१ सामुए़ल 10:22 - लिम्‍बु

²² खे़ल्‍ले़चोगुल्‍ले़ खे़ङ्‌हाॽरे़ यहवे दाङ्‌बान् सेःन्‍मे़दोसु, “खे़न् मनान् कप्‍मो वाॽबि?” हे़क्‍केःल्‍ले़ यहवे दाङ्‌बाल्‍ले़ नोगप् पिरुसि, “वाॽ, खे़न् मनान् चिगक्‌वा सामाहाॽरे़ कुलुम्‍मो चिङ्‌सिङ्‌ङाङ् युङ्॥”

१ सामुए़ल 10:22 Referans Kwoze

खासे़न्‍लोःम्‍बा 20:18

इस्राइलिहाॽ खिमो बेथेल ले़प्‍माङ् मे़धासिङ्, हे़क्‍क्‍याङ् खे़ङ्‌हाॽरे़ निङ्‌वाॽमाङ्‌ङिन् अक्‍खे मे़मे़त्तुआङ् सेःन्‍मे़दोसु, “आनिगे़ओबा आत्तिन् थाःक्‍हाॽरे़ तगि बेन्‍यामिनिहाॽ फप्‍मासिबे?” यहवे दाङ्‌बे़ल्‍ले़ मे़त्तुसि, “यहुदाबा थाःक्‍हाॽरे़ तगि मे़भत्तुसिर॥”

खानिःत् 27:21

खुने़ॽ खे़न् निङ्‌वाॽफुसाम्‍बा एलाजारओ तार हे़क्‍क्‍याङ् एलाजाररे़ग यहवे दाङ्‌बे़ल्‍ले़ कुदगि ‘उरिम’ नु ‘तुम्‍मिम’ लाम् निःन्‍धो पान् फुॽरुआङ् खे़न् ताॽजे़क्‍तुर॥ यहोसुरे़ए कुइङ्‌जाङ् कुइसिक् के़रे़क् इस्राइलिहाॽरे़ तामा नु पेःक्‍मा याःम्‍बक् मे़जोगुर॥”

लुका 14:11

थेआङ्‌भे़ल्‍ले़ हात् यम्‍बा ले़ङ्‌सिङ् खे़न् चुङ्‌जिगे़न्‍सा पोङ्‌लो, हे़क्‍क्‍याङ् हात् चुङ्‌जिगे़न्‍सा ले़ङ्‌सिङ् खे़न् यम्‍लाबा पोङ्‌लो॥”

१ सामुए़ल 15:17

हे़क्‍क्‍याङ् सामुए़लरे़ मे़त्तु, “खे़ने़ॽ आबाङे चुःक्‍साआ फाॽआङ् निङ्‌वाॽ के़इःत्तुसाङ् खे़ने़ॽग इस्राइलि सुवाङ्‌बा लाम्‍लोबा के़न्‌वये़न्‍बि? हे़क्‍क्‍याङ् यहवे दाङ्‌बाल्‍ले़ इस्राइल लाजेॽओ हाङ् के़सेगे़बा मेःम्‍बि?

१ सामुए़ल 9:21

सावलरे़ मे़त्तु, “आङ्‌गाॽग इस्राइलबा के़रे़क्‍नुःल्‍ले़ चुःक्‍सा बेन्यामिन थाःक्‍कोबाआरो॥ बेन्‍यामिन सुवाङ्‌ङिङ्‌ग मिङ्‌सो इङ्‌धाङ् मेःन्‍नेबा चोक्‍लो॥ खे़ने़ॽ थेआङ् अक्‍तङ्‌बा पान् आङ्‌गाॽनु के़बाःत्तुबाबे?”

