खे़ङ्‌हाॽरे़ पानुदिङ् पान् इग्र इङ्‌गाॽ याप्‍मि कुसिङ् मे़न्‍निःत्तान्‍बाल्‍ले़ चोगुल्‍ले़ खिनिॽ हे़क्‍के के़म्‍मे़त्तिॽरो॥

युहुन्‍ना 8:55

खिनिॽग खुने़ॽ कुसिङ् के़न्‍निःत्तुम्‍मिन्‍छाङ् इङ्‌गाॽ खुने़ॽ कुसिङ् निःत्तुङ्‌लो॥ इङ्‌गाॽ खुने़ॽ कुसिङ् मे़निःत्तुङ्‌ङिन् लॽरिक् पाःत्तुङ्‌ने़ फाॽग्र खिनिॽ हे़क्‍केए इङ्‌गाॽ इङ्‌ले़क्‍के पोङ्‌ङारो, कर इङ्‌गाॽ खुने़ॽ कुसिङ् निःत्तुङ्‌ङाङ् कुबाःन्‍जाक्‍किन् इःत्तुङ् नाःत्तुङ्‌लो॥

यर्मिया 22:16

खे़ल्‍ले़ याङ्‌गे़साॽबा नु थेआङ् मे़ङ्‌गप्‍मनाबाहाॽ कुदोःप्‍मा खासे़न् लोःन्‍दु पिरुसिरो हे़क्‍क्‍याङ् खे़ङ्‌हाॽ के़रे़क्‍ले़ लागि नुबा पोःक्‍खे़रो आङ्‌गाॽ कुसिङ् आनिःत्ते़ॽ लॽआबे़न् हाबा कन्‍लो॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥

यर्मिया 9:6

खे़ङ्‌हाॽरे़ कुजक्‍ले़ कुजक् मना तुक्‍खे मे़जाःत्तुसिरो, लत्‍छा इङ्‌ले़क् सम्‍धाङ् वेॽ इङ्‌ले़क्‍किन् मे़योॽरुरो हे़क्‍क्‍याङ् आङ्‌गाॽ कुसिङ् निःप्‍मा मे़नाॽआ फाॽआङ् यहवे दाङ्‌बे़ल्‍ले़ पाःत्तुरो॥

१ हाङ् 21:13

खे़ब्‍याङ् खे़न् ने़प्‍फु कुसुम् मे़न्‍दम्‍मनाबा मनाहाॽ त्‍ये़सिआङ् खुने़ॽ कुदोःप्‍मा युङ्‌ने़सि, हे़क्‍क्‍याङ् निङ्‌वाॽफुमाङ्‌ङिन् नु हाङ्‌ङिन् खुने़ॽ माङ्‌देसुसिआङ् वाॽ फाॽआङ् मनाहाॽरे़ खुन्‍छिॽ तगि खे़न् नादुम्‍दुम्‍बा आप्‍तिक् कुःत्ते़सु॥ कल्‍ले़चोगुल्‍ले़ खे़ङ्‌हाॽरे़ नाबोते़न् ये़क्‌यक् लाःक्‍कात् मे़लःत्तुआङ् लुङ्‌ङिल्‍ले़ मे़ले़प्‍तु मे़से़रु॥

१ हाङ् 21:10

कर कुसुम् मे़न्‍दम्‍मनाबा मना ने़त्‍छि खुने़ॽ कुदगि युक्‍खे़से़ॽ हे़क्‍क्‍याङ् नाबोतरे़ निङ्‌वाॽफुमाङ्‌ङिन् नु हाङ्‌ङिन् माङ्‌दे साङ्‌ग्रा मे़त्तुसिआङ् वाॽ फाॽआङ् तसि पिमा पाङ्‌घे़से़ॽ॥ खे़न् एगाङ् खुने़ॽ लाःक्‍कात् लःत्ते़आङ् लुङ्‌ङिल्‍ले़ ले़प्‍ते़से़रे़ॽ॥”

१ सामुए़ल 25:17

आल्‍ल खे़ने़ॽ थे चोःक्‍माबोङ् नुरिक्‍काङ् इःत्ते़ॽओ, थेआङ्‌भे़ल्‍ले़ आनिॽ दाङ्‌बे़न् नु कुहिम्‍सयङ्‌हाॽरे़ लागि तुक्‍खे लाक्‍खे तार पत्॥ खुने़ॽग साॽरिक् ताक्‍के़भे़ॽबा चोक्, खुने़ॽनु हाःत्ताङ् पाःप्‍मा मे़न्‍छुक्‍ने़न्॥”

१ सामुए़ल 10:27

कर खे़प्‍मो सावलरे़ कुदक्‍ले़ङ्‌वाओ के़बाःप्‍पा मनाहाॽआङ् मे़वये़, खे़ङ्‌हाॽरे़ अक्‍खेआङ् मे़बाःत्तु, “कन् मनाःल्‍ले़ आभेलॽरिक् आनिॽ से़ःप्‍मा आसुक्‍पे?” खे़ङ्‌हाॽरे़ सावले़न् कुनामे़न्‍छाॽ मे़मे़त्तुर किनाःन्‍दि मे़बिरु, हे़क्‍क्‍याङ् खुने़ॽ कुलागि थेआङ् सुङ् मे़न्‍दारुन्॥ कर सावलरे़ थेआङ् मे़बाःत्तुन्॥

१ सामुए़ल 3:7

आल्‍ल सामुए़लरे़ यहवे दाङ्‌बे़न् कुसिङ् मे़न्‍निःत्ते वये़॥ यहवे दाङ्‌बे़ल्‍ले़ कुबाःन्‍जाक्‍किन् कम्‍भ थारिक् सामुए़लरो ओसेःन्‍धाङ् मे़म्‍बोङ्‌ङे वये़॥

