१ पत्रुस 4:8 - लिम्‍बु

⁸ काक्‍नुःल्‍ले़ यम्‍बा पाःन्‍निङ्‌ग सिक्‍लुङ्‌मोलाम् लुङ्‌माॽ तुक्‍कासिम्‍मे़ॽओ, थेआङ्‌भे़ल्‍ले़ लुङ्‌माॽ तुक्‍माल्‍ले़ग यरिक् लायोहाॽ ते़प्‍तुॽरो॥

१ पत्रुस 4:8 Referans Kwoze

खाहुन् 10:12

चिःत्‍छिङ्‌मा पाःन्‍निल्‍ले़ खे़माॽ फोःक्‍खुरो कर लुङ्‌माॽ तुक्‍सिङ्‌मे़ल्‍ले़ काक् फे़न्‌याःम्‍बक्‍हाॽ ते़प्‍तुरो॥

कलस्‍सि 3:14

हे़क्‍क्‍याङ् कन् के़रे़क्‍नुःल्‍ले़ यरिक् लुङ्‌माॽ तुक्‍कासिम्‍मे़ॽओ॥ खे़ल्‍ले़ए खिनिॽ थिक्‍हुप् पोङ्‌मा कुलिङ्‌दो के़गे़त्तिॽरो॥

खाहुन् 17:9

लुङ्‌हाःत्‍छिङ्‌मा पान् के़माॽबे़ल्‍ले़ मिःम्‍जि फोसुरो, कर ये़त्‍ले़ङ् पान् के़गिम्‍बा आत्तिल्‍ले़साङ् आदङ्‌दङ्‌बा तेःङ्‌जुम्‍हाॽ लुम्‍मो आसेर चोगुरो॥

१ पत्रुस 1:22

आल्‍ल से़क्‍खा पाःन्‍निन् खे़म्‍मा के़दे़न्‍दिआङ् आबाङे सुत्‍थो के़जोःक्‍कासिआङ् के़वयिबाल्‍ले़ चोगुल्‍ले़ फुॽनुसाॽ नु ने़ॽनुसाॽहाॽ नुरिक् लुङ्‌माॽ के़दुक्‍तुम्‍सिम्, हे़क्‍केःल्‍ले़ सिक्‍लुङ्‌मोलाम्‍मे साॽरिक् लुङ्‌माॽ तुक्‍ते़म्‍सिम्‍मे़ॽओ॥

याकुब 5:20

कन् पाःन्‍नो नुरिक्‍काङ् निङ्‌वाॽ इःत्ते़म्‍मे़ॽओ आत्तिल्‍ले़ लायोबान् ताप्‍फे़ःम्‍बा कुलाम्‍मोलाम् नुःक्‍तु तारुॽ, खे़ल्‍ले़ग खे़न्‍निन् सिमे़न्‍लाम् ताङ्‌से़ःप्‍तुआङ् यरिक् लायोहाॽरे़न् ले़प्‍मि के़घोबा चोगुॽरो॥

१ कोरन्‍थि 13:1

इङ्‌गाॽ मे़न्‍छाम् याप्‍मिहाॽ नु माङ्‌लाइङ्‌बाहाॽरे़ खुनिॽ पाःन्‍दाङ्‌हाॽओ पाःत्तासाङ् इङ्‌गाॽ वेॽहाॽ लुङ्‌माॽ मे़दुक्‍तुङ्‌सिङ्‌ङिन्‍ने़ फाॽग्र इङ्‌गाॽग हयङ्‌किल्‍लिङ् के़जोःक्‍पा यम्‍बा किङ्‌ना नु निङ्‌धे़न्‍धे़न् के़मे़प्‍पा मुक्‍ला कुइसिःक्‍लक् पोङ्‌ङारो॥

१ थिस्‍सलोनिकि 3:12

हे़क्‍क्‍याङ् आनिगे खिनिॽ लुङ्‌माॽ तुक्‍कासिगे़बा हे़क्‍केए हाराॽ दाङ्‌बाल्‍ले़ खिनिॽ लुङ्‌माॽ तुक्‍सिङ्‌मा हे़क्‍क्‍याङ् काक् मे़न्‍छाम् याप्‍मिहाॽ लुङ्‌माॽ के़दुक्‍पा के़बोङ्‌बार के़बेःक्‍पा के़जोगिररो॥

