१ पत्रुस 4:4 - लिम्‍बु

⁴ खे़ङ्‌हाॽरे़ आल्‍लो हे़क्‍तङ्‌बा फे़न् पाःन्‍हाॽ खुनिॽनु सोरिक् के़म्‍बत्‍छिन्‍बा मे़निसुआङ् साॽरिक् खुनिॽ निङ्‌वाॽ मये़आङ् वाॽरो॥ हे़क्‍क्‍याङ् खे़ङ्‌हाॽरे़ खिनिॽ नागे़म्‍धासि के़म्‍बिरिॽरो

१ पत्रुस 4:4 Referans Kwoze

१ पत्रुस 3:16

हे़क्‍केलॽरिक् खिनिॽ तक्‍ले़ङ्‌वाओ फे़न्‍पान् के़बाःप्‍पाहाॽरे़ ख्रिस्‍तओबा खिनिॽ नुबा ये़प्‍ले़क्‍किन् मनाहाॽरे़ मे़निसुआङ् खे़ङ्‌हाॽ सिरिङ् मे़मर फाॽआङ् सेसे खासिङ् कत्ते़म्‍मे़ॽओ॥

१ पत्रुस 2:12

खिनिॽग ख्रिस्‍ते़न् नसान् मे़न्‍जोःक्‍मनाबाहाॽनु नुरिक्‍काङ् नुबा हिङ्‌मन्‍नो वये़म्‍मे़ॽओ, थेआङ्‌भे़ल्‍ले़ खे़ङ्‌हाॽरे़ खिनिॽ फे़न् पाःन्‍हाॽ के़जोगुम् लॽरिक् पान् के़म्‍धिक्‍तिसाङ् खिनिॽ के़जोगुम्‍बा नुबा याःम्‍बक्‍हाॽ मे़निसुर, खासे़न् चोःक्‍से़ युबा ये़न्‍नो कुनारा मे़भोसुॽरो॥

सेःक्‌युक्‍मिबाहाॽ 18:6

कर यहुदिहाॽरे़ खुने़ॽ मे़अत्तुर कुना मे़धासुल्‍ले़ निङ्‌वाॽफुमाङ्‌ङिन् खे़ङ्‌हाॽनु सित्‍छिङ्‌ङाङ् वाॽ लॽरिक् ओसेःन्‍धाक्‍मासि फाॽआङ् पावलरे़ खुनिॽ तक्‍ले़ङ्‌वाओ कुदेःत्तिन् साक्‍खुर अक्‍खे मे़त्तुसि, “खिनिॽ साम्‍दिङ् पिमा आयाःम्‍बक्‍किन् चुरे़रो॥ खिनिॽ के़स्‍ये़ॽइ के़मे़गिसाङ् इङ्‌गाॽ थेआङ् आप्‍तिक् मे़घोआन्‍लो॥ आल्‍लआङ्‌धोग इङ्‌गाॽ थिम्‍मे़न्‍दङ् सुवाङ्‌हाॽरो सुनाइङ् इङ्‌भोसे़ पेगाङ्‌लो॥”

यहुदा 1:10

कर कन् मनाहाॽग कुसिङ् मे़न्‍निःत्तुम्‍बा पाःन्‍हाॽरे़ कुदक्‍ले़ङ्‌वाओ चे़ॽयापान् मे़बाःत्‍लो॥ हे़क्‍क्‍याङ् सिक्‍कुम् निङ्‌वाॽ के़होप्‍पा थक्‍सा कुइसिःक्‍लक् पान् कुसिङ् मे़निःत्तुॽआङ् हे़क्‍तङ्‌बा पाःन्‍हाॽरे़ए मे़क्‍खुसिॽरो॥

सेःक्‌युक्‍मिबाहाॽ 13:45

कर यहुदि लाम्‍लोबाहाॽरे़ खे़न् मनाहाॽ मे़निसुसिआङ् साॽरिक् नामे़हे़त्तुसि, हे़क्‍क्‍याङ् पावलरे़ पाःत्तुबा पाःन्‍हाॽरे़ कुदक्‍ले़ङ्‌वाओ मे़बारे़र मे़दरुरो॥

