१ सामुए़ल 14:1 - लिम्‍बु

¹ थिक्‌ये़न् सावलरे़ कुस्‍सा जोनाथानरे़ खुने़ॽ कुभे़जुम् कुभे़या के़बङ्‌बा थाङ्‌बे़न्‍निन् मे़त्तु, “फे़रे़ॽ आन्‍छिॽ खे़न् कोःक्‍माल्‍ले़ नाहाङ् ले़प्‍माङ्‌बा पलिस्‍तिहाॽरे़ खुनिॽ तुराहिम् ले़प्‍माङ् पित्‍छि॥” कर खे़ल्‍ले़ कन् पाःन्‍निन् कुम्‍बा मे़म्‍मे़त्ते वये़॥

१ सामुए़ल 14:1 Referans Kwoze

मिका 7:5

हिम्‍बेसाङ्‌बे़न् नसान् मे़जोगे़म्‍मिन्‍ने़ॽओ, तेःङ्‌बा चुम्‍मिन्‍नाङ् नामे़साॽरे़म्‍मिन्‍ने़ॽओ॥ खिनिॽ सोरिक् के़हे़प्‍मासिआङ् के़ने़स्‍सिबा मेःत्‍हाॽनुआङ् ये़क्‌ये़क्‍काङ् पारे़म्‍मे़ॽओ॥

१ सामुए़ल 25:19

हे़क्‍क्‍याङ् से़वारोबाहाॽ खुने़ॽ मे़त्तुसि, “आङ्‌गाॽ आदगि थासिङ्‌ङाम्‍मे़ॽ, आङ्‌गाॽ एगाङ् एगाङ् फे़न्‍ना॥” कर कुये़म्‍बा नाबाले़न् खे़ल्‍ले़ कुयाःम्‍बेओ थेआङ् मे़मे़त्तुन्॥

१ सामुए़ल 13:22

खे़ल्‍ले़चोगुल्‍ले़ थङ् पोङ्‌मा हेःक्‍ते़ल्‍ले़ सावले़न् नु जोनाथाने़न् थङ् चोःक्‍मा के़भाॽबा मना आत्तिन्‍हाॽरे़आङ् ताभे नु लाःक् मे़ङ्‌गत्तुन्॥ कर सावले़न् नु जोनाथानने़ल्‍ले़रक् फे़जुम् फे़या कत्ते़सु॥

१ सामुए़ल 13:2

सावलरे़ हे़न्‍छिङ् सुम्‍सि इस्राइलबा मनाहाॽ सेगुसि—मिकमास नु बेथेलबा कोःक्‍मा फाङ्‌जङ् थे़गु माङ्‌वा लाजेॽओ खुने़ॽनु हे़न्‍छिङ् ने़त्‍छि मे़वये़, हे़क्‍क्‍याङ् बेन्यामिन्‍बा गिबाओ जोनाथाने़न्‍नु हे़न्‍छिङ्‌धिक् मे़वये़॥ के़नम्‍बा कुभाॽ मनाहाॽग खुनिॽ हिम्‍मो पाङ्‌घुदेसुसि॥

खासे़न्‍लोःम्‍बा 14:6

खिमो यहवे दाङ्‌बे़ल्‍ले़ कुयाम्‍साम्‍मे़न् सिमसोनओ चघप् ये़, हे़क्‍क्‍याङ् खुने़ॽ कुहुक्‍को थेआङ् मे़गत्तुन्‍छाङ् खुने़ॽ खे़न् थे़रिङ्‌बे़न् लत्‍छा मे़ःन्‍दसाःत् कुइसिक् ते़रे़क् वरे़क् थे़ःक्‍खु॥ कर खुने़ॽ चोगुबा पाःन्‍निन् कुम्‍बा कुम्‍बासि मे़मे़त्तुसिन्॥

खासे़न्‍लोःम्‍बा 6:27

खे़ब्‍याङ् गिदोनरे़ खुने़ॽ कुसे़वारोबाहाॽओबा थिबोङ् मनाहाॽ याङ्‌सिङ्‌ङाङ् यहवे दाङ्‌बे़ल्‍ले़ खुने़ॽ मे़त्तुबा कुइसिक् चोगु॥ कर खुने़ॽ कुम्‍बारे़ कुहिम्‍सयङ् हे़क्‍क्‍याङ् ये़क्‌यक्‍कोबा मनाहाॽनु किसे़, कल्‍ले़चोगुल्‍ले़ खुने़ॽ कन् याःम्‍बक्‍किन् ले़न्‍दिक् मेःन् कर से़न्‍दिक् चोगु॥

१ सामुए़ल 13:23

खे़न् ये़म्‍मो मिकमासबा चिभिःप्‍फिःप्‍पा लाम्‍मिन् कम्‍ब्राङ् मे़त्‍छे़ पलिस्‍ति थक्‍सुबाहाॽ मे़बेआङ् मे़वये़रो॥

१ सामुए़ल 14:2

खे़न् ये़म्‍मो सावलरे़ गिबा कुबेसाङ् मिग्रोन् मे़प्‍मनाबा ते़न्‍नो फुॽले़सेॽ सिङ्‌सेल्‍ले़ कुसिगाङ् तुराहिम् लेःत्तुआङ् युङे़॥ खुने़ॽनु के़प्‍मे़ङ्‌गे़त् किप् तुक्‍सि यारिक् मनाहाॽ मे़वये़॥

खासे़न्‍लोःम्‍बा 14:9

खुने़ॽ सक्‌वाघुन् यगुआङ् कुहुक्‍किन् लागुर पे॥ आल्‍ल खुने़ॽ कुम्‍बा कुम्‍मासिरो के़रे़द्‌ये़आङ् खुन्‍छिॽआङ् कुभा सक्‌वाघु पिरुसि, खे़ब्‍याङ् खुन्‍छिॽआङ् च्‍ये़सु॥ कर खुने़ॽ खे़न् सक्‌वाघुन् कुसिवे़त् थे़रिङ्‌बोलाम् यगुबा पाःन्‍निन् खुने़ॽ खे़ङ्‌हाॽ मे़मे़त्तुन्‍छिन्॥