१ पत्रुस 4:14 - लिम्‍बु

¹⁴ ख्रिस्‍ते़न् नसान् के़जोगुम्‍बाल्‍ले़ चोगुल्‍ले़ खिनिॽ नागे़म्‍धासि के़म्‍बिरिने़ फाॽग्र मुॽइसाबानिङ्‌लो, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ कुमिमिदिङ्‌गे़न् सेसेमाङ्‌ङिन् खिनिॽनु वाॽरो॥

१ पत्रुस 4:14 Referans Kwoze

१ पत्रुस 3:14

कर नुबा के़जोगुम्‍मिल्‍ले़ इनोगे़न् तुक्‍खे के़दुमुम्‍ने़ फाॽग्र निङ्‌वाॽफुमाङ्‌ङिल्‍ले़ मुॽइसाम् के़बिरिॽरो॥ खे़ल्‍ले़चोगुल्‍ले़ “वेॽहाॽनु मे़गिसे़म्‍मिन्‍ने़ॽ हे़क्‍क्‍याङ् निङ्‌साम्‍मोआङ् मे़ध्‍ये़म्‍मिन्‍ने़ॽओ॥”

लुका 6:22

“मे़न्‍छाम्‍साःल्‍ले़ चोगुल्‍ले़ मनाहाॽरे़ के़म्‍जिःत्तिॽबा, के़म्‍नाॽरिबा हे़क्‍क्‍याङ् खिनिॽ नामे़धासुआङ् ताप्‍फे़ःल्‍लिक् के़म्‍मे़त्तिबाहाॽ मुॽइसाबानिङ्‌लो॥

याकुब 1:12

इनोगे़न् तुक्‍खेन् नासि के़धःप्‍पे़ङ्‌ग मुॽइसाबारो, थेआङ्‌भे़ल्‍ले़ खे़न् निङ्‌वाॽसाॽमाओ थाःल्‍ले़ कुलिङ्‌दो के़गे़प्‍पा पोःक्‍खे़आङ् निङ्‌वाॽफुमाङ्‌ङिल्‍ले़ खुने़ॽ मिःम्‍जि के़मे़प्‍पाहाॽ पिमासि फाॽआङ् माङ्‌हे़क् चोगुबा मे़न्‍नुप्‍मनाबा हिङ्‌मन्‍ले़न् तिचःन् खे़ल्‍ले़ खोसुॽरो॥

मत्ति 5:11

“इङ्‌गाॽ चोगुङ्‌ङिल्‍ले़ मनाहाॽरे़ खिनिॽ किनाःन्‍दि के़म्‍बिरिॽ, तुक्‍खे के़म्‍जाःत्तिआङ् खिनिॽ तक्‍ले़ङ्‌वाओ फोत्‍याबा फे़न् पाःन्‍हाॽ मे़बाःत्तुल्‍ले़ मुॽइसाबा के़बोक्‍खिरो॥

१ पत्रुस 3:16

हे़क्‍केलॽरिक् खिनिॽ तक्‍ले़ङ्‌वाओ फे़न्‍पान् के़बाःप्‍पाहाॽरे़ ख्रिस्‍तओबा खिनिॽ नुबा ये़प्‍ले़क्‍किन् मनाहाॽरे़ मे़निसुआङ् खे़ङ्‌हाॽ सिरिङ् मे़मर फाॽआङ् सेसे खासिङ् कत्ते़म्‍मे़ॽओ॥

निङ्‌वाॽफु साम्‍लोसुम् 146:5

याकुबरे़ कुनिङ्‌वाॽफुमाङ्‌ङिल्‍ले़ फाॽरुबा मनाःङ्‌ग मुॽइसाबारो, हे़क्‍क्‍याङ् कुनिङ्‌वाॽफुमाङ् यहवे दाङ्‌बाओ कुनिङ्‌वाॽ के़युङ्‌बान् सःत्‍लो॥

२ कोरन्‍थि 12:10

इङ्‌गाॽग ख्रिस्‍तरे़ कुलागि साॽइमे़न्‌याक्‍मना पाःन्‍हाॽओ, नाधामाओ, ये़त्तुक्‍खेओ, निङ्‌घुम्‍मो नु के़साक्‍पा पाःन्‍हाॽओ थाआल्‍ले़ए सःत्तारो॥ थेआङ्‌भे़ल्‍ले़ इङ्‌गाॽ आसाॽइ मे़याक्‍ने़न्‍निल्‍ले़ ख्रिस्‍तरे़ कुमुक्‍साम्‍मिल्‍ले़ के़धुम्‍बा पोङ्‌ङारो॥