२ पत्रुस 2:22

खे़ङ्‌हाॽग सिवादिङ् खाहुन्‍निल्‍ले़ अक्‍खेलॽरिक् पाःत्तुबा कुइसिःक्‍के मे़जोक्‍लो, “कोःत्‍चोःल्‍ले़ पे़स्‍सुआङ् कुबे़ॽमाःत्तिन् आबाङे चरो,” हे़क्‍क्‍याङ् “फाक्‍किन् वारुःम्‍मासाङ् याम्‍मो खःङ्‌वा ने़ःन्‍छिङ्‌लो॥”

२ पत्रुस 2:12

कर कन् मनाहाॽरे़ग कुसिङ् मे़न्‍निःत्तेबा पाःन्‍हाॽरे़ तक्‍ले़ङ्‌वाओ माङ् चे़ॽयापान् मे़बाःत्तुॽरो॥ खे़ङ्‌हाॽ ते़म्‍मासिआङ् से़प्‍मासि फाॽआङ् सिक्‍कुम् निङ्‌वाॽ मेःन्‍ने के़धाप्‍पा थक्‍साहाॽ कुइसिक् मे़जोक्‍लो॥ कन् इङ्‌ले़क्‍के सिक्‍साम्‍बाहाॽ खे़न् थक्‍साहाॽ कुइसिःक्‍के मे़मे़क्‍लो॥

रोमि 13:13

आनिॽग ले़न्‍दिक् आवाॽबा कुइसिःक्‍के सिङ्‌सिङ् ये़क्‌ये़क्‍काङ् वाॽमा पोङ्‌लो, याम्‍दादा आममबाल्‍ले़ मसिङ्‌माआङ् निङ्‌वाॽ पाःप्‍पाःत् चोःक्‍मा, चाराम्‍मा नु पोःप्‍मा, खेमा थक्‍मा नु नाहे़त्‍छिङ्‌मा मेःन्‍लो॥

लुका 15:13

थिक्‌ये़न् निये़न् एगाङ् कुस्‍सा फोॽबाल्‍ले़ कुलक्‍को के़धाबा याङ्‌साकुन्‍धेहाॽ के़रे़क् कक् मे़त्‍छिङ्‌ङाङ् माःङ्‌घा लाजेॽओ पेरो॥ खे़प्‍मो खे़ल्‍ले़ कुयाङ्‌साकुन्‍धेहाॽ हने़ ए़ःत्‍ले़ले़ लॽमा नु चामा थुङ्‌माओ च माःन्‍दुरो॥

एफिसि 5:18

चे़ल्‍ले़क्‍सेॽ थिःल्‍ले़ मे़मआसिम्‍मिन्‍ने़ॽ, थेआङ्‌भे़ल्‍ले़ खे़ल्‍ले़ ताप्‍फे़ःम्‍बा लाम्‍मो लाम्‍आलो, कर सेसेमाङ्‌ङिल्‍ले़ कुधिम् पोःक्‍खे़म्‍मे़ॽओ॥

मत्ति 23:25

खिनिॽ कुनिङ्‌वाॽ के़जिःप्‍पा साम्‌योथिम्‍साम्‍बाहाॽ नु फरिसिसे, के़जिःत्ति के़स्‍ये़ॽइरो! खिनिॽग खोर्‍यान् नु चे़त्‍थ्‍यान् लाःक्‍कात्‍लक् वागे़हप्‍तुम्, कर सिगाङ्‌ग इङ्‌गाॽरक् चाङ् थुङुङ् के़लॽबा निङ्‌वाॽ चोःक्‍मान् नु मनाहाॽ के़नाप्‍तुम् के़दारुम्‍सिम्‍बा पाःन्‍हाॽरे़ के़दिम्‍सिआङ् के़वयिॽरो॥