खासे़न्‍लोःम्‍बा 20:28

हे़क्‍क्‍याङ् एलाजाररे़ कुस्‍सा हारुनरे़ कुम्‍मे़न्‍छाॽ पिनहासरे़ खे़ल्‍ले़ कुबेसाङ् माङ्‌से़वा चोगुर वये़॥ खम्‍भ्‍याङ् इस्राइलिहाॽरे़ यहवे दाङ्‌बे़न् सेःन्‍मे़दोसु, “थे आनिगे फुॽनुसाॽ बेन्‍यामिनिहाॽरे़ खुन्‍छिॽ तक्‍ले़ङ्‌वाओ थङ् चोःक्‍से़ याम्‍मो पेगिगे़बि इ मे़बेगिगे़न्‍बि?” यहवे दाङ्‌बे़ल्‍ले़ खे़ङ्‌हाॽ मे़त्तुसि, “खिनिॽ पेगे़म्‍मे़ॽ, खे़ङ्‌हाॽ फत्ते़म्‍सिम्‍मे़ॽ॥ ताःन्‍दिक् आङ्‌गाॽ खे़ङ्‌हाॽ खिनिॽ हुक्‍को थासुङ्‌सिङ्॥”

खासे़न्‍लोःम्‍बा 20:23

खे़ब्‍याङ् इस्राइलिहाॽ थो मे़धोःक्‍सिङ् मे़बे, हे़क्‍क्‍याङ् यहवे दाङ्‌बे़ल्‍ले़ कुदगि युःन्‍छिक् थारिक् मे़हाबे़, खम्‍भ्‍याङ् इस्राइलिहाॽरे़ यहवे दाङ्‌बे़न् सेःन्‍मे़दोसु, “थे आनिगे फुॽनुसाॽ बेन्‍यामिनिहाॽरे़ खुन्‍छिॽ तक्‍ले़ङ्‌वाओ थङ् चोःक्‍से़ याम्‍मो पेगिगे़बि?” यहवे दाङ्‌बे़ल्‍ले़ मे़त्तुसि, “खे़ङ्‌हाॽरे़ खुन्‍छिॽ तक्‍ले़ङ्‌वाओ खिनिॽ थाःङ् थोःक्‍कासिम् पेगे़म्‍मे़ॽ॥”

खासे़न्‍लोःम्‍बा 1:1

यहोसुन् मासिङ्‌ङाङ् एगाङ् आत्तिन् थाःक्‍हाॽरे़ तगि कनानिहाॽ फप्‍मासि पोङ्‌ॽ फाॽआङ् इस्राइलिहाॽरे़ यहवे दाङ्‌बे़न् सेःन्‍मे़दोसु॥

तोलिङ्‌सोमु 25:22

खुने़ॽ कुसाप्‍पोःक्‍को अङे़ःक्‌वा ने़त्‍छि यागे़सि, खे़न् अङे़ःक्‌वाहाॽ चुङ्‌मा हेःक्‍ते़छि॥ “आङ्‌गाॽओ थेआङ् अक्‍खे पोःक्‍खे़बाबे?” पाःत्तुर खे़ल्‍ले़ यहवे दाङ्‌बान् सेःन्‍दोमा हेःक्‍तु॥

१ सामुए़ल 10:21

खे़ब्‍याङ् खुने़ॽ बुन्यामिन थाःक्‍कोबा के़रे़क् हिम्‍सयङ्‌बा मनाहाॽ तगि तारुसि, हे़क्‍क्‍याङ् मत्रि ले़प्‍माङ्‌बा हिम्‍सयङ्‌ङिन् मे़सेगु॥ हे़क्‍क्‍याङ् कुनुप्‍मो किसरे़ कुस्‍सा सावले़न् मे़सेगु॥ कर मनाहाॽरे़ खे़न् मे़गोःत्तुल्‍ले़ खुने़ॽ खोमा मे़न्‍छुक्‍तुन्॥