युहुन्‍ना 15:21

खिनिॽग इङ्‌गाॽइन् के़बोःक्‍खिआङ् के़वयिबाल्‍ले़ चोगुल्‍ले़ खे़ङ्‌हाॽरे़ इङ्‌गाॽ मे़मे़त्ताङ्‌बा कुइसिःक्‍के खिनिॽ के़म्‍मे़त्तिॽरो॥ थेआङ्‌भे़ल्‍ले़ खे़ङ्‌हाॽरे़ग इङ्‌गाॽ याप्‍मि के़बाङ्‌बान् कुसिङ् मे़न्‍निःत्तुन्‍लो॥

याकुब 5:11

ओमे़त्ते़म्‍मे़ॽ, इनोगे़न् तुक्‍खेओ नासि के़धःप्‍पाहाॽग मुॽइसाबासि फाॽआङ् आइःत्तुम्‍सिम्‍लो॥ अयुबरे़ कुनासि थःप्‍माङ्‌ग खिनिॽ के़घे़प्‍सुम्‍माङ् के़वयिॽ, हे़क्‍क्‍याङ् कुनुप्‍मो दाङ्‌बाल्‍ले़ नुबा पाःन्‍हाॽ तारु पिरुबान् के़निसुम्‍माङ् के़वयिॽरो॥ दाङ्‌बाङ्‌ग मिःम्‍जि नु लुङ्‌दुक् कुधिम् चोक्‍लो॥

सेःक्‌युक्‍मिबाहाॽ 13:45

कर यहुदि लाम्‍लोबाहाॽरे़ खे़न् मनाहाॽ मे़निसुसिआङ् साॽरिक् नामे़हे़त्तुसि, हे़क्‍क्‍याङ् पावलरे़ पाःत्तुबा पाःन्‍हाॽरे़ कुदक्‍ले़ङ्‌वाओ मे़बारे़र मे़दरुरो॥

यसैया 51:7

“थेःन् नुबा चोक् खे़न् कुसिङ् के़निःप्‍पाहाॽरे़ खे़प्‍साम्‍मे़ॽओ, हे़क्‍क्‍याङ् खे़निॽ निङ्‌वाॽओ आङ्‌गाॽ आइङ्‌जाङ्‌ङिन् वाॽरो, मनाहाॽरे़ चे़क्‌या के़म्‍मे़त्तिल्‍ले़ मे़गिसे़म्‍मिन्‍ने़ॽओ, खे़ब्‍याङ् खे़ङ्‌हाॽरे़ कुनामे़न्‍छाॽ के़म्‍मे़त्तिल्‍ले़ खे़निॽ यङ्‌मा मे़स्‍ये़ॽइन्‍ने़ॽओ॥

निङ्‌वाॽफु साम्‍लोसुम् 89:51

यहवे दाङ्‌बाए, खे़ने़ॽ के़निङ्‌मिहाॽरे़ खे़ने़ॽ के़सेगुबा हाङ्‌ङिल्‍ले़ कुजाःत्‍थि मे़देसुरो॥ खे़न् आत्तान् पेःक्‍साङ्, खे़ङ्‌हाॽरे़ खुने़ॽ कुनामे़न्‍छाॽ मे़मे़त्तुरो॥

२ हाङ् 2:15

खे़न् निगे़धाःप्‍पा पाःन्‍निन् ओगे़मे़प्‍पाआङ् के़ये़प्‍पा यरिहोलाम् के़युबा माङ्‌निङ्‌वाॽपान् के़बाःप्‍पा सुम्‍हाॽरे़ मे़बाःत्तु, “एलियाःल्‍ले़ कुयाम्‍साम्‍मिन् एलिसाओ थ्‍ये़रत्‍छ॥” खे़ब्‍याङ् खे़ङ्‌हाॽ खुने़ॽ कुदुम्‍से़ मे़ये़, हे़क्‍क्‍याङ् खुने़ॽ कुदगि खाम्‍बाङ्‌ङो साम्‍बोन् हबत् मे़भन्‍छिङ्॥

१ पत्रुस 2:12

खिनिॽग ख्रिस्‍ते़न् नसान् मे़न्‍जोःक्‍मनाबाहाॽनु नुरिक्‍काङ् नुबा हिङ्‌मन्‍नो वये़म्‍मे़ॽओ, थेआङ्‌भे़ल्‍ले़ खे़ङ्‌हाॽरे़ खिनिॽ फे़न् पाःन्‍हाॽ के़जोगुम् लॽरिक् पान् के़म्‍धिक्‍तिसाङ् खिनिॽ के़जोगुम्‍बा नुबा याःम्‍बक्‍हाॽ मे़निसुर, खासे़न् चोःक्‍से़ युबा ये़न्‍नो कुनारा मे़भोसुॽरो॥

