१ सामुए़ल 17:4 - लिम्‍बु

⁴ हे़क्‍क्‍याङ् गातबा गोल्‍यत मिङ् के़वाःप्‍पा के़धुम्‍बा थक्‍सुबाधिक् पलिस्‍ति तुराहिम्‍लाम् लःन्‍दे़ फे़रे़॥ खे़न् हुक्‍सिक् तुक्‍सिआङ् कुभ्रे़ःङ् यारिक् केःम्‍बा चोगे़॥

१ सामुए़ल 17:4 Referans Kwoze

यहोसु 11:22

इस्राइलिहाॽरे़ खुन्‍छिॽ लाजेॽओ लत्‍छाआङ् अनाकिहाॽ मे़न्‌याःक्‍ते़न्, गाजा, गाद नु अस्‍दोदओरक् कुभा मे़याःक्‍ते़॥

१ सामुए़ल 17:23

दाउदे़न् कुम्‍भुॽसिनु ताॽजे़ङ्‌नु ये़बे़ल्‍ले़, गातबा पलिस्‍ति गोल्‍यते़न् तुराहिम्‍लाम् लःन्‍दे़आङ् तगिबा हे़क्‍के अःक्‍ते़॥ खे़ल्‍ले़ पाःत्तुबान् खे़न् दाउदरे़ खे़प्‍सु॥

१ साप्‍मुःन्‍धुम् 11:23

खुने़ॽ हुक्‍सिक् ङासि यारिक् केःम्‍बा मिस्रबा होरुधिक् स्‍ये़रु, खे़न् मिस्रबा होरुःल्‍ले़ कुलाःक्‍किन् थाक् किप्‍मा सिङ्‌लःङ्‌सा याःप्‍पा चोगे़॥ बनायाहःल्‍ले़ कुहुक्‍को तक्‍कात् थिक् याङ्‌सिङ्‌ङाङ् थक्‍से़ पे, हे़क्‍क्‍याङ् खे़न् मिस्रिःल्‍ले़ कुहुक्‍कोलाम् लाःक्‍किन् नाप्‍तुआङ् हाबा खे़न् लाःक्‍किल्‍ले़ फनॽ थुबु से़रुआङ् वये़॥

१ सामुए़ल 27:4

दाउदे़न् गातओ खे़त्‍छिङ् पेआङ् वाॽ के़लॽबा सावले़न् मे़मे़त्तु, हे़क्‍केःल्‍ले़ खुने़ॽ दाउदे़न् कोःप्‍मा ले़रु॥

साम्‌योथिम् इङ् 3:11

(के़दाङ्‌बा के़याःक्‍पा रपाइहाॽओ बासानबा ओग हाङ्‌ङिन् वये़॥ खुने़ॽ कुने़त्‍ना आःन्‍धान् फे़न्‍जेःल्‍ले़न् ने़स्‍से़॥ कन् आःन्‍धान् आइन् थारिक्‍साङ् अम्‍मोनिहाॽरे़ खुन्‍छिॽ ये़क्‌यक् रब्‍बाओ ने़रो॥ हुक्‍किल्‍ले़ सिःक्‍मे़ल्‍ले़ कन् हुक्‍सिक् फाङ्‌सि कुलाम्‍ति नु हुक्‍सिक् लिसि कुभे़रे़बा चोगे़रो॥)

आमोस 2:9

“खिनिॽ तगिलाम् एमोरिहाॽ मे़क्‍खुङ्‌सिङ्‌लो, खे़ङ्‌हाॽ साम्‍माङ्‌सिङ्‌हाॽ कुइसिक् केःम्‍बा नु यहिबासिङ् यारिक् के़धुम्‍बा मे़जोगे़रो॥ कर आङ्‌गाॽ कुसम्‍धाङ्‌बा कुजाॽहाॽ नु कुबुङ् सिगाङ् ले़प्‍माङ्‌बा साःप्‍हाॽ मे़क्‍खुङ्‌लो॥

१ सामुए़ल 17:3

पलिस्‍तिहाॽ थिक् कोःक्‍माओ मे़युङ्‌सिङ् हे़क्‍क्‍याङ् इस्राइलिहाॽ वेॽ कोःक्‍माओ मे़युङ्‌सिङ्॥ खे़न् कोःक्‍माहाॽ लुम्‍मो ने़ने़बा ते़म्‍बेधिक ने़स्‍से़॥

१ सामुए़ल 17:5

खुने़ॽ कुधे़गेःक्‍को कासा तोपि खुःक्‍खुआङ् पत्‍छे़, हे़क्‍क्‍याङ् तुक्‍पोङ् किलो यारिक् के़लिःप्‍पा कासा से़ःप्‍चाङ् तेत् चाक्‍खुआङ् वये़॥