१ सामुए़ल 12:8 - लिम्‍बु

⁸ “याकुबे़न् मिस्रलाजेॽ पेआङ् खुने़ॽ कुस्‍सा कुम्‍मे़न्‍छाॽ इस्राइलिहाॽ के़साक्‍पा तुक्‍खेओ मे़ध्‍ये़॥ हे़क्‍क्‍याङ् खे़ङ्‌हाॽरे़ यहवे दाङ्‌बान् पेलि मे़भाक्‍तु, खे़ब्‍याङ् खुने़ॽ मोसान् नु हारुने़न् पाङ्‌घुसि॥ खे़न् ने़प्‍फुहाॽरे़ खे़निॽ पाधे़बाहाॽ मिस्रलाम् लःत्ते़सुआङ् खे़ङ्‌हाॽ कन् ते़न्‍नो युक्‍खुसि॥

१ सामुए़ल 12:8 Referans Kwoze

सेःक्‌युक्‍मिबाहाॽ 7:15

हे़क्‍क्‍याङ् याकुब नु कुहिम्‍सयङ्‌हाॽ मिस्रओ मे़बे॥ याङ्‌सि खुने़ॽ नु कुस्‍साहाॽ खे़प्‍मोए मे़स्‍ये़॥

निङ्‌वाॽफु साम्‍लोसुम् 105:44

खे़ङ्‌हाॽ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽरे़ खुनिॽ लाजेॽ सिङ्‌बुङ्‌हाॽ पिरुसिरो, खे़ङ्‌हाॽरे़ खुनिॽ प्‍याङ्‌सिगे़न् इक्‍ताप्‍हाॽ हुक्‍सुप्‍तुसिरो॥

१ सामुए़ल 12:6

सामुए़लरे़ याम्‍मो खे़ङ्‌हाॽ मे़त्तुसि, “यहवे दाङ्‌बे़ल्‍ले़ए खे़निॽ मोसान् नु हारुने़न् के़बिरि, हे़क्‍क्‍याङ् खे़निॽ पाधे़बाहाॽ मिस्र लाजेॽलाम् लःत्तु फे़त्तुसि॥

१ सामुए़ल 10:18

हे़क्‍क्‍याङ् खे़ङ्‌हाॽ मे़त्तुसि, “यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ अक्‍खे पाःत्तुॽ, ‘आङ्‌गाॽ इस्राइलिहाॽ मिस्र लाजेॽलाम् लःत्तुङ् फे़त्तुङ्‌सिङ्॥ खे़निॽ तुक्‍खे के़जाःप्‍पा मिस्रिहाॽ नु के़रे़क् हाङ्‌जुम्‍हाॽलाम् खे़निॽ से़ःप्निङ्‌ङाङ् वाॽ॥’

यहोसु 1:6

“के़धुम्‍बा नु हाङ्‌हाङ् के़लॽबा पोःक्‍खे़ॽ, थेआङ्‌भे़ल्‍ले़ आङ्‌गाॽ खिनिॽ पाधे़बाहाॽ पिनिङ् मे़त्तुङ्‌सिङ्‌ङाङ् माङ्‌हुप् चोगुङ्‌बा लाजेन् कन् मनाहाॽरे़ युक् चोःक्‍मारे़ लागि खे़ने़ॽ कन्‍हाॽ लाम्‍गे़लोसुसिॽ॥

खानिःत् 20:15

आनिगे थाःक्‍थे़बाहाॽ मिस्र लाजेॽओ मे़बेआङ् मे़वये़, हे़क्‍क्‍याङ् आनिगे यरिक् तङ्‌बे थारिक् मिस्र लाजेॽओ वयिगे़, खम्‍भ्‍याङ् मिस्रबा मनाहाॽरे़ आनिगे नु आनिगे थाःक्‍थे़बाहाॽ साॽरिक् ताप्‍फे़ःल्‍लिक् मे़मे़त्तिगे़॥

लाम्‍दिक् 12:51

आम्‍भा खे़ल्‍ले़ याःन्‍दिक् यहवे दाङ्‌बे़ल्‍ले़ के़रे़क् इस्राइलि सुवाङ्‌हाॽ मिस्रलाम्‍बा लःत्तु फे़त्तुसिरो॥

लाम्‍दिक् 6:26

इस्राइलिहाॽ खुन्‍छिॽ मनासुम् कुइसिक् मिस्रलाम्‍बा लःत्ते़ फे़त्ते़से़ॽ फाॽआङ् यहवे दाङ्‌बे़ल्‍ले़ हाबा खे़न् मोसान् नु हारुने़न्‍ने मे़त्तुसिआङ् वये़॥

यहोसु 21:43

कम्‍भलॽरिक् यहवे दाङ्‌बे़ल्‍ले़ इस्राइलिहाॽ पिरुङ्‌सिङ् फाॽआङ् खे़ङ्‌हाॽरे़ खुन्‍छिॽ पाधे़बाहाॽनु माङ्‌हुप् चोगुबा के़रे़क् लाजेॽहाॽ पिरुसि, हे़क्‍क्‍याङ् खे़ङ्‌हाॽरे़ खे़न् मे़युक्‍तुआङ् खे़प्‍मो मे़युङे़॥