१ पत्रुस 5:13 - लिम्‍बु

¹³ खिनिॽ हे़क्‍केए सेगे़मा बेबिलोनबा सेसेहुप्‍लक्‍किल्‍ले़ से़वा के़हाक्‍तिरो॥ हे़क्‍केलॽरिक्‍के आस्‍साः मर्कुसरे़आङ् से़वा के़हाक्‍तिरो॥

१ पत्रुस 5:13 Referans Kwoze

सेःक्‌युक्‍मिबाहाॽ 12:12

हे़क्‍क्‍याङ् खुने़ॽ कन् निङ्‌वाॽ खोसुआङ् युहुन्‍ना मर्कुसरे़ कुम्‍मा मरियमरे़ कुहिम्‍मो पे॥ खे़प्‍मो यरिक् नसानिबाहाॽ मे़जुप्‍से़आङ् तुवा चोःक्‍कि मे़यागे़रो॥

सेःक्‌युक्‍मिबाहाॽ 12:25

बरनाबास नु सावलरे़आङ् यरुसले़म्‍मो फाॽयाङ् से़ध्‍ये़त्‍छुआङ् एन्‍तिओक्‍को नुःक्‍खे़त्‍छि त्‍ये़त्‍छिरो॥ खुन्‍छिॽनुए युहुन्‍ना मर्कुसे़न्‍नाङ् तारे़त्‍छुरो॥

सुफो 18:2

हे़क्‍क्‍याङ् खे़ल्‍ले़ पयम् यम्‍बा इक्‍लाओ अक्‍खेलॽरिक् पाःत्तुर अःक्‍ते़रो, “बेबिलोनिन् मे़गे़रो, पयम् यम्‍बा ये़क्‌यक्‍किन् मे़गे़रो! खे़न् आल्‍ल लेःत्‍छाम् फुङ्‌साम् नु फे़न्‍साम्‍हाॽरे़ खुनिॽ वाॽमा ते़न् पोःक्‍खे़आङ् वाॽ॥ खे़प्‍मोग काक् परिक्‍ले़न् सिक्‍के़ले़ःङ्‌बा नु आसुत्‍थो पुहाॽ याङ्‌मे़धोःक्‍लो॥

सुफो 17:5

हे़क्‍क्‍याङ् खे़ल्‍ले़ कुदोॽवाबोग कुबे कुसिङ् निःप्‍मे़न्‍दे़प्‍मनाबा मिङ्‌धिक् साप्‍ते़आङ् पत्‍छे़रो— “पयम् यम्‍बा ये़क्‌यक् बेबिलोन, के़त्‍निमाहाॽरे़ खुनिॽ मा, इक्‍सादिङ् खाम्‍बेःक्‍मोबा सिक्‍के़ले़ःङ्‌बा याःम्‍बक् के़जोःक्‍पाहाॽरे़ खुनिॽ मारो॥”

२ युहुन्‍ना 1:13

निङ्‌वाॽफुमाङ्‌ङिल्‍ले़ सेगुमा के़न्‍साॽरे़ कुस्‍साहाॽरे़ खे़ने़ॽ से़वा के़म्‍हाक्‍ते़आङ् वाॽरो॥

निङ्‌वाॽफु साम्‍लोसुम् 87:4

“आङ्‌गाॽ आबान् के़घे़म्‍बा मिस्र नु बेबिलोन लाजेॽ के़युङ्‌बाहाॽरे़ खुनिॽ मिङ्‌हाॽ साप्‍तुङ्‌लो, हे़क्‍क्‍याङ् पलिस्‍ति, तुरोस नु कुस लाजेॽबा मनाहाॽआङ् यरुसले़म के़युङ्‌बा मनाहाॽनु कुदङ्‌बा चोगुङ्‌सिङ्‌लो॥”

सेःक्‌युक्‍मिबाहाॽ 15:37

बर्नाबासरे़ युहुन्‍ना मे़प्‍मनाबा मर्कुसे़न् सोरिक् तेॽमा निङ्‌वाॽ चोगु,

सेःक्‌युक्‍मिबाहाॽ 15:39

खुन्‍छिॽ साॽरिक् पान् थक्‍ते़छिआङ् एःक्एःक् से़न्‍दे़छिआङ् पेसिरो॥ बर्नाबासरे़ युहुन्‍ना मे़प्‍मनाबा मर्कुसे़न् तेॽरुआङ् सैप्रस वागप्‍खाम् ले़प्‍माङ् वालाधालाम् थासिङ्,

कलस्‍सि 4:10

अरिस्‍तार्खसे़न् इङ्‌गाॽनु सोरिक् पुङ्‌लाहिम्‍मो साक्‍ते़आङ् वाॽरो॥ खुने़ॽनु बर्नाबासरे़ कुल्‍लाम्‍सा मर्कुसरे़ से़वा के़हाक्‍तिरो॥ मर्कुसरे़ कुयाःम्‍बेओ तगिसा ओःन्‍धाक् चोःक्‍निङ्‌ङाङ् वाॽआ॥ खिनिॽओ लःन्‍निल्‍ले़ लाम्‍दाःक्‍मा पिरे़म्‍मे़ॽओ॥

फिलेमोन 1:24

हे़क्‍केलॽरिक्‍के इङ्‌गाॽनु सोसोरिक् याःम्‍बक् के़जोःक्‍पा मर्कुस, अरिस्‍तार्खस, देमास नु लुकारे़आङ् से़वा के़म्‍हाक्‍ते़आङ् वाॽरो॥

२ युहुन्‍ना 1:1

इङ्‌गाॽ सेसेहुप्‍लक्‍कोबा तुम्‍लाम्‍लोबाल्‍ले़ सेःक्‍मनामा तुम्‍म्‍याङ्‌हाङ्‌मा नु कुस्‍साहाॽ कन् सक्‍इङ्‌घङ्‌ङिन् हाक्‍निङ्‌लो॥ इङ्‌गाॽ से़क्‍खाए मिःम्‍जि मे़त्‍निङ्‌लो, हे़क्‍क्‍याङ् से़क्‍खान् कुसिङ् के़निःप्‍पा के़रे़क्‍ले़आङ् मिःम्‍जि के़म्‍मे़त्तिॽरो॥