१ पत्रुस 5:14 - लिम्‍बु

¹⁴ मिःम्‍जिःल्‍ले़ से़वा मे़त्तासिम्‍मे़ॽओ॥ ख्रिस्‍ते़न् नसान् के़जोःक्‍पा के़रे़क्‍ले़ सनारुङ् के़घोसुम्‍लरो॥

१ पत्रुस 5:14 Referans Kwoze

रोमि 16:16

खिनिॽग सेसे मिःम्‍जिःल्‍ले़ से़वा मे़त्तासिम्‍मे़ॽओ॥ हे़क्‍क्‍याङ् कप्‍मोबा काक् सेसेहुप्‍लक्‍हाॽरे़ से़वा के़म्‍हाक्‍तिॽरो॥

एफिसि 6:23

फुॽनुसाॽ नु ने़ॽनुसाॽसे, पानुदिङ् पा निङ्‌वाॽफुमाङ्‌ङिन् नु दाङ्‌बा ये़सु ख्रिस्‍तरे़ सनारुङ् के़बिरिर हे़क्‍क्‍याङ् ख्रिस्‍ते़न् चक्‍मे़ल्‍लॽए नसान् चोःक्‍मा नु खिनिॽ लुम्‍मो लुङ्‌माॽ तुक्‍सिङ्‌मा के़सुक्‍पा के़बोःक्‍खिररो॥

रोमि 8:1

खे़ल्‍ले़चोगुल्‍ले़ आल्‍ल ख्रिस्‍त ये़सुन् नु थिक्‍हुप् के़वाॽबाहाॽ निङ्‌वाॽफुमाङ्‌ङिल्‍ले़ आप्‍तिक् मे़गुःत्तुन्‍छिन्,

१ कोरन्‍थि 16:20

कप्‍मोबा के़रे़क् फुॽनुसाॽ नु ने़ॽनुसाॽहाॽरे़आङ् से़वा के़म्‍हाक्‍तिॽरो॥ खिनिॽग नसानिबा मिःम्‍जिःल्‍ले़ से़वा मे़त्तासिम्‍मे़ॽओ॥

रोमि 1:7

निङ्‌वाॽफुमाङ्‌ङिल्‍ले़ साॽरिक् मिःम्‍जि के़मे़त्तिॽआङ् आबाङे कुसेसे मना पोङ्‌से़ के़उःत्तिबा रोम ये़क्‌यक्‍कोबा आमिःम् फुॽनुसाॽ नु ने़ॽनुसाॽसे, आनिॽ पानुदिङ् पा निङ्‌वाॽफुमाङ् नु दाङ्‌बा ये़सु ख्रिस्‍तरे़ हाराॽ लुङ्‌गुम् नु सनारुङ् के़बिरिररो॥

२ कोरन्‍थि 5:17

आत्तिल्‍ले़ ख्रिस्‍ते़न् नसान् चोगुॽ, खे़न् कुसङ् मना पोङ्॥ हे़क्‍क्‍याङ् तगिसमा पाःन्‍हाॽग ले़क्‍ते़बेआङ् काक् कुसङ् पोःक्‍खे़आङ् वाॽरो!

१ कोरन्‍थि 1:30

निङ्‌वाॽफुमाङ्‌ङिल्‍ले़ चोगुल्‍ले़ए खिनिॽ ख्रिस्‍त ये़सुओ के़वयिॽरो॥ खुने़ॽए आनिॽ लागि निङ्‌वाॽफुमाङ्‌लाम्‍बा सिक्‍कुम् निङ्‌वाॽ पोःक्‍खे़आङ् वाॽ॥ खुने़ॽए निङ्‌वाॽफुमाङ्‌ङिल्‍ले़ कुनिमाओ आप्‍तिक् मेःन्‍नेबा नु सेसेसाङ्‌साङ् आजोक्, हे़क्‍क्‍याङ् आनिॽ लायोलाम् याप्‍मि के़धे़ॽबा पोःक्‍खे़आङ् वाॽरो॥

युहुन्‍ना 20:26

ये़त्‍छि ये़न् एगाङ् हुॽसाम्‍बाहाॽ याम्‍मो हिम्‍सिगाङ् मे़जुप्‍से़आङ् मे़युङे़॥ कन् ये़म्‍मो थोमाःन्‍नाङ् वये़, लाम्‍धेःप्‍पे़न् सिगाङ्‌लाम् मे़सुबुआङ् पत्‍छे़साङ् खुनिॽ लुम्‍मोए ये़सुन् थाःम्‍सिङ्‌ल, “सनारुङ् के़घोसुम्‍लरो” मे़त्तुसि॥

