१ पत्रुस 5:2 - लिम्बु2 खिनिॽ कम्ब्राङ्ङो के़वाॽबा निङ्वाॽफुमाङ्ङिल्ले़ कुमे़ल्लुक्हाॽ नुरिक्काङ् कमे़म्सिम्मे़ॽओ—मुरा आम्मे़त्तिल्ले़रक् मेःन्, कर निङ्वाॽफुमाङ्ङिल्ले़ कुनिङ्वाॽ कुइसिक् खिनिॽ निङ्वाॽबोलाम् कमे़म्सिम्मे़ॽ, याङ्साकुन्धेरे़ लागिग मेःन्, कर खिनिॽ सिक् पसम्सम्ल से़वा चोगे़म्सिम्मे़ॽओ॥ Gade chapit la |
१ पत्रुस 5:2
41 Referans Kwoze
खुनिॽ खिःम्ब्राक्मो कन् इङ्ले़क्के सिक्साम्बाहाॽरे़ खुनिॽ निङ्वाॽ तादाबा इङ्ले़क्पा पाःन्हाॽ मे़जोगुआङ् खिनिॽ इङ्गे़म्ले़क्तिआङ् इन्धाःक् मे़धगु॥ निङ्वाॽफुमाङ्ङिल्ले़ खे़ङ्हाॽरे़ खुनिॽ खुम्दिङ्ङिन् तगिसा खासे़न् चोगुआङ् वाॽ, हे़क्क्याङ् खुनिॽ मे़क्मे़न् निःन्धो पोःक्खे़आङ् वाॽरो॥
“मनाहाॽरे़ आङ्गाॽओ ले़त्ति मे़दोन्दुबादे़न्नो खे़निॽ थेनाधे मि मे़न्हाःम्मारे़ लागि खे़निॽओ कुभारे़ माङ्हिम्मोबा लाम्धेःत्हाॽ के़सुबुम्मिल्ले़ नुॽमे़न्॥ थेआङ्भे़ल्ले़ आङ्गाॽ खे़निॽनु आनिङ्वाॽ तुगे़आङ् वाॽ, खे़निॽ हुक्किल्ले़ के़दोःन्दुम्बा हुक्सोयाङ्ङिन् आङ्गाॽ मे़दाःक्कान्,” मुक्साम्दाङ्बा यहवे दाङ्बे़ल्ले़ पाःत्तुॽ॥
“मे़ल्लुक् लुप्हाॽ के़ले़प्पाआङ् के़बेःक्पा के़घे़प्पा कुसुम् मे़न्दम्मनाबा मे़ल्लुक्कम्बान् चिःत्ते़स्ये़रो! खे़ल्ले़ कुहुक्किन् नु कुजुप्साङ् मिक्किन् ताभेःल्ले़ च्ये़प्तुररो! खे़ल्ले़ कुहुक्किन् के़रे़क् सर्गे़ङ् हेबेःक्लरो हे़क्क्याङ् खे़ल्ले़ कुजुप्साङ् मिक्किन् खामे़न्निमनाबा पोङ्लरो॥”
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
खे़ङ्हाॽरे़ यहवे दाङ्बे़ल्ले़ कुसे़वारोबा मोसाःल्ले़ कुये़न्निन् नु कुमनाहाॽ निङ्वाॽ मे़इःत्तुसिरो, हे़क्क्याङ् अक्खेलॽरिक् मे़अःक्ते़रो, “मोसाःन्नु सोरिक् मे़ल्लुक्कम्बा कुइसिक् वरःङ्ङोलाम् इस्राइलिहाॽ के़लःप्पा के़भे़प्पे़न् आत्ति वाॽबे? खुने़ॽ कुमनाहाॽनु वाॽसे़ सेसेमाङ् के़बाङ्बे़न् आत्ति वाॽबे?
खे़ङ्हाॽग साॽरिक् खुन्छिॽ सिक्के़लाःक्पा कोःत्चोसिरो, खे़ङ्हाॽ आभे़ल्ले़आङ् मे़ङ्घाने़न्लो, खे़ङ्हाॽ खासिङ् मे़न्निःप्मनाबा मे़ःन्दा पित् के़गम्बासिरो॥ खे़ङ्हाॽ के़रे़क् आबाङे खुन्छिॽ लाम्मो लाङ्मे़घेःक्काङ् मे़वाॽरो, के़रे़क्ले़ आबाङे खुन्छिॽ नुबा के़बोङ्बा पाःन्हाॽरक् मे़गोःत्तुरो॥
“खे़ल्ले़चोगुल्ले़ खुन्छिॽ मेःत्हाॽ वेॽ मनाहाॽ हुक्सुप्तुङ्सिङ्लो हे़क्क्याङ् खे़ङ्हाॽरे़ खुन्छिॽ प्याङ्सिगे़न् इक्ताप्हाॽ याप्मिहाॽ पिरुङ्सिङ्लो॥ थेआङ्भे़ल्ले़ चुक्पा यम्बा मना के़रे़क्ले़ इङ्ले़क्लाम् याङ्साकुन्धे थक्मा तम्सिङ् मे़जोगुरो, माङ्निङ्वाॽपान् के़बाःप्पाआङ्धो निङ्वाॽफुसाम्बा के़रे़क्ले़ मनाहाॽ मे़घुम्सुसिरो॥
कर खे़ने़ॽ नु के़स्सा ये़म्बित्छाहाॽरे़रक् ले़त्ति तोःम्मादे़न्निन् नु फोःन्दा सिगाङ्बा के़रे़क् पाःन्हाॽरे़ कुयाःम्बेओ निङ्वाॽफुसाम्बा ताक्फाःल्ले़ याःम्बक्किन् लक्पे़न् ताःक्ते़ॽआङ् याःम्बक् चोगे़ॽओ॥ कन् निङ्वाॽफुसाम्बा ताक्फाःन् आङ्गाॽ खिनिॽ हुक्वा कुइसिक् पिनिङ्ल पत्ता॥ कुभा वेॽ मना कॽयो ताने़भग्र खे़न् स्ये़प्मा पोङ्लो॥”
Piblisite