१ सामुए़ल 14:12 - लिम्‍बु

¹² पलिस्‍ति कम्‍ब्राङ्‌बा तुराहिम् थक्‍सुबाहाॽरे़ जोनाथाने़न् नु कुभे़जुम् कुभे़या के़गुबान् मे़मे़त्तुसि, “कत्‍थो थाङे़से़ॽ, हे़क्‍क्‍याङ् आनिगे निसाम् हुॽआसिगे़॥” हे़क्‍केःल्‍ले़ जोनाथानरे़ कुभे़जुम् कुभे़या के़गुबे़न् मे़त्तु, “आङ्‌गाॽ आएगाङ् थाङे़ॽ॥ यहवे दाङ्‌बाल्‍ले़ खे़ङ्‌हाॽ आनिॽ इस्राइलि हुक्‍को थासुसिआङ् वाॽ॥”

१ सामुए़ल 14:12 Referans Kwoze

२ सामुए़ल 5:24

खे़न् एगाङ् पिपोर सिङ्‌बुङ्‌हाॽरे़ कुसम् कुसम्‍मो हुरुरु लॽरिक् सःक्‍नुमे़ःन्‍ने खे़ङ्‌हाॽनु थङ् थक्‍ते़ॽ, थेआङ्‌भे़ल्‍ले़ खे़न् ये़म्‍मो यहवे दाङ्‌बे़न् पलिस्‍तिहाॽरे़ खुन्‍छिॽ थक्‍सुबाहाॽ नाःन्‍छे़ खे़ने़ॽ के़दगि पेःक्‍लो॥”

२ हाङ् 14:8

खे़न् एगाङ् अमस्‍याहःल्‍ले़ इङ्‌साबाहाॽ पाङ्‌घुसिआङ् इस्राइलबा हाङ् येहुरे़ कुम्‍मे़न्‍छाॽ, यहोआहाजरे़ कुस्‍सा येहोआसे़न् अक्‍खे मे़त्तुआङ् थङ् थक्‍मा साःत्तु, “फे़रे़ॽ, आङ्‌गाॽनु नादुम्‍दुम्‍बा थङ् थक्‍ते़ॽ॥”

१ सामुए़ल 14:10

कर खे़ङ्‌हाॽरे़ ‘कत्‍थो थाङे़से़ॽ’ मे़लॽने फग्र आन्‍छिॽ खात्‍थो पित्‍छि, थेआङ्‌भे़ल्‍ले़ यहवे दाङ्‌बाल्‍ले़ खे़ङ्‌हाॽ आन्‍छिॽहुक्‍को थासु आबिरे़छि के़लॽबा आन्‍छिॽ लागि इबु पोङ्‌लो॥”

खासे़न्‍लोःम्‍बा 7:15

आल्‍ल गिदोनरे़ ताॽदि से़प्‍माङ्‌ङिन् नु खे़ल्‍ले़ कुबेन् खे़प्‍सुआङ् खुने़ॽ निङ्‌वाॽफुमाङ्‌ङिन् साबन् फन्‍छिङ्‌ङाङ् से़वा मे़त्तु॥ खे़न् एगाङ् खुने़ॽ इस्राइलिहाॽरे़ खुन्‍छिॽ साःङ्‌गाहिम्‍हाॽओ नुःक्‍खे़द्‌ये़आङ् मे़त्तुसि, “पोगे़म्‍मे़ॽ, यहवे दाङ्‌बे़ल्‍ले़ मिद्‌यानिहाॽरे़ खुन्‍छिॽ थक्‍सुबा ने़त्‍ना साःङ्‌गाहिम्‍मिन् खिनिॽ हुक्‍के़सुप्‍तिआङ् वाॽ॥”

खासे़न्‍लोःम्‍बा 4:14

खे़ब्‍याङ् दबोराःल्‍ले़ बाराके़न् मे़त्तु, “पोगे़ॽ, आइन्‍बा ये़न् यहवे दाङ्‌बे़ल्‍ले़ सिसराःन् खे़ने़ॽ के़हुक्‍को के़बिरे़आङ् वाॽ॥ यहवे दाङ्‌बे़न् खे़ने़ॽ के़दगि पेआङ् वाॽ॥” कल्‍ले़चोगुल्‍ले़ बाराके़न् तबोर कोःक्‍माओलाम् यो थासिङ् ये़, खम्‍भ्‍याङ् थिबोङ् हे़न्‍छिङ् मनाहाॽ खे़ल्‍ले़ कुएगाङ् कुएगाङ् मे़ये़॥