युहुन्‍ना 20:19

बा खे़न् ते़ने़बाल्‍ले़ युःन्‍छिक् हुॽसाम्‍बाहाॽरे़ यहुदिहाॽ मे़गिरुसिआङ् हिम्‍सिगाङ् मे़सुम्‍सिङ्, हे़क्‍क्‍याङ् लाम्‍धेःप्‍पे़न् मे़ए़त्तुआङ् मे़युङे़ल्‍ले़ ये़सुन् खुनिॽ लुम्‍मो थाःम्‍सिङ्‌ल अक्‍खे मे़त्तुसि, “सनारुङ् के़घोसुम्‍लरो!”

युहुन्‍ना 16:33

इङ्‌गाॽओ खिनिॽ सनारुङ् के़घोसुम्‍लरो फाॽआङ् कन् के़रे़क् पाःन्‍हाॽ मे़त्‍निङ्‌ङाङ् वाॽआरो॥ कन् इक्‍सादिङ् खाम्‍बेःक्‍मो यरिक् इनोगे़न् तुक्‍खेहाॽ के़दुमुम्‍लो॥ कर हाङ्‌हाङ् लॽरे़म्‍मे़ॽओ, थेआङ्‌भे़ल्‍ले़ इङ्‌गाॽ कन् इक्‍सादिङ् खाम्‍बेःक्‍मान् नाःन्‍दुङ्‌ङाङ् वाॽआरो॥”

युहुन्‍ना 14:27

“इङ्‌गाॽ सनारुङ्‌ङिन् खिनिॽनु पक्‍थाङ्‌लो, आसनारुङ्‌ङिन् खिनिॽ पिनिङ्‌लो॥ कङ्‌ग इक्‍सादिङ् खाम्‍बेःक्‍माल्‍ले़ के़बिरिबा हे़क्‍केग मे़बिनिङ्‌ङिन्‍लो॥ खिनिॽ निङ्‌साम्‍मो मे़ध्‍ये़म्‍मिन्‍ने़ॽ हे़क्‍क्‍याङ् मे़गिसे़म्‍मिन्‍ने़ॽओ॥

१ थिस्‍सलोनिकि 5:26

हे़क्‍क्‍याङ् के़रे़क् फुॽनुसाॽ नु ने़ॽनुसाॽहाॽरे़ मिःम्‍जिनु से़वा मये़म्‍मे़ॽओ॥

२ कोरन्‍थि 13:12

खिनिॽग नसानिबा मिःम्‍जिःल्‍ले़ से़वा मे़त्तासिम्‍मे़ॽओ॥

१ पत्रुस 1:2

निङ्‌वाॽफुपाःल्‍ले़ तगिसा कुसिङ् के़निःत्तिबा कुइसिक् कुमना पोङ्‌से़ के़सेगिआङ् सेसेमाङ्‌ङिल्‍ले़ सुत्‍थो के़जोगिरो॥ हे़क्‍केःल्‍ले़ खिनिॽ ये़सु ख्रिस्‍तरे़ कुइङ्‌जाङ्‌गे़म्‍बा के़बोःक्‍खिआङ् कुमाक्‍खिॽइल्‍ले़ सेसेसाङ्‌साङ् के़जोगिरो॥ हाराॽ पानुदिङ् पाः निङ्‌वाॽफुमाङ्‌ङिल्‍ले़ कुलुङ्‌गुम् नु कुसनारुङ्‌ङिन् आल्‍लसाङ् यरिक् खिनिॽओ वाॽररो॥

मत्ति 5:47

फुॽनुसाॽहाॽनुरक् खिनिॽ से़वा के़मइने़ फाॽग्र वेॽहाॽनुःल्‍ले़ थे यम्‍बा याःम्‍बक् के़जोगुम्‍माङ्‌बे? खे़ङ्‌ग निङ्‌वाॽफुमाङ्‌ङिन् कुसिङ् मे़न्‍निःप्‍मनाबाहाॽरे़आङ् मे़जोगुरो॥

३ युहुन्‍ना 1:14

कर इङ्‌गाॽ खे़ने़ॽनु हाराए तुम्‍मा निङ्‌साङ् चोगुङ्‌ङाङ् वाॽआरो॥ हे़क्‍क्‍याङ् आन्‍छिॽ आदुम्‍सिॽआङ् सोरिक् ताॽआजे़ङ्‌सिॽरो॥