१ सामुए़ल 16:12 - लिम्‍बु

¹² खे़ल्‍ले़चोगुल्‍ले़ यिसैरे़ खे़न् फोःक्‌वाबे़न् कुलासे़ पाङ्‌घुसि॥ खे़न् कुनारा मराःक्‍याःप्‍पा, कुमिक् चाःत्‍चाःत् के़लॽबा हे़क्‍क्‍याङ् साॽरिक् नुःब्‍सुक्‍पा वये़॥ यहवे दाङ्‌बाल्‍ले़ सामुए़ले़न् मे़त्तु, “आङ्‌गाॽ सेःन्‍दुङ्‌बा मनान् कन्‍नेरो, हाङ् सेःन्‍दे़ॽ॥”

१ सामुए़ल 16:12 Referans Kwoze

मे़रिङ् साप्‍पन् 4:7

खे़प्‍मोबा तुम्‍म्‍याङ्‌हाङ्‌हाॽ नाःङ्‌नुःल्‍ले़ सेसेबा मे़वये़रो हे़क्‍क्‍याङ् पित्‍नुनुःल्‍ले़ फदाङ्‌बा मे़जोगे़रो, खुन्‍छिॽ थक्‍हाॽ मुधिङ् लुङ्‌नुःल्‍ले़आङ् हे़ःत्ताङ्‌बा चोगे़रो, खे़ङ्‌हाॽ मे़धाःम्‍सिङ्‌बान् हिःक्‍कोःम्‍कोःम्‍बा मुधिङ्‌लुङ् हे़क्‍तङ्‌बा चोगे़रो॥

सोलोमनरे़ कुसाम्‍लो 5:10

लुङ्‌माॽ हिःप्‍तुङ्‌बा आदाङ्‌बान् नुबा नु के़धुम्‍बा चोक्‍लो, खुने़ॽग हे़न्‍छिङ् थिबोङ्‌ङो खोगे़दे़प्‍पा लत्‍छा ये़म्‍बित्‍छारो॥

सेःक्‌युक्‍मिबाहाॽ 7:20

“बा खे़न् ये़म्‍मो मोसान् सावाःन्‍छिङ्॥ खुने़ॽ निङ्‌वाॽफुमाङ्‌ङिल्‍ले़ कुनिमाओ साॽरिक् नुबा अङे़ःक्‌वा चोगे़॥ खुने़ॽ हिम्‍मो ला सुम्‍सि थारिक् कुम्‍बा कुम्‍मासिरे़ चिक्‍खे़छुआङ् कत्ते़छुरो॥

सेःक्‌युक्‍मिबाहाॽ 4:27

“से़क्‍खाए बा खे़न् पाःन्‍निन् कन् ये़क्‌यक्‍को के़रे़आङ् वाॽ, थेआङ्‌भे़ल्‍ले़ हे़रोद हाङ्‌ङिन्, सुहाङ्‌गे़म्‍बा पन्‍तियस पिलातस, थिम्‍मे़न्‍दङ् सुवाङ्‌हाॽ नु इस्राइलिहाॽरे़ खे़ने़ॽ के़निङ्‌सेःक्‍को के़सेगुबा सेसे के़से़वारोबा ये़सुरे़ कुदक्‍ले़ङ्‌वाओ कन् ये़क्‌यक्‍को मे़जुप्‍से़आङ् मे़वाॽरो॥

१ सामुए़ल 17:42

खे़ल्‍ले़ दाउदे़न् नुरिक् याबोॽरुर ओमत्तु, हे़क्‍क्‍याङ् कुनारा मराःक्‍क्‍याःप्‍पा नु नुबादाबा हिन्‍जाॽइन् निसुआङ् खे़न् चिःप्‍मा हेःक्‍तु॥

१ सामुए़ल 9:17

हे़क्‍क्‍याङ् सामुए़लरे़ सावले़न् निसुआङ् खिमो यहवे दाङ्‌बाल्‍ले़ सामुए़ले़न् मे़त्तु, “आङ्‌गाॽ मे़त्‍ने़बा मनान् हाबा कन्‍लो॥ आम्‍भा कन् मनाःल्‍ले़ आमनाहाॽ सम्‍दाङ् युक् चोगुरो॥”

तोलिङ्‌सोमु 39:6

खे़ल्‍ले़चोगुल्‍ले़ खुने़ॽ कत्तुबा के़रे़क् पाःन्‍हाॽ युसुफरे़ कुहुक्‍को युक्‍खु पिरु॥ खुने़ॽ कुजामा कुधुङ्‌माआङ्‌धो खुने़ॽ कत्तुबा आत्तिन् पाःन्‍निन्‍नाङ् यार मे़जोगुन्॥ युसुफे़न् कुइत् के़दाबा नु नुबासुक्‍पा चोगे़॥

हिब्रु 11:23

नसाःन्‍लाम्‍बाए मोसान् सावाःन्‍छिङ्‌ङिल्‍ले़ कुम्‍मा कुम्‍बासिरे़ ला सुम्‍सि थारिक् चिक्‍खे़त्‍छुआङ् कत्ते़त्‍छु, थेआङ्‌भे़ल्‍ले़ खे़न् अङे़ःक्‌वान् साॽरिक् नुबा निसे़त्‍छु, हे़क्‍क्‍याङ् हाङ्‌ङिल्‍ले़ कुइङ्‌जाङ्‌ङिन्‍नाङ् मे़गिरे़त्‍छुन्‍लो॥

