१ पत्रुस 5:1 - लिम्बु1 आल्ल ख्रिस्तरे़ इनोगे़न् कुदुक्खेःल्ले़न् तोःन्दि नु ताःन्दि ओसेःन्दाङ् के़बोङ्बा मिमिदिङ्ङिल्ले़न् लक्साबा पोःक्खाङ्बाल्ले़ चोगुल्ले़, हे़क्क्याङ् इङ्गाॽआङ् सेसेहुप्लक्कोबा लत्छा तुम् लाम्लोबा पोःक्खाङ्बाल्ले़ चोगुल्ले़ खिनिॽ तुम्लाम्लोबाहाॽ पेलि फाक्निङ्लो— Gade chapit la |
१ पत्रुस 5:1
38 Referans Kwoze
इङ्गाॽ युहुन्नान् नसाःन्नो खिनिॽ फुॽआरो॥ ख्रिस्त ये़सुन् नसान् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाबा मे़जोगाङ् मे़देॽराङ्ङाङ् वयाङ्॥
मिःल्ले़ साम्म्याङ्ङिन् योःन्दुआङ् सुत्थो चोगुबा कुइसिक् खे़न् इनोगे़न् तुक्खेहाॽरे़ग खिनिॽ नसाःन्निन् साॽरुआङ् के़धुम्बा नु सुत्थो चोगुॽरो, कर खिनिॽ नसाःन्निन् खे़न् साम्म्याङ्ङिन्नुःल्ले़आङ् इमे़ल्लुङ्बा चोक्लो॥ हे़क्केलॽरिक् खे़न् इनोगे़न् तुक्खेहाॽ नासि के़धःत्तुम्ने़ फाॽग्र ये़सु ख्रिस्ते़न् युःल्ले़ ने़म्भोगे़न् नारा फोमान्, मिमिदिङ् नु मिङ्सो इङ्धाङ् के़घोसुम्लो॥
खुनिॽ माङ्से़वान् आबाङे खे़ङ्हाॽरे़ लागि मेःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
हे़क्केःल्ले़ के़रे़क् लाम्लोबाहाॽरे़ आबाङे खिनिॽ ओमे़त्ताम्सिम्मे़ॽ हे़क्क्याङ् खिनिॽ लक्पे़न्नो के़वाॽबा मनाहाॽ नुरिक्काङ् ओमे़त्ते़म्सिम्मे़ॽओ॥ सेसेमाङ्ङिल्ले़ खिनिॽ कम्ब्राङ् के़मे़प्पा के़जोगिआङ् वाॽ॥ निङ्वाॽफुमाङ्ङिल्ले़ लुङ्माॽ तुक्तुबा आबुगे़न् कुस्साःल्ले़ कुमाक्खिॽइल्ले़ इङुबा सेसेहुप्लक्किन् कम्ब्राङ् मे़त्ते़म्मे़ॽ॥
खे़ल्ले़चोगुल्ले़ नसानिबा हिङ्मन्ले़ कुयाःम्बेओ कम्म्याक् यरिक् तोःन्दिहाॽरे़ खुनिॽ लुम्मो आवाॽबाल्ले़ चोगुल्ले़ याप्मि के़हम्बा पाःन्हाॽ नु के़रे़क् परिक्ले़न् याप्मि के़घबा लायोहाॽ लाप्फुसुम्लो, हे़क्क्याङ् निङ्वाॽफुमाङ्ङिल्ले़ ने़स्सु आबिरे़बा लोःक्लोःक्के चाःत्तो नासि थःत्तुम्ल लोःक्तिरो॥
Piblisite