१ सामुए़ल 15:11 - लिम्बु11 “आङ्गाॽ सावले़न् हाङ् चोगुङ्बाओ साॽरिक् आनिङ्वाॽ तुगे़आङ् वाॽ, थेआङ्भे़ल्ले़ खुने़ॽ आङ्गाॽलाम् नुःक्खे़बेआङ् वाॽ, हे़क्क्याङ् खे़ल्ले़ आङ्गाॽ आइङ्जाङ्ङिन्नाङ् इःप्मा नाःप्मा ते़न्दिङ् मे़जोगुन्लो॥” कन् पाःन्निल्ले़ चोगुल्ले़ सामुए़लरे़ कुनिङ्वाॽ पङे़, हे़क्क्याङ् से़न्दिक् नाम्दाःत्तात् यहवे दाङ्बान् पेलि फाक्तु॥ Gade chapit la |
१ सामुए़ल 15:11
44 Referans Kwoze
यहवे दाङ्बाल्ले़ कुमाङ्लाइङ्बाल्ले़ यरुसले़ःम्मिन् मे़ङ्मारे़ लागि कुहुक्किन् फोःक्खु, हे़क्केःल्ले़ यहवे दाङ्बाल्ले़ मनाहाॽ खुम्मा कुनिङ्वाॽइन् नुःक्तुआङ् मना के़से़प्पा माङ्लाइङ्बान् मे़त्तु, “आल्ल याःक्तु, के़हुक् फोःक्खे़॥” खे़म्भे़ल्ले़ यहवे दाङ्बाल्ले़ कुमाङ्लाइङ्बे़न् याबुसि अरौनारे़ कुजा फुङ्मादे़न्नो ये़बे़॥
कर सावल नु कुमनाहाॽरे़ अगागे़न् नु नुःब्नुबा मे़ल्लुक् हे़क्क्याङ् कुम्बाबा कुम्मामा पित्, वरुप्लुप्पा पित्सात्, नु मे़ल्लुक्साःत् खे़ब्याङ् चाहाब् के़जोःक्पा के़रे़क् चिगक्वा सामाहाॽ हाबा मे़से़ःप्तु मे़गत्तुसि॥ कर याःम्बक् मे़म्बिमनाबा नु कुमे़ल्लुङ् के़होःप्पाहाॽग खाप्पुथ्यःङ् मे़जोगु॥
आल्ल अमाले़किहाॽनु थङ् चोःक्से़ पेगे़ॽ॥ खे़ङ्हाॽरे़ मे़गत्तुबा के़रे़क् चिगक्वा सामाहाॽ थेधिक्काङ् मे़ल्ले़त्ते के़रे़क् खाप्पुथ्यःङ् चोगे़ॽ॥ खे़ङ्हाॽरे़ खुनिॽ ये़म्बित्छा, मे़न्छुमा, अङे़ःक्वाहाॽ हे़क्क्याङ् नुगे़धुङ्बा अङे़ःक्वा साहाॽ, कुम्बाबा पित्, मे़ःन्दा मे़ल्लुक्, उमे नु अदङ्हाॽ के़रे़क् मे़क्खे़से़ॽ॥”
“निङ्वाॽफुमाङ्ङिल्ले़ के़रे़क् कुसङ्जुम्भोहाॽरे़ अक्खे मे़बाःत्तुॽ—‘इस्राइलबा निङ्वाॽफुमाङ्ङिल्ले़ कुदक्ले़ङ्वाओ खिनिॽ आक्खेलॽरिक् अक्तङ्बा ताप्फे़ःम्बा याःम्बक् के़जोगुम्माङ् के़वयिॽ? खिनिॽ आल्लो आक्खेलॽरिक् यहवे दाङ्बे़ल्ले़ कुदक्ले़ङ्वाओ पिफ्युङ्बा के़बोःक्खिॽ हे़क्क्याङ् खुने़ॽ तिम्मा नाःप्मा के़नाॽरुम्माङ् खिनिॽ आप्फेक् लागि कन् ले़त्ति तोःम्मादे़न्निन् के़जोगुम्माङ् युङ्बाबे?
