१ सामुए़ल 14:7 - लिम्‍बु

⁷ खुने़ॽ कुभे़जा के़भे़युम् के़बङ्‌बे़ल्‍ले़ मे़त्तु, “आदाङ्‌बारे़ थे चोःक्‍मा के़सिराॽधाङ्, चोगे़ॽ॥ लाम्‍लोरे़ॽ आदाङ्‌बारे़ थे के़जोगुसाङ् आङ्‌गाॽ आनिङ्‌वाॽलाम्‍बाए फाॽने़॥”

१ सामुए़ल 14:7 Referans Kwoze

२ सामुए़ल 7:3

नातानरे़ हाङ्‌ङिन् मे़त्तु, “के़निङ्‌वाॽओ थे वाॽ हाबाघे़न् चोगे़ॽ, थेआङ्‌भे़ल्‍ले़ यहवे दाङ्‌बे़न्‍ने खे़ने़ॽनु वाॽ॥”

जकरिया 8:23

मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—“खे़न् ये़न्‍नो के़रे़क् मे़न्‍छाम् सुवाङ्‌हाॽलाम् नु के़रे़क् पाःन्‍दाङ् के़बाःप्‍पाहाॽओलाम् थिबोङ् मनारे़ लत्‍छा यहुदिन् कुदेःत् फे़राओ मे़दे़म्‍सुआङ् अक्‍खे मे़मे़त्तुॽ, ‘आनिगे खे़ने़ॽनु सोरिक् पेगिगे़, थेआङ्‌भे़ल्‍ले़ निङ्‌वाॽफुमाङ्‌ङिन् खे़ने़ॽनु वाॽ फाॽआङ् आनिगे खे़प्‍सुम्‍बे़आङ् वयिगे़रो॥’”

निङ्‌वाॽफु साम्‍लोसुम् 46:7

मुक्‍साम्‍दाङ्‌बा यहवे दाङ्‌बान् आनिॽनु वाॽरो, हे़क्‍क्‍याङ् याकुबरे़ कुनिङ्‌वाॽफुमाङ्‌ङिन् आनिॽ से़ःप्‍सिङ्‌मादे़न् यक्‍लो॥ सेला

१ सामुए़ल 10:7

कन् मिक्‍सेःन्‍हाॽ पोङ्‌जुःत्, हे़क्‍क्‍याङ् खे़ने़ॽ सिङ्‌सिङ् ये़क्‌ये़क्‍काङ् याःम्‍बक् चोगे़ॽ, थेआङ्‌भे़ल्‍ले़ निङ्‌वाॽफुमाङ्‌ङिन् खे़ने़ॽनु वाॽ॥

खासे़न्‍लोःम्‍बा 9:54

अबिमेलेकरे़ खिमो खुने़ॽ कुभे़जुम् कुभे़या के़बङ्‌बा थाङ्‌बे़न्‍निन् उःत्तुआङ् मे़त्तु, “हारा के़दाभेःन् तरप् फिःक्‍खे़आङ् आङ्‌गाॽ से़राङ्‌ङे़ॽ, मेःन्‍ने़भग्र मे़न्‍छुमा थिक्‍ले़ खुने़ॽ से़रु फाॽआङ् मनाहाॽरे़ मे़बाःत्तुॽ॥” कल्‍ले़चोगुल्‍ले़ खे़न् थाङ्‌बे़न्‍निल्‍ले़ चिधुप् थुबुआङ् खे़न् स्‍ये़॥

१ सामुए़ल 14:6

जोनाथानरे़ कुभे़जा कुभे़युम् के़बङ्‌बे़न् मे़त्तु, “फे़रे़ॽ, आन्‍छिॽ खे़न् हर्दो मे़न्‍हे़क्‍मनाबाहाॽरे़ खुनिॽ तुराहिम्‍मिन् ओमे़त्‍छे़ पित्‍छि॥ आनिॽ यरिक् आवाॽसाङ् सुःल्‍लिक् आवाॽसाङ् आनिॽ से़ःप्‍मारे़ लागि यहवे दाङ्‌बे़न् वाॽ, खुने़ॽ आत्तिन्‍हाॽरे़आङ् नाःम्‍मा मे़न्‍छुक्‍तुन्॥”

१ सामुए़ल 14:8

जोनाथानरे़ मे़त्तु, “फे़रे़ॽ, आन्‍छिॽ नाहाङ्‌दाङ् नाःङ्‌सुआङ् पित्‍छि हे़क्‍क्‍याङ् खे़ङ्‌हाॽरे़ आम्‍निसिर॥

२ सामुए़ल 15:15

हाङ्‌ङिल्‍ले़ कुयुक्‍साबाहाॽरे़ मे़बाःत्तु, “आदाङ्‌बारे़ थे के़बाःत्तुॽ बाहे़क्‍के चोःक्‍मा आनिगे यारिप् वयिगे़॥”