तोलिङ्‌सोमु 24:48

हे़क्‍क्‍याङ् आङ्‌गाॽ अःक्‍खुम् फन्‍छिङ्‌ङाआङ् यहवे दाङ्‌बान् से़वा मे़त्तुङ्॥ हे़क्‍क्‍याङ् आङ्‌गाॽ आन्‍दाङ्‌बा अब्राहाम्‍मिल्‍ले़ कुन्‍साॽरे़ कुम्‍मे़न्‍छाॽइन् आन्‍दाङ्‌बाल्‍ले़ कुस्‍साओ पाङ्‌लिमा ताःप्‍मारे़ लागि कुदोःप्‍मा लाम् के़दोम्‍बा आन्‍दाङ्‌बा अब्राहाम्‍मिल्‍ले़ कुनिङ्‌वाॽफुमाङ् यहवे दाङ्‌बान् कुनारा फोसुङ्॥

तोलिङ्‌सोमु 24:42

“आइन् वबाक्‍को के़राङ्‌ङाङ् आङ्‌गाॽ अक्‍खेलॽरिक् पेलिगे़न् तुवा चोगुङ्, ‘आङ्‌गाॽ आन्‍दाङ्‌बा अब्राहाम्‍मिल्‍ले़ कुनिङ्‌वाॽफुमाङ्, यहवे दाङ्‌बाए, खे़ने़ॽ निङ्‌वाॽ के़जोगुनिफाॽग्र आयाःम्‍बक्‍किन् कुलिङ्‌दो के़त्‍ल याःन्‍दे़ॽओ॥’

खासे़न्‍लोःम्‍बा 9:54

अबिमेलेकरे़ खिमो खुने़ॽ कुभे़जुम् कुभे़या के़बङ्‌बा थाङ्‌बे़न्‍निन् उःत्तुआङ् मे़त्तु, “हारा के़दाभेःन् तरप् फिःक्‍खे़आङ् आङ्‌गाॽ से़राङ्‌ङे़ॽ, मेःन्‍ने़भग्र मे़न्‍छुमा थिक्‍ले़ खुने़ॽ से़रु फाॽआङ् मनाहाॽरे़ मे़बाःत्तुॽ॥” कल्‍ले़चोगुल्‍ले़ खे़न् थाङ्‌बे़न्‍निल्‍ले़ चिधुप् थुबुआङ् खे़न् स्‍ये़॥

१ सामुए़ल 14:13

हे़क्‍क्‍याङ् जोनाथानरे़ कुलाङ् कुहुक्‍ले़ तोॽरुआङ् उःङ्‌सिङ्‌ल थो थोःक्‍सिङ्, हे़क्‍क्‍याङ् खुने़ॽ कुभे़जुम् कुभे़या के़बङ्‌बे़न्‍नाङ् कुएगाङ् कुएगाङ् थासिङ्॥ जोनाथानरे़ खे़न् पलिस्‍तिहाॽ हिप्‍तुसिआङ् हर्गुप् सोःन्‍दुसि, खे़ब्‍याङ् खुने़ॽ कुभे़जुम् कुभे़या के़बङ्‌बे़ल्‍ले़ खे़ङ्‌हाॽ स्‍ये़रुसि॥

खासे़न्‍लोःम्‍बा 7:14

खुने़ॽ कुजुम्‍मिल्‍ले़ नोगप् पिरु, “से़क्‍खासाङ् कङ्‌ग इस्राइलि योआसरे़ कुस्‍सा गिदोनरे़ कुदाभेरो॥ निङ्‌वाॽफुमाङ्‌ङिल्‍ले़ मिद्‌यानिहाॽ नु के़रे़क् थक्‍सुबाहाॽ खुने़ॽ कुहुक्‍को थासुसिआङ् वाॽ॥”