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
खे़ल्ले़चोगुल्ले़ यहवे दाङ्बाल्ले़ पाःत्तु, “आङ्गाॽ नावागे़न् चइःत् चोगुङ्बा मे़न्छाम् याप्मिन् इक्सादिङ् खाम्बेःक्कोलाम् मे़क्खुङ्ॽ, मे़न्छाम् याप्मि, के़उःङ्सिङ्बा कुबु थक्सा, के़बे़बा पुसा के़रे़क् मे़क्खुङ्सिङ्ॽ, थेआङ्भे़ल्ले़ आङ्गाॽ खे़ङ्हाॽ चोगुङ्सिङ्बाओ आनिङ्वाॽ तुगे़आङ् वाॽ॥”
हे़क्क्याङ् निङ्वाॽफुमाङ्ङिल्ले़ यरुसले़ःम्मिन् खाप्पुथ्यःङ् चोःक्मारे़ लागि माङ्लाइङ्बा थिक् पाङ्घुयुसु॥ कर खुने़ॽ खे़न् खाप्पुथ्यःङ् चोःक्मा चोगुल्ले़ यहवे दाङ्बे़ल्ले़ खे़न् निसुआङ् खे़न् खाप्पुथ्यःङ् चोःक्मालाम् कुनिङ्वाॽ नुःक्तुआङ् खे़न् खाप्पुथ्यःङ् के़जोःक्पा माङ्लाइङ्बे़न् मे़त्तु, “आल्ल याःक्तु! के़हुक्किन् चक् थासे़ॽ!” खे़न् ये़म्मो खे़न् माङ्लाइङ्बे़न् यबुसि अरौनाःल्ले़ कुजा थाम्मादे़न्निल्ले़ कुबेसाङ् ये़म्सिङ्ङाङ् ये़बे़॥
आङ्गाॽ आबाःन्जाःक्हाॽ खे़म्मा मे़न्दे़म्मनाबा खे़ङ्हाॽरे़ खुन्छिॽ आबाङे पाधे़बाहाॽरे़ खुन्छिॽ लायो लासोत् ले़प्माङ् खे़ङ्हाॽ मे़लासे़आङ् मे़वाॽ॥ खे़ङ्हाॽरे़ कुसिङ् मे़न्निःत्तुन्छिन्बा एयाङ्बा साम्माङ्हाॽ माङ्से़वा मे़मे़त्तुसिआङ् मे़वाॽ॥ इस्राइल नु यहुदा ने़प्माङ्बा मनाहाॽरे़ खे़ङ्हाॽरे़ खुन्छिॽ पाधे़बाहाॽरे़ मे़जोगुबा माङ्हुप्पिन् मे़ङ्गे़त्ते मे़भेःन्दुआङ् वाॽ॥
करसाङ्, साम्योबा मनाहाॽ खुन्छिॽ साम्योबा ये़प्ले़क्कोलाम् मे़नुःङ्ङाङ् वेॽ लायोबाहाॽ हे़क्के याम्गे़सिङ्बा लायोहाॽ चोःक्मा मे़हेःक्तुने़भग्र, थे खे़ङ्हाॽ हिङ् फाःक्मासिबि? मेःन्, से़क्खाए मेःन्! खे़ङ्हाॽरे़ खुन्छिॽ के़रे़क् साम्योबा याःम्बक्हाॽ निङ्वाॽमुःन्, खुन्छिॽ नसान् होःप्मा नु लायोहाॽरे़ चोगुल्ले़ खे़ङ्हाॽ मे़सिरो॥
यहवे दाङ्बाल्ले़ सामुए़ले़न् मे़त्तु, “आङ्गाॽ सावले़न् इस्राइलबा हाङ् पोङ्मा नाॽरुङ्बाल्ले़ चोगुल्ले़ खे़ने़ॽ आभे़ल्ले़ थारिक् खे़ल्ले़ कुलागि मे़रिङ् के़धक्पाबे? खे़ने़ॽ के़गत्तुबा सादाङ्ङिन् निःङ्गेॽइल्ले़ थिम्से़ॽ हे़क्क्याङ् थासिङे़ॽ॥ आङ्गाॽ बेथले़हे़मबा यिसैरे़ओ खे़ने़ॽ पाङ्ने़र पत्ता॥ थेआङ्भे़ल्ले़ आङ्गाॽ कुस्साधिक् हाङ् पोङ्मारे़ लागि सेगुङ्ङाङ् वाॽ॥”
Piblisite