9 हे़क्क्याङ् कानाक्नाक् मे़ल्लॽए तरे तोःआसिम्मे़ॽओ॥
हिम्मो के़दाबाहाॽ तरे मे़न्दोसिङ्ङे मे़बाङ्घे़म्सिम्मे़न्ने़ॽओ॥ कुभारे़ हे़क्के मे़जोगुल्ले़ निङ्वाॽ मे़ङ्घोए माङ्लाइङ्बाहाॽ तरे मे़दोसुसिआङ् वाॽरो॥
निङ्वाॽफुमाङ्ङिल्ले़ सेसे कुमनाहाॽ खुनिॽ चायोःम्बोओ कुभाॽ पिरे़म्सिम्मे़ॽ, तरे तोसे़म्सिम्मे़ॽओ॥
काक् पाःन्हाॽ लुङ्मे़न्हाःत्ते नु पाःन्धङ् मे़न्जोःक्के चोगे़म्मे़ॽ॥
आल्ल नुबा याःम्बक् चोःक्मा नु कम्ब्राङ् मे़त्छिङ्मा कुभाॽ पिसिङ्मा निङ्वाॽ मे़भेःत्छे़म्मिन्ने़ॽओ, थेआङ्भे़ल्ले़ अक्तङ्बा सिदुङ्जभाःल्ले़ निङ्वाॽफुमाङ्ङिल्ले़ कुनिङ्वाॽ तासुरो॥
कर खुने़ॽग तरे के़दोबा नु नुबा पाःन्हाॽ कुसिराॽ के़धाङ्बा पोङ्माए पोङ्लो॥ हे़क्क्याङ् खुने़ॽ निङ्वाॽ हाङ्गे़म्साबा, साम्योबा, सेसे नु हे़न्थिम्बा पोङ्माए पोङ्लो॥
खे़ल्ले़चोगुल्ले़ लाम्लोबा याःम्बक् के़जोःक्पाङ्ग आप्तिक् मेःन्नेबा, थिक्लक् मेःत् के़गप्पा, निङ्वाॽ हाङ्गे़गे़म्सिङ्बा, नुःरिक्काङ् खासिङ् के़निःप्पा, मिङ्सो इङ्धाङ्साबा, तरे के़दोबा नु मनाहाॽ हुॽमा के़सुक्पा पोङ्मा पोङ्लो॥
फुॽनुसाॽ नु ने़ॽनुसाॽसे, खिनिॽ लुम्मो चे़ॽया मे़मे़त्तासिम्मिन्ने़ॽओ॥ मेःन्ने फाॽग्र निङ्वाॽफुमाङ्ङिल्ले़ खिनिॽ खासे़न् चोगुरो॥ पयम् यम्बा खासे़न्दाङ्बान् तामा इःत्ते़आङ् वाॽरो!
के़रे़क् मनाहाॽरे़ निङ्वाॽ मे़न्दे़न्ने मेःन्, कर कम्म्याक् पिमा सुक्तुम्बे़ॽ लॽरिक् खुनिॽ निङ्वाॽओ निःन्धो मे़जोगुबा कुइसिक् मे़बिरुररो॥ थेआङ्भे़ल्ले़ आत्तिल्ले़ कुसिराॽ थाङ्ल पिरुॽ, खे़न्निन् निङ्वाॽफुमाङ्ङिल्ले़ लुङ्माॽ तुक्तुॽरो॥
कर खे़ने़ॽ के़जोगुबा नुबा याःम्बक्किन् साक्के़ल्ले़क्काङ् मेःन्, कर आबाङे के़निङ्वाॽलाम्बा पोङ्ल फाॽआङ् खे़ने़ॽ कन् पाःन्नो के़निङ्वाॽ मेःन्ने इङ्गाॽ थेआङ् चोःक्मा आनिङ्वाॽ होप्लो॥
आहिम्दाङ्बा गायसरे़ खिनिॽ से़वा के़हाक्तिआङ् वाॽरो॥ कप्मो गायसरे़ कुहिम्मो के़जुम्बा सेसेहुप्लक्कोबा नसानिबाहाॽरे़आङ् से़वा के़म्हाक्तिआङ् वाॽरो॥ कन् ये़क्यक्कोबा याङ्गे़युङ्बा इरास्तस नु आनिॽ नसानिबा चुम् क्वार्तसरे़आङ् से़वा हाङे़त्छुआङ् वाॽरो॥
च्वाःत् थुङ्सु सुरुआङ् खे़ल्ले़ से़वारोबान् मे़त्तु, “के़उमेहाॽरे़ लागिआङ् खुन्छिॽ थुङ्धुङ् आङ्गाॽ च्वाःत् पागुङ् पिरुङ्सिङ्॥”
