१ सामुए़ल 15:2 - लिम्‍बु

² मुक्‍साम्‍दाङ्‌बा यहवे दाङ्‌बाल्‍ले़ अक्‍खे पाःत्तु, ‘आङ्‌गाॽ अमाले़किहाॽ खुम्‍दिङ् पिरुङ्‌सिङ्‌ॽ, थेआङ्‌भे़ल्‍ले़ इस्राइलिहाॽ मिस्र लाजेॽलाम् मे़लःन्‍दे़ मे़धाङे़ल्‍ले़ अमाले़किहाॽरे़ थङ् चोःक्‍मा फाॽआङ् मे़भत्तुसिआङ् वाॽ॥’

१ सामुए़ल 15:2 Referans Kwoze

खानिःत् 24:20

खे़ब्‍याङ् खुने़ॽ अमाले़किहाॽ ओमे़त्तुसिआङ् कुबाःप्‍मा माङ्‌निङ्‌वाॽपान्‍निन् पाःत्तुरो— “के़रे़क् सुवाङ्‌हाॽओ अमाले़किन् साॽरिक् मुक्‍के़गुबा वये़रो, कर मे़क्‍मा सिमे़न्‍ने खे़ल्‍ले़ कुनुप्‍मा पोङ्‌लो॥”

होसे 7:2

कर खे़ङ्‌हाॽरे़ खुन्‍छिॽ के़रे़क् फे़न्‌याःम्‍बक्‍हाॽ इःत्तुङ्‌ॽ के़लॽबा पाःन्‍निन् खे़ङ्‌हाॽरे़ निङ्‌वाॽ मे़न्‍इःत्तुन्‍लो॥ खुन्‍छिॽ आप्‍फेक् लायोहाॽरे़ खे़ङ्‌हाॽ सुःप्‍तुसिआङ् वाॽरो हे़क्‍क्‍याङ् खे़न् लायोहाॽ आङ्‌गाॽ आदगि वाॽरो॥”

आमोस 8:7

याकुबरे़ कुहे़न्‍छिङ्‌मो यहवे दाङ्‌बे़ल्‍ले़ पाःत्तुरो हे़क्‍क्‍याङ् खुने़ॽ अक्‍खेलॽरिक् माङ्‌हे़क्‍सिङ्‌ङाङ् वाॽरो— “खे़ङ्‌हाॽरे़ मे़जोगुआङ् वाॽबा आत्तिन् याःम्‍बक्‍किन्‍नाङ् आङ्‌गाॽ आप्‍फाल्‍ले़आङ् निङ्‌वाॽ मे़भेःत्‍छुङ्‌ङिन्‍लो॥

यर्मिया 31:34

खे़ङ्‌हाॽरे़ खुन्‍छिॽ हिम्‍बेसाङ्‌बाहाॽ इग्र फुॽनुसाॽहाॽ यहवे दाङ्‌बान् कुसिङ् निःप्‍मारे़ लागि आत्तिन्‍हाॽआङ् हुॽमासि मे़बोङ्‌ने़न्‍लो थेआङ्‌भे़ल्‍ले़ यम्‍बा चुक्‍पा के़रे़क्‍ले़ कुसिङ् मे़निःत्तारो॥ खे़ङ्‌हाॽ खुन्‍छिॽ फे़न्‌याःम्‍बक्‍लाम् ले़प्‍मि पिरुङ्‌सिङ्‌लो हे़क्‍क्‍याङ् खुन्‍छिॽ लायोहाॽ आफाल्‍ले़आङ् निङ्‌वाॽ मे़इःत्तान्‍लो॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”

तोलिङ्‌सोमु 36:12

एसाबरे़ कुस्‍सा एलिपजरे़ तिम्‍न मिङ् के़वाःप्‍मा लत्‍छा कुजक्‍मेःत् थिक् वये़॥ एलिपजलाम् खे़ल्‍ले़ अमाले़क्‍के़न् कत्तु॥ एसाबरे़ कुमेत् आदारे़ कुम्‍मे़न्‍छाॽहाॽ हाबा कन्‍हाॽरो॥

निङ्‌वाॽफु साम्‍लोसुम् 83:7

गबालिहाॽ, आम्‍मोनिहाॽ, अमाले़किहाॽ, पलिस्‍तिहाॽ हे़क्‍क्‍याङ् तुरोसबा मनाहाॽ थिक्‍हुप् मे़बोःक्‍खे़आङ् मे़वाॽरो॥