१ सामुए़ल 16:18 - लिम्‍बु

¹⁸ खुने़ॽ कुसे़वारोबाधिक्‍ले़ मे़त्तु, “बेथले़हे़म के़युङ्‌बा यिसैरे़ कुस्‍साधिक्‍ले़ नुरिक् मुक्‍ला मुक्‍खुबा आङ्‌गाॽ निसुङ्‌ङाङ् वाॽ॥ खे़न् मे़ङ्‌गिए थङ् थक्‍मा के़धुम्‍बा मना चोक्॥ खुने़ॽ पान् पाःप्‍मा सिक्‍कुम्‍साबा नु ओमे़प्‍माल्‍ले़ साॽरिक् कुघे़म्‍सिङ्‌मा के़याक्‍पा नुबा मना वाॽ॥ हे़क्‍क्‍याङ् यहवे दाङ्‌बान् खे़न्‍नु वाॽ॥”

१ सामुए़ल 16:18 Referans Kwoze

१ सामुए़ल 3:19

हे़क्‍क्‍याङ् सामुए़ले़न् पोरे़र थाङ्‌बे़न् के़रे़र पे, यहवे दाङ्‌बान् खुने़ॽनु वये़, खे़ब्‍याङ् सामुए़लरे़ पाःत्तुबा के़रे़क् पाःन्‍हाॽ से़क्‍खा के़रे़रो॥

तोलिङ्‌सोमु 39:23

युसुफरे़ ओमे़प्‍मा के़बोङ्‌बा आत्तिन् पाःन्‍नोआङ् पुङ्‌लाहिम् ओगे़मप्‍पा सुहाङ्‌गे़म्‍बाल्‍ले़ ओमे़प्‍माए चाहाब् मे़जोगे़न्, थेआङ्‌भे़ल्‍ले़ यहवे दाङ्‌बान् युसुफे़न्‍नु वये़॥ युसुफे़ल्‍ले़ थे चोगुसाङ् यहवे दाङ्‌बाल्‍ले़ खुने़ॽ कुलिङ्‌दो के़त्तुबिरुरो॥

तोलिङ्‌सोमु 39:2

यहवे दाङ्‌बान् युसुफे़न्‍नु वये़, खे़ॽयो खुने़ॽ नुरे़दासे़॥ हे़क्‍क्‍याङ् खुने़ॽ मिस्रि कुन्‍दाङ्‌बाल्‍ले़ कुहिम्‍मो वये़॥

१ सामुए़ल 10:7

कन् मिक्‍सेःन्‍हाॽ पोङ्‌जुःत्, हे़क्‍क्‍याङ् खे़ने़ॽ सिङ्‌सिङ् ये़क्‌ये़क्‍काङ् याःम्‍बक् चोगे़ॽ, थेआङ्‌भे़ल्‍ले़ निङ्‌वाॽफुमाङ्‌ङिन् खे़ने़ॽनु वाॽ॥

मत्ति 28:20

इङ्‌गाॽ इङ्‌जाङ् पिनिङ्‌बा के़रे़क् पाःन्‍हाॽ इःप्‍मा नाःप्‍मा हुॽरे़म्‍सिम्‍मे़ॽओ॥ ओमे़त्ते़म्‍मे़ॽओ, इङ्‌गाॽग इक्‍सादिङ् खाम्‍बेःक्‍माल्‍ले़ कुनुप्‍मो थारिक्‍के खिनिॽनु सदादिङ् वाॽआरो॥”

मत्ति 1:23

“सिसादिङ् मे़न्‍छियाइन् मे़न्‍छुक्‍मा पोङ्‌ङाङ् ये़म्‍बित्‍छाॽसाधिक् कत्तुॽ, हे़क्‍क्‍याङ् खे़न् इम्‍मानुएल मे़मे़त्तुॽरो॥ ‘इम्‍मानुएल’ फाॽइङ्‌ग ‘निङ्‌वाॽफुमाङ्‌ङिन् आनिॽनु वाॽ’ पोङ्‌लो॥”