निङ्‌वाॽफु साम्‍लोसुम् 2:6

यहवे दाङ्‌बे़ल्‍ले़ इङ्‌भन्‌ चोगुरो, “आङ्‌गाॽ आहाङ्‌ङिन् आसेसे कोःक्‍मा यरुसले़ःम्‍मो हाङ् चोगुङ्‌ङाङ् वाॽरो॥”

निङ्‌वाॽफु साम्‍लोसुम् 2:2

इक्‍सादिङ् खाम्‍बेःक्‍मोबा हाङ्‌हाॽ थिक्‍हुप् मे़बोःक्‍खे़आङ् इङ्‌मे़दङ्‌घुरो हे़क्‍क्‍याङ् यहवे दाङ्‌बा नु खुने़ॽ सेगुबा कुहाङ्‌ङिल्‍ले़ कुदक्‍ले़ङ्‌वाओ हाङ्‌बिफ्‍युङ् मे़जोगुरो॥

लाम्‍दिक् 2:2

हे़क्‍क्‍याङ् खे़न् मे़न्‍छुक्‍मा पोःक्‍खे़आङ् खे़न् मे़न्‍छुमाःल्‍ले़ लत्‍छा ये़म्‍बित्‍छा साधिक् कत्तु॥ अङे़ःक्‌वान् साॽरिक् लरिक्‍लिक्‍पा चोगे़बा निसुआङ् खुने़ॽ ला सुम्‍सि थारिक् चिक्‍खु कत्तु॥

१ सामुए़ल 17:55

सावलरे़ दाउदे़न् खे़न् पलिस्‍तिःन्‍नु थक्‍से़ पेर पत्‍छे़बा निसुआङ् थक्‍मोबा अबनेरे़न् सावलरे़ सेःन्‍दोसु, “अबनेरे, खे़न् चुक्‍पे़न् हाःत्‍ले़ कुस्‍साबे?” अबनेररे़ मे़त्तुॽ, “आदाङ्‌बा हाङ्‌ङे, से़क्‍खा पाःत्तुङ् कन् मनान् कुसिङ् मे़निःत्तान्॥”

२ सामुए़ल 7:8

“आल्‍ल आङ्‌गाॽ आसे़वारोबा दाउदे़न् मे़त्ते़म्‍मे़ॽ, मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ, ‘मे़ल्‍लुक् के़गमुसिर के़यागे़ल्‍ले़ मे़ल्‍लुक् चाराम्‍मादे़न्‍नोलाम् आङ्‌गाॽ इस्राइलि आमनाहाॽ लाम्‍लोसे़से़ॽ फाॽआङ् सेःन्‍ने़॥

२ सामुए़ल 23:1

आल्‍ल दाउदरे़ कुनुप्‍मो पाःत्तुबा पाःन्‍हाॽ हाबा कन्‍लो— यिसैरे़ कुस्‍सा दाउदरे़ पाःत्तुबा पाःन्‍निन् हाबा कन्‍लो, निङ्‌वाॽफुमाङ्‌ङिल्‍ले़ थो फोःक्‍खुबा खे़न् मनाःल्‍ले़ पाःत्तुबा पाःन्, याकुबरे़ कुनिङ्‌वाॽफुमाङ्‌ङिल्‍ले़ सेगुबा हाङ्, हे़क्‍क्‍याङ् इस्राइलबा साम्‍लो साम्‍गे़मे़प्‍पाल्‍ले़ कुबाःन्‍लो—

१ हाङ् 1:34

खे़ॽयो निङ्‌वाॽफुसाम्‍बा सादोक नु माङ्‌निङ्‌वाॽपान् के़बाःप्‍पा नातानरे़ खुने़ॽ इस्राइलओ हाङ् माङ्‌थोःक्‍ना पिसुर॥ सादाङ्‌ङिन् मुःत्ते़म्‍मे़ॽ हे़क्‍क्‍याङ् अक्‍खे पाःत्ते़म्‍मे़ॽआङ् अःक्‍ते़म्‍मे़ॽ, ‘सोलोमन हाङ्‌ङिल्‍ले़ कुधाःक् चाॽररो!’

निङ्‌वाॽफु साम्‍लोसुम् 78:70

खुने़ॽ कुसे़वारोबा दाउद हाङ्‌ङिन् सेगुरो, हे़क्‍क्‍याङ् खुने़ॽ मे़ल्‍लुक् मे़ःन्‍दा चाराम्‍नु वये़ल्‍ले़ सेगुरो॥

जकरिया 4:14

खे़म्‍ब्‍याङ् खुने़ॽ मे़त्ताङ्, “कन् ने़त्‍छिग के़रे़क् इक्‍सादिङ् खाम्‍बेःक्‍मोबा यहवे दाङ्‌बे़ल्‍ले़ कुमाङ्‌सेवा याःम्‍बक् चोःक्‍मारे़ लागि माङ्‌थोःक्‍ना के़बोङ्‌बासिरो॥”

१ सामुए़ल 16:18

खुने़ॽ कुसे़वारोबाधिक्‍ले़ मे़त्तु, “बेथले़हे़म के़युङ्‌बा यिसैरे़ कुस्‍साधिक्‍ले़ नुरिक् मुक्‍ला मुक्‍खुबा आङ्‌गाॽ निसुङ्‌ङाङ् वाॽ॥ खे़न् मे़ङ्‌गिए थङ् थक्‍मा के़धुम्‍बा मना चोक्॥ खुने़ॽ पान् पाःप्‍मा सिक्‍कुम्‍साबा नु ओमे़प्‍माल्‍ले़ साॽरिक् कुघे़म्‍सिङ्‌मा के़याक्‍पा नुबा मना वाॽ॥ हे़क्‍क्‍याङ् यहवे दाङ्‌बान् खे़न्‍नु वाॽ॥”