१ सामुए़ल 13:6 - लिम्बु6 इस्राइलिहाॽ साॽरिक् के़जाॽबा तुक्खेओ मे़ध्ये़, थेआङ्भे़ल्ले़ खे़ङ्हाॽ मे़भत्तु मे़भे़त्तुसि॥ खे़ल्ले़चोगुल्ले़ खे़ङ्हाॽ फुक्कुओ, याःन्सुङ् सिगाङ्, याक्पेॽफिःप्मो, हे़क्क्याङ् लुम्बाःत्हाॽओ नु वबाक्हाॽओ मे़जिङ्सिङ्॥ Gade chapit la |
१ सामुए़ल 13:6
18 Referans Kwoze
कर कन्हाॽग लत्छा अक्तङ्बा सुवाङ्सिरो, खे़ङ्हाॽ इङ्ले़क्को मे़ध्ये़आङ् मे़नाप्तुसिआङ् मे़वाॽरो॥ खे़ङ्हाॽ के़रे़क् लुम्बाःत्तो मे़ध्ये़आङ् मे़याक्लो इग्र पुङ्लाहिम्मो साक्पा मे़ध्ये़आङ् मे़याक्लो॥ खे़ङ्हाॽ मे़नाप्तुसिआङ् के़नाङ्बा के़धेःक्पा हाःत्ताङ् होप्लो, खे़ङ्हाॽ मे़नाप्तु मे़देॽरुसिबा याङ्साकुन्धेहाॽ नुःक्ताम् पिराम्सिम्मे़ॽ के़लॽबा हाःत्ताङ् होप्लो॥
आल्ल ऐबा मनाहाॽ एगाङ् मे़हिसिङ्ङाङ् ओमे़मये़ल्ले़ ये़क्यक्कोबा मिःक्खुन् ताङ्साङ्बो पोगे़आङ् पत्छे़बा मे़निसु, कर खुन्छिॽ लागि कत्ना कत्थो खे़त्छिङ्मा ये़म्माङ् मे़ङ्घोसुन्, थेआङ्भे़ल्ले़ मुरे़क् खारे़क् थेआङ् के़होप्पादे़न्नो के़घे़त्छिङ्बा के़ले़ङ्सिङ्बा इस्राइलिहाॽरे़ खुन्छिॽ के़नाःप्पा ऐबा मनाहाॽ ले़प्माङ् मे़हिसिङ्ङाङ् फप्मा मे़हेःक्तुसि॥
आल्ल इस्राइलबा के़रे़क् मनाहाॽ मिस्पाओ मे़जुप्से़आङ् मे़वाॽ के़लॽबा पाःन्निन् पलिस्तिहाॽरे़ मे़घे़प्सु, हे़क्केःल्ले़ खे़ङ्हाॽरे़ खुनिॽ युक्साबाहाॽ इस्राइलिहाॽनु थङ् चोःक्से़ मे़लःन्दे़॥ पलिस्तिहाॽ तगि थङ् चोःक्से़ मे़भे़न्ल मे़बत् के़लॽबा पाःन्निन् मे़घे़प्सुआङ् इस्राइलिहाॽ साॽरिक् मे़गिसे़॥
इस्माएलरे़ से़रुसिबा मनाहाॽरे़ खुन्छिॽ चेहाॽ गदल्याहरे़ कुधक्के़न्नु सोरिक् च्वाःत् मे़न्याक्मनाबा च्वाःत् याङ्घोःप्मा वाबाक्को लाप्फुसु याक्तुसिआङ् मे़यागे़॥ आसा हाङ्ङिल्ले़ मिस्पान् हाङ्यक् चोगुल्ले़ खुने़ॽ इस्राइलबा हाङ् बासानलाम् से़ःप्सिङ्मारे़ लागि खे़न् च्वाःत् मे़न्याक्मनाबा वाबाक्किन् तमा पाङ्घुसिआङ् ने़स्से़॥ नतन्याहरे़ कुस्सा इस्माएलरे़ खे़न् च्वाःत् मे़न्याक्मनाबा वाबाक्किन् मनाहाॽरे़ खुन्छिॽ चेधक्हाॽरे़ थिम्सु॥
“खे़ने़ॽ खे़ङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ पाःत्तुॽ—आङ्गाॽ कुहिङ्वे़त् वाॽआबा कुइसिक्, खे़न् खाप्पुथ्यःङ् के़बोङ्बा ये़क्यक्हाॽओ के़युङ्बाहाॽ ताभेःल्ले़ मे़सिरो॥ हे़क्क्याङ् खे़न् ये़क्यक् लाःक्कात् खाम्बाङ्हाॽओ के़युङ्बाहाॽ चामासिरे़ लागि आङ्गाॽ ताम्भुङ् थक्साहाॽ पाङ्घुङ्सिङ्ॽ॥ खे़न् यक्हाॽओ नु लुङ्फुक्कोहाॽओ के़जिङ्सिङ्बाआङ् के़युङ्बाहाॽ मिङ्देल्ले़ मे़सिरो॥
हे़क्क्याङ् ने़ने़बादे़न्निल्ले़ नाधाःम्बि नु यर्दन यङ्घङ्ङिल्ले़ नाधाःम्बि के़वाॽबा इस्राइलिहाॽरे़ इस्राइलबा थक्सुबाहाॽ मे़घे़त्छिङ्बा हे़क्क्याङ् सावले़न् नु खुने़ॽ कुस्साहाॽआङ् मे़स्ये़रुसिबा मे़निसुसि, खे़ब्याङ् खे़ङ्हाॽरे़ आबाङे खुन्छिॽ ये़क्यक्हाॽ मे़ले़रुआङ् मे़घे़त्छिङ् मे़बे॥ खे़ब्याङ् पलिस्तिहाॽ खे़प्मो मे़बेआङ् खे़न् ये़क्यक्हाॽ हुक्काप् मे़मे़त्छिङ्॥
Piblisite