हिब्रु 13:1

आल्‍ल नसानिबा फुॽनुसाॽ नु ने़ॽनुसाॽ के़बोःक्‍खिबाल्‍ले़ चोगुल्‍ले़ चक्‍मे़ल्‍लॽए लुङ्‌माॽ तुक्‍कासिम्‍मे़ॽओ॥

१ तिमोथि 1:5

कन् इङ्‌जाङ्‌ङिल्‍ले़न् निङ्‌वाॽसोक्‍किङ्‌ग सेसे निङ्‌वाॽ, नुबा खासिङ् नु से़क्‍खाबा नसाःन्‍लाम् के़लःम्‍बा मिःम्‍जिरो॥

२ थिस्‍सलोनिकि 1:3

फुॽनुसाॽ नु ने़ॽनुसाॽसे, खिनिॽ याःम्‍बेओ आनिगे़ग निङ्‌वाॽफुमाङ्‌ङिन् सदादिङ् नोगे़न् पिमाए पोङ्‌लो॥ हे़क्‍क्‍याङ् हे़क्‍के चोःक्‍माग लाॽरुएरो, थेआङ्‌भे़ल्‍ले़ खिनिॽ नसाःन्‍नो के़बोरिर के़बत्‍छिआङ् लुङ्‌माॽ के़दुक्‍कासिबा पाःन्‍निन् पोर पत्‍लो॥

खाहुन् 18:13

आत्तिल्‍ले़ खे़म्‍मानुःल्‍ले़ तगिए नुगप् पाःन्‍निन् नुःक्‍तुॽ, खे़ङ्‌ग खुने़ॽ कुअदङ् पान् नु कुसिरिङ्‌ममा पाःन्‍लो॥

खाहुन् 12:16

अदङ् मनाःल्‍ले़ कुसाक्‍के़न्‍निन् खिमो ओसेःन्‍धाङ् चोगुरो॥ कर खासिङ्‌गे़निःप्‍पा मनाःल्‍ले़ कुनामे़न्‍छाॽ पोङ्‌ङिल्‍ले़ खुने़ॽ कुमिक्‍किन् इम् मे़त्तु फत्‍छुरो॥

३ युहुन्‍ना 1:2

आमिःम् आन्‍जुम्‍मे, खे़ने़ॽ के़याम्‍साम्‍मो के़नुॽ के़दाबा हे़क्‍केए खे़ने़ॽ नासिङ्‌गे़न् के़धक्‍को हे़क्‍क्‍याङ् काक् पाःन्‍नो के़नुॽ के़दार फाॽआङ् तुवा चोःक्‍कारो॥

याकुब 5:12

फुॽनुसाॽ नु ने़ॽनुसाॽसे, आल्‍ल साङ्‌ग्राम्‍पेदाङ् इग्र इक्‍सादिङ् खाम्‍बेक् हे़क्‍क्‍याङ् वेॽ थे पाःन्‍नोआङ् माङ्‌मे़हे़क्‍कासिम्‍मे़न्‍ने़ॽओ॥ हाराॽ खिनिॽ पाःन्‍निन् ओने़ फाॽग्र “ओ” मेःन्‍ने फाॽग्र “मेःन्” पोङ्‌लरो, मे़ःङ्‌ग्र खिनिॽ खुम्‍दिङ्‌ङो के़ध्‍ये़ॽइरो॥

१ कोरन्‍थि 13:4

मिःम्‍जिःल्‍ले़ नासि थःत्तुॽ हे़क्‍क्‍याङ् लुङ्‌माॽ तुक्‍तुसिॽ॥ मिःम्‍जिःल्‍ले़ कुनामे़हे़न्‍ने़न्‍लो, इङ्‌गाॽ एःक् नु आङ्‌दिङ्‌ङाङ् मे़लॽने़न्‍लो॥