खासे़न्‍लोःम्‍बा 19:22

आल्‍ल खे़ङ्‌हाॽ कम्‍भलॽरिक् निङ्‌वाॽ हाङ्‌हाङ् मे़यागे़ मे़गरे़ल्‍ले़, खे़न् ये़क्‌यक्‍कोबा कुभा खार्मे़न्‍दक् के़जोःक्‍पाहाॽरे़ खे़न् हिम्‍मिन् किर्गप् मे़गबु, हे़क्‍क्‍याङ् खे़न् हिम्‍मोबा लाम्‍धेःत्तिन् खन्‍द्रङ्‌ङाङ् खन्‍द्रङ् मे़मे़त्तुर खे़न् हिम्‍दाङ्‌बे़न् मे़भे़ःक्‍तुआङ् अक्‍खे मे़मे़त्तु, “खे़ने़ॽ के़हिम्‍मो याङ्‌गे़धोःक्‍पा मनान् लाःक्‍कात् लःत्ते़ॽ॥ आनिगे खे़न् मेःत् मे़त्तुम्‍बे़॥”

साम्‌योथिम् इङ् 13:13

कुभा कुसुम् मे़न्‍दम्‍मनाबा मनाहाॽ मे़ये़म्‍सिङ्‌ङाङ् खे़प्‍मो के़युङ्‌बाहाॽ “आप्‍फाल्‍ले़आङ् कुसिङ् मे़न्‍निःत्तेबा माङ्‌हाॽ माङ्‌से़वा मे़त्तुम्‍सिम्” मे़मे़त्तुसिआङ् मे़हुसुसिबा खिनिॽ के़घे़प्‍सुम्‍ने़भग्र,

१ सामुए़ल 3:13

आङ्‌गाॽ खे़ल्‍ले़ कुहिम्‍सयङ्‌हाॽ सदादिङ् खुम्‍दिङ् पिरुङ्‌सिङ् फाॽआङ् खे़न् मे़त्तुङ्‌ङाङ् वये़, थेआङ्‌भे़ल्‍ले़ खुने़ॽ कुस्‍साहाॽरे़ चोगुसिबा सिक्‍के़ले़ःङ्‌बा लायो लासोःत्‍हाॽ खुने़ॽ कुसिङ् निःत्तुआङ् वये़॥ हे़क्‍केसाङ् कुस्‍साहाॽ लायो चोःक्‍मा याःम्‍बक्‍लाम् मे़धेःक्‍तुसिन्॥

यर्मिया 9:3

यहवे दाङ्‌बे़ल्‍ले़ अक्‍खे पाःत्तुरो, “तोङ् के़आप्‍पा मनाहाॽरे़ तोःङ्‌ङिन् लिओ मे़भत्‍छुरो हे़क्‍केलॽरिक्‍के खे़ङ्‌हाॽरे़ इङ्‌ले़क् पाःप्‍मारे़ लागि खुन्‍छिॽ ले़स्‍सोःप्‍पान् मे़लाःक्‍खुरो॥ से़क्‍खाबा पाःन्‍निल्‍ले़ मेःन् कर कुजाःत्‍थि के़बेःक्‍पाहाॽ हाङ् मे़जोक्‍लो॥ आङ्‌गाॽ आमनाहाॽरे़ चक्‍मे़ल्‍लॽए ताप्‍फे़ःम्‍बा मे़जोगुर मे़वाॽरो॥ आङ्‌गाॽ खुन्‍छिॽ निङ्‌वाॽफुमाङ्‌आ पाःप्‍मा खे़ङ्‌हाॽ मे़न्‍दे़न्‍ने़न्‍लो॥

इजकिएल 22:26

खे़ने़ॽओबा निङ्‌वाॽफुसाम्‍बाहाॽरे़ आङ्‌गाॽ आइङ्‌जाङ्‌हाॽ मे़भेःन्‍दुआङ् वाॽ हे़क्‍क्‍याङ् आङ्‌गाॽ सेसेबा आबाःन्‍हाॽ मे़जिःन्‍दुआङ् वाॽ॥ आत्तिन् सेसेबा पान् नु आत्तिन् मे़न्‍जोबा पान् फाॽआङ् खे़ङ्‌हाॽरे़ मे़न्‍छे़न्‍दुन्‌ॽ॥ हे़क्‍क्‍याङ् थिम् कुइसिक् सुत्‍थो नु आसुत्‍थो पाःन्‍हाॽ खे़ङ्‌हाॽरे़ आङ्‌गाॽ आमनाहाॽ मे़न्‍हुॽरुसिन्‌ॽ॥ आङ्‌गाॽ खे़ङ्‌हाॽरे़ खुन्‍छिॽ लुम्‍मो कुनामे़न्‍छाॽ पोङ्‌ङार फाॽआङ् खे़ङ्‌हाॽरे़ आङ्‌गाॽ आसाबाथ नाःम्‍सिङ्‌मा ये़न्‍हाॽ निनि खे़म्‍घे़म् मे़ल्‍लाप्‍तुन्‌ॽ॥

साम्‌योथिम् इङ् 13:14

सेःन्‍दोसे़म्‍से़ॽ, हक्‍साम्‍मे़ॽ कोःत्ते़म्‍मे़ॽ हे़क्‍क्‍याङ् साॽराम्‍मे़ॽ, खे़म्‍ब्‍याङ् हे़क्‍तङ्‌बा याम्‍गे़सिङ्‌बा याःम्‍बक् खिनिॽ लुम्‍मो से़क्‍खाए पोःक्‍खे़बाने़भग्र,