१ पत्रुस 5:7 - लिम्‍बु

⁷ काक् खिनिॽ निङ्‌साम्‍हाॽ खुने़ॽओ तारे़म्‍मे़ॽ, थेआङ्‌भे़ल्‍ले़ खुने़ॽ कम्‍ब्राङ् के़मे़त्तिॽरो॥

१ पत्रुस 5:7 Referans Kwoze

निङ्‌वाॽफु साम्‍लोसुम् 55:22

के़दुक्‍खे के़लाक्‍खेहाॽ यहवे दाङ्‌बाओ युक्‍खे़ॽओ, हे़क्‍क्‍याङ् खुने़ॽए ओगे़मे़त्‍लो॥ खुने़ॽग साम्‌योबा मनाहाॽ आभे़ल्‍ले़आङ् यो मे़धासुसिन्‍लो॥

फिलिप्‍पि 4:6

आत्तिन् पाःन्‍नोआङ् निङ्‌साम्‍मो मे़ध्‍ये़म्‍मिन्‍ने़ॽओ, कर के़रे़क् पाःन्‍हाॽरे़ लागि निङ्‌वाॽफुमाङ्‌ङिन् नोगे़न् पिरे़म्‍मे़ॽर तुवा नु ये़क्‍पेलिलाम्‍बा निङ्‌वाॽफुमाङ्‌ङो खिनिॽ पेलिहाॽ तोःन्‍दे़म्‍मे़ॽओ॥

निङ्‌वाॽफु साम्‍लोसुम् 37:5

के़लाम्‍मिन् यहवे दाङ्‌बाओ तोःन्‍दे़ॽओ हे़क्‍क्‍याङ् खुने़ॽए ताःक्‍पो चोगे़ॽओ, हे़क्‍क्‍याङ् खे़न् पाःन्‍हाॽ चोःक्‍मा खुने़ॽ के़भाॽरो॥

निङ्‌वाॽफु साम्‍लोसुम् 34:15

यहवे दाङ्‌बे़ल्‍ले़ साम्‌योबाहाॽ ओमे़त्तुसिरो, हे़क्‍क्‍याङ् खे़ङ्‌हाॽरे़ मे़जोगुबा पेलिन् खे़प्‍सुरो॥

लुका 12:22

हे़क्‍क्‍याङ् ये़सुरे़ कुहुॽसाम्‍बाहाॽ मे़त्तुसि, “हे़क्‍केःल्‍ले़ खे़प्‍से़म्‍मे़ॽओ, खिनिॽ हिङ्‌मन्‍नो थे चामा नु नासिङ्‌गे़न् थक्‍को थे चाङ्‌मा वाःप्‍मा फाॽआङ् निङ्‌साम् मे़जोगे़म्‍मिन्‍ने़ॽओ॥

१ सामुए़ल 30:6

दाउदे़न् के़साक्‍पो थ्‍ये़, थेआङ्‌भे़ल्‍ले़ के़रे़क् मनाहाॽरे़ खुन्‍छिॽ साहाॽ मे़दे़म्‍सु मे़देॽरुसिबाल्‍ले़ चोगुल्‍ले़ खे़ङ्‌हाॽरे़ खुन्‍छिॽ निङ्‌वाॽ तुगे़आङ् दाउदे़न् लुङ्‌ङिल्‍ले़ ले़प्‍पासिगे़ मे़प्‍मा मे़हेःक्‍तु॥ हे़क्‍केःल्‍ले़ दाउदरे़ यहवे दाङ्‌बा कुनिङ्‌वाॽफुमाङ्‌लाम् मुक्‍साम् खोसु॥

मर्कुस 4:38

ये़सुन् खःङ्‌बेल्‍ले़ कुएःक् ले़प्‍माङ् ताक्‍खोःङ्‌धिक् कोःक्‍सिङ्‌ङाङ् इप्‍से़आङ् ने़स्‍से़॥ कुहुॽसाम्‍बाहाॽरे़ मे़भोःक्‍खुर अक्‍खे मे़मे़त्तु, “सिक्‍साम्‍बे, आनिगे हुम्‍मा सिमा इतिगे़रो! थेआङ् स्‍वाःत् के़ने़बाबे?”

युहुन्‍ना 10:13

खे़न् मनान् याङ्‌ङो याःल्‍लिक् साङ्‌मनाबाआङ्‌लक् वाॽबाल्‍ले़ चोगुल्‍ले़ मे़ल्‍लुक्‍हाॽ नुरिक्‍काङ् ओमे़मे़त्तुन्‍छिन् कर ले़रुधसिआङ् खे़त्‍छिङ् पेःक्‍लो॥

निङ्‌वाॽफु साम्‍लोसुम् 40:17

कर आङ्‌गाॽग तुक्‍खे के़जाबा नु आङ्‌गाॽ याङ्‌गे़साॽबा चोःक्‍कारो, यहवे दाङ्‌बे, निङ्‌वाॽ मे़भेःत्‍छाङ्‌ङिन्‍ने़ॽओ॥ आङ्‌गाॽ आनिङ्‌वाॽफुमाङ्‌ङे, खे़ने़ॽग आङ्‌गाॽ के़भाॽबा नु से़न्‍लप् के़बिबाने़रो, खे़ने़ॽ आङ्‌गाॽ हारा फाॽराङ्‌ङे़ॽओ॥

खाहुन् 16:3

खे़ने़ॽ के़जोगुबा आत्तिन् पाःन्‍निन्‍छाङ् यहवे दाङ्‌बे़न् हुक्‍सुप्‍ते़ॽओ, हे़क्‍क्‍याङ् खे़ने़ॽ के़निङ्‌सेःक्‍हाॽ कुलिङ्‌दो के़त्‍लो॥

मत्ति 6:27

निङ्‌साम्‍मो के़ध्‍ये़ॽइआङ् खिनिॽ हिङ्‌मन्‍नो कुमुक्‍थिक् फोमा के़न्‍छुक्‍तुम्‍मिन्॥

मत्ति 6:28

“हे़क्‍केःल्‍ले़ थे़माःन् चाङ्‌मा वाःप्‍माबे फाॽआङ् थेआङ् निङ्‌साम्‍मो के़ध्‍ये़ॽइबाबे? ताम्‍भुङ्‌मो के़लिङ्‌बा फुङ्‌ङिन् ओमे़त्ते़म्‍मे़ॽ, खे़ङ्‌हाॽ याःम्‍बक् मे़न्‍जोःक्‍ने़न् खिआङ् मे़न्‍लःन्‍ने़न्॥

मत्ति 6:31

खे़ल्‍ले़चोगुल्‍ले़ थेःन् चामा थुङ्‌मा बे, थेःन् चाङ्‌मा वाःप्‍माबे फाॽआङ् निङ्‌वाॽ इःत्‍छिङ्‌मो मे़ध्‍ये़म्‍मिन्‍ने़ॽओ॥

लुका 12:26

अक्‍तङ्‌बा चुक्‍सा याःम्‍बक्‍काङ् चोःक्‍मा के़न्‍छुक्‍तुम्‍मिन्‍निल्‍ले़ थेआङ् खिनिॽ निङ्‌वाॽबाल्‍ले़ के़ये़ःक्‍खिबाबे?