हिब्रु 11:26

मिस्र लाजेॽसमा याङ्‌साकुन्‍धेःन्‍नुःल्‍ले़ग ख्रिस्‍तरे़ कुलागि निङ्‌घुम्‍मो थामाए नुबा इःत्तुरो, थेआङ्‌भे़ल्‍ले़ खुने़ॽ कुनिङ्‌वाॽइन् ताःन्‍दि खोगे़दे़प्‍पा थुम्‍घोओ पत्‍छे़रो॥

गलाति 1:24

हे़क्‍केःल्‍ले़ इङ्‌गाॽ चोगुङ्‌ङिल्‍ले़ खे़ङ्‌हाॽरे़ निङ्‌वाॽफुमाङ्‌ङिल्‍ले़ कुनारा मे़भोसुरो॥

युहुन्‍ना 9:34

खे़ङ्‌हाॽरे़ खे़न् मे़मे़त्तु, “खे़ने़ॽग सागे़वाःन्‍छिङ्‌ङाङ्‌धो लायोओए के़वाॽरो! खे़ने़ॽ आनिगे हुॽमा याप्‍मि के़गोःप्‍पि?” हे़क्‍के मे़मे़त्तुर खे़न् यहुदि चुम्‍लुङ्‌हिम्‍मोनु लाःक्‍कात् मे़जन्‍दु मे़लःत्तुरो॥

युहुन्‍ना 9:28

हे़क्‍केःल्‍ले़ खे़ङ्‌हाॽरे़ खुने़ॽ कुना मे़धाःसुर मे़मे़त्तु, “खे़ने़ॽए खे़ल्‍ले़ कुहुॽसाम्‍बाने़रो, कर आनिगे़ग मोसारे़ कुहुॽसाम्‍बासिगे़रो॥

युहुन्‍ना 8:48

यहुदिहाॽरे़ ये़सुन् नोगप् मे़बिरु, “खे़ने़ॽ सामरि सुवाङ्‌बाने़ हे़क्‍क्‍याङ् खे़ने़ॽ फे़न्‍साम्‍मिल्‍ले़ के़दरे़आङ् वाॽ फाॽआङ् आनिगे पाःत्तुम्‍बे़बा पाःन्‍निन् से़क्‍खाएरो॥”

मत्ति 5:16

हे़क्‍केलॽरिक् सेमिन् ओःप्‍पा हे़क्‍केए खिनिॽ के़जोगुम्‍बा सुयाःम्‍बक्‍हाॽ मनाहाॽ ओसेःन्‍धाक्‍ते़म्‍सिम्‍मे़ॽओ, हे़क्‍क्‍याङ् साङ्‌ग्राम्‍पेदाङ्‌बा खिनिॽ निङ्‌वाॽफुपाःल्‍ले़ कुनारा मे़भोसुॽरो॥

निङ्‌वाॽफु साम्‍लोसुम् 49:9

सदादिङ् के़हिङ्‌बाआङ् मे़न्‍छिमनाबा मनाग हाःत्ताङ् होप्‍लो॥

१ हाङ् 10:8

खे़ने़ॽ के़मनाहाॽग आक्‍ख्‍यारिक् ये़ये़ मे़लॽबिला! खे़ने़ॽ के़दगि चक्‍मे़ल्‍लॽए के़ये़प्‍पा नु खे़ने़ॽ के़सिक्‍कुम् निङ्‌वाॽ खे़म्‍मा के़घोबा कन् के़सुहाङ्‌युक्‍पाहाॽ आक्‍ख्‍याक् मे़सःत् पिला!

२ पत्रुस 2:2

हे़क्‍क्‍याङ् खे़ङ्‌हाॽरे़ खुनिॽ ताप्‍फे़ःम्‍बा लाम्‍मिन् यरिक्‍ले़ मे़दिम्‍दु मे़नाःत्तुबाल्‍ले़ चोगुल्‍ले़ से़क्‍खाबा लाम्‍मिल्‍ले़न्‍नाङ् कुजाःत्‍थि पेःक्‍लो॥

सेःक्‌युक्‍मिबाहाॽ 18:6

कर यहुदिहाॽरे़ खुने़ॽ मे़अत्तुर कुना मे़धासुल्‍ले़ निङ्‌वाॽफुमाङ्‌ङिन् खे़ङ्‌हाॽनु सित्‍छिङ्‌ङाङ् वाॽ लॽरिक् ओसेःन्‍धाक्‍मासि फाॽआङ् पावलरे़ खुनिॽ तक्‍ले़ङ्‌वाओ कुदेःत्तिन् साक्‍खुर अक्‍खे मे़त्तुसि, “खिनिॽ साम्‍दिङ् पिमा आयाःम्‍बक्‍किन् चुरे़रो॥ खिनिॽ के़स्‍ये़ॽइ के़मे़गिसाङ् इङ्‌गाॽ थेआङ् आप्‍तिक् मे़घोआन्‍लो॥ आल्‍लआङ्‌धोग इङ्‌गाॽ थिम्‍मे़न्‍दङ् सुवाङ्‌हाॽरो सुनाइङ् इङ्‌भोसे़ पेगाङ्‌लो॥”