२ सामुए़ल 17:10

हे़क्‍केःल्‍ले़ यम्‍बा मना नु केबा कुइसिक् कुगिमा के़होप्‍पा मनाःल्‍ले़ कुसिरे पोःक्‍मान् मारो॥ थेआङ्‌भे़ल्‍ले़ के़रे़क् इस्राइलिहाॽरे़ खे़ने़ॽ के़म्‍बा के़धुम्‍बा चोक् हे़क्‍क्‍याङ् खुने़ॽनु के़वाॽबाहाॽआङ् के़धुम्‍बा मे़जोक् के़लॽबान् मे़निसुआङ् वाॽ॥

२ सामुए़ल 17:8

हुसैःल्‍ले़ आल्‍लसाङ् मे़त्तु, “खे़ने़ॽ के़म्‍बा हे़क्‍क्‍याङ् खुने़ॽनु के़वाॽबाहाॽ थङ् चोःक्‍मा के़धुम्‍बा मे़वाॽ, हे़क्‍क्‍याङ् कुस्‍सा नाप्‍नाबा ताम्‍भुङ्‌मोबा माःक्‌युबा कुइसिक् मे़बोःक्‍खे़आङ् मे़वाॽ॥ के़म्‍बारे़ थङ् चोःक्‍मा साॽरिक् ले़स्‍सुॽ, खुने़ॽ थक्‍सुबाहाॽनु से़न्‍दिक् मे़वाॽने़न्॥

२ सामुए़ल 14:20

आल्‍लोबा याक्‍नाम्‍मिन् वेॽ ले़प्‍माङ् ले़ङ्‌से़ आदाङ्‌बारे़ के़से़वारोबा योआबरे़ कन् चोगुबारो॥ कर आदाङ्‌बाग निङ्‌वाॽफुमाङ्‌ङिल्‍ले़ कुमाङ्‌लाइङ्‌बा कुइसिक् सिक्‍कुम् निङ्‌वाॽ के़गप्‍पा के़जोक्, लाजेॽओ थे पोङ्‌ल पत् खे़न् के़रे़क् के़निसुॽ॥”

१ सामुए़ल 16:17

खे़ल्‍ले़चोगुल्‍ले़ सावलरे़ कुसे़वारोबाहाॽ मे़त्तुसि, “नुरिक् मुक्‍ला के़मुङ्‌बा मनाधिक् कोःत्ताम्‍मे़ॽआङ् आङ्‌गाॽओ ताराम्‍मे़ॽ॥”

१ सामुए़ल 16:19

खे़ल्‍ले़चोगुल्‍ले़ सावलरे़ इङ्‌घङ् के़साबा मनाहाॽ यिसैरे़ओ अक्‍खे मे़त्तुसिआङ् पाङ्‌घुसि, “के़मे़ल्‍लुक् के़गम्‍बा के़स्‍सा दाउदे़न् आङ्‌गाॽओ पाङ्‌घे़ॽ॥”

१ सामुए़ल 17:12

आल्‍ल दाउदे़न् इप्राति यिसै मे़प्‍मनाबा मनाःल्‍ले़ कुस्‍सा वये़॥ खुने़ॽग यहुदा लाजेॽबा बेथले़हे़म के़युङ्‌बा वये़॥ हे़क्‍क्‍याङ् खुने़ॽ ये़त्‍छि कुस्‍सा ये़म्‍बित्‍छा मे़वये़॥ खे़न् ये़म्‍मो यिसैःन् काप्‍पोबा नु कुसावेःत् मे़न्‌याक्‍मनाबा पोःक्‍खे़आङ् वये़॥

१ सामुए़ल 16:12

खे़ल्‍ले़चोगुल्‍ले़ यिसैरे़ खे़न् फोःक्‌वाबे़न् कुलासे़ पाङ्‌घुसि॥ खे़न् कुनारा मराःक्‍याःप्‍पा, कुमिक् चाःत्‍चाःत् के़लॽबा हे़क्‍क्‍याङ् साॽरिक् नुःब्‍सुक्‍पा वये़॥ यहवे दाङ्‌बाल्‍ले़ सामुए़ले़न् मे़त्तु, “आङ्‌गाॽ सेःन्‍दुङ्‌बा मनान् कन्‍नेरो, हाङ् सेःन्‍दे़ॽ॥”

खाहुन् 12:8

मनान् खुने़ॽ कुघासिङ् निःप्‍मा निङ्‌वाॽ कुइसिक् कुनारा मे़भोसुरो, कर पे़र्गे़क् वर्गे़क् निङ्‌वाॽ के़गप्‍पा मनान् हिनाःम् पोङ्‌लो॥