१ सामुए़ल 14:37

हे़क्‍केःल्‍ले़ सावलरे़ यहवे दाङ्‌बे़न् सेःन्‍लाप्‍तु, “आङ्‌गाॽ पलिस्‍तिहाॽ नाःत्तुङ्‌सिङ्‌बि? आदाङ्‌बारे़ खे़ङ्‌हाॽ इस्राइलिहाॽरे़ खुनिॽ हुक्‍को के़धासुसिबि?” कर खे़न् ये़म्‍मो यहवे दाङ्‌बे़ल्‍ले़ सावले़न् नोगप् मे़बिरुन्‍लो॥

१ सामुए़ल 22:10

अहिमे़ले़क्‍किल्‍ले़ दाउदरे़ कुलागि यहवे दाङ्‌बान् सुजा नाःक्‍तु॥ हे़क्‍क्‍याङ् खे़ल्‍ले़ चामा कुजा नु पलिस्‍ति गोल्‍यतरे़ कुदाभेःन्‍नाङ् दाउदे़न् पिरु॥”

१ सामुए़ल 23:9

सावलरे़ चोगुबा चे़म्‍भन्‍निल्‍ले़ कुयाःम्‍बेओ दाउदरे़ निङ्‌वाॽ खोसु॥ हे़क्‍क्‍याङ् अबियाथार निङ्‌वाॽफुसाम्‍बान् एपोद तेःत्तिन् फे़प्‍मा पाङ्‌घु॥

१ सामुए़ल 30:7

खे़ब्‍याङ् दाउदरे़ अहिमे़ले़क्‍के़ल्‍ले़ कुस्‍सा निङ्‌वाॽफुसाम्‍बा अबियाथारे़न् मे़त्तु, “आङ्‌गाॽओ एपोदे़न् तारे़ॽ॥” हे़क्‍क्‍याङ् अबियाथारे़ल्‍ले़ खे़न् तारु॥

१ सामुए़ल 30:8

हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु, “आङ्‌गाॽ कन् चिगक्‌वा कुजा के़नाप्‍पा मनालुप्‍हाॽ नाःत्तुङ्‌सिङ्‌बि? आङ्‌गाॽ खे़ङ्‌हाॽ सिॽमा सुक्‍तुङ्‌बि?” यहवे दाङ्‌बे़ल्‍ले़ मे़त्तु, “खे़ङ्‌हाॽ नाःत्ते़से़ॽ॥ खे़ङ्‌हाॽ के़सिॽरुसि हे़क्‍क्‍याङ् के़रे़क् के़से़ःप्‍तुसिॽ॥”

२ सामुए़ल 2:1

कन् एगाङ् दाउदरे़ यहवे दाङ्‌बे़न् अक्‍खे मे़त्तु, “आङ्‌गाॽ यहुदाबा लत्‍छा ये़क्‌यक्‍को पेःक्‍काबि?” हे़क्‍क्‍याङ् यहवे दाङ्‌बे़ल्‍ले़ मे़त्तु, “थो पेगे़ॽ॥” दाउदरे़ याम्‍मो सेःन्‍दोसु, “आत्तिन् ये़क्‌यक्‍को पेःक्‍काबे?” यहवे दाङ्‌बे़ल्‍ले़ याम्‍मो नोगप् पिरु, “थो हे़ब्रोन्‍नो पेगे़ॽ॥”

२ सामुए़ल 21:1

दाउदरे़ तङ्‌बेॽ सुम्‍सि हाङ् चोगुबा ये़म्‍मो साॽरिक् के़जाॽबा साक् पोगे़॥ हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु॥ यहवे दाङ्‌बे़ल्‍ले़ दाउदे़न् मे़त्तु, “सावल नु खुने़ॽ कुहिम्‍सयङ्‌हाॽ मना के़से़प्‍पा मे़मे़त्तुसि, थेआङ्‌भे़ल्‍ले़ खे़ङ्‌हाॽरे़ गिबोनिहाॽ मे़से़रुसि॥ खे़ल्‍ले़चोगुल्‍ले़ साक् पोगे़आङ् वाॽ॥”