यसैया 11:2

यहवे दाङ्‌बे़ल्‍ले़ कुयाम्‍साम्‍मिन् खुने़ॽनु वाॽरो— सिक्‍कुम् निङ्‌वाॽ नु खासिङ्‌निःप्‍मा याम्‍साम्, सुजा नु मुक्‍साम्‍ले़ याम्‍साम्, खे़ब्‍याङ् निङ्‌वाॽ ने़हि नु यहवे दाङ्‌बान् मिङ्‌सो इङ्‌धाङ् पिमा याम्‍साम्‍मिन् खुने़ॽओ युरो॥

यसैया 25:8

मुक्‍साम्‍दाङ्‌बा यहवे दाङ्‌बा निङ्‌वाॽफुमाङ्‌ङिल्‍ले़ सदादिङ्‌ले़ लागि सिमे़न् थङ्‌ङो हारिदासुआङ् वाॽरो॥ खुने़ॽ के़रे़क्‍ले़ खुन्‍छिॽ मिक्‍कोलाम् मिक्‌वान् तुगु पिरुसिरो, खे़ब्‍याङ् काक् इक्‍सादिङ् खाम्‍बेःक्‍को कुमनाहाॽ कुनामे़न्‍छाॽ मे़मे़त्तुसिबान् खुने़ॽ खे़त्तुदेसु पिरुसिरो, कन् पाःन्‍निन् यहवे दाङ्‌बे़ल्‍ले़ आबाङे पाःत्तुआङ् वाॽरो॥

सेःक्‌युक्‍मिबाहाॽ 5:41

हे़क्‍क्‍याङ् सेःक्‌युक्‍मिबाहाॽ ये़जुम्‍भोलाम् मे़लःन्‍दे़ मे़बेआङ् आनिगे़ग ये़सुरे़ कुमना पोःक्‍खिगे़बाल्‍ले़ चोगुल्‍ले़ तुक्‍खे चामा लाॽरिगे़ फाॽआङ् साॽरिक् मे़सःत्ते़रो॥

सेःक्‌युक्‍मिबाहाॽ 28:22

कर कन् के़नाःत्तु के़इःत्तुआङ् के़वाॽबा निसाम्‍मिल्‍ले़ कुदक्‍ले़ङ्‌वाओ मे़बाःत्तुबा आत्तिसाङ् खे़प्‍सुम्‍बे़र वयिगे़॥ कल्‍ले़ कुयाःम्‍बेओ खे़ने़ॽ के़निङ्‌वाॽ थे़मा वाॽबे फाॽआङ् खे़म्‍मा सिराॽथाङे़आङ् वाॽरो॥”

२ कोरन्‍थि 4:10

ये़सुरे़ कुहिङ्‌मन्‍निन् आनिगे नासिङ्‌गे़न् थक्‍को निधाःप्‍ल फाॽआङ् खुने़ॽ तुक्‍खे च्‍ये़आङ् स्‍ये़बा कुइसिक् थिक्‌याःन्‍धक् आनिगे नासिङ्‌गे़न् थक्‍को तुक्‍खे च्‍ये़ॽइगे़रो॥

२ कोरन्‍थि 4:16

खे़ल्‍ले़चोगुल्‍ले़ आप्‍फाल्‍ले़आङ् आनिॽ निङ्‌साङ् मे़बुक्‍ने़न्‍लो॥ आनिॽ नासिङ्‌गे़न् थक्‍किन् सिबेःक्‍साङ् आनिॽ याम्‍साम्‍मिङ्‌ग थिक्‌याःन्‍धक् कुसङ् पोङ्‌ल पेःक्‍लो॥

१ पत्रुस 4:16

कर ख्रिस्‍तानि के़बोःक्‍खिबाल्‍ले़ तुक्‍खे के़ज्‍ये़ॽइने़ फाॽग्र सिरिङ् मे़मये़म्‍मिन्‍ने़ॽओ, कर निङ्‌वाॽफुमाङ्‌ङिल्‍ले़ कुनारा फोसे़म्‍मे़ॽ, थेआङ्‌भे़ल्‍ले़ खुने़ॽ कुमिङ्‌ङिन् खिनिॽ के़दक्‍तुम्‍माङ् के़वयिॽरो॥