१ पत्रुस 3:14 - लिम्‍बु

¹⁴ कर नुबा के़जोगुम्‍मिल्‍ले़ इनोगे़न् तुक्‍खे के़दुमुम्‍ने़ फाॽग्र निङ्‌वाॽफुमाङ्‌ङिल्‍ले़ मुॽइसाम् के़बिरिॽरो॥ खे़ल्‍ले़चोगुल्‍ले़ “वेॽहाॽनु मे़गिसे़म्‍मिन्‍ने़ॽ हे़क्‍क्‍याङ् निङ्‌साम्‍मोआङ् मे़ध्‍ये़म्‍मिन्‍ने़ॽओ॥”

१ पत्रुस 3:14 Referans Kwoze

मत्ति 10:28

नासिङ्‌गे़न् थक्‍किन् के़से़प्‍पाहाॽनु खिनिॽ मे़गिसे़म्‍मिन्‍ने़ॽओ, थेआङ्‌भे़ल्‍ले़ खे़ङ्‌हाॽरे़ खिनिॽ याम्‍साम्‍मिन् से़प्‍मा मे़न्‍छुक्‍तुन्‍लो॥ कर नासिङ्‌गे़न् थक्‍किन् नु याम्‍साम्‍मिन् ने़प्‍माङ् खे़मायङ्‌सङ्‌ङो मे़ङ्‌मा के़सुक्‍पा निङ्‌वाॽफुमाङ्‌ङिन्‍नु किसे़म्‍मे़ॽओ॥

२ कोरन्‍थि 12:10

इङ्‌गाॽग ख्रिस्‍तरे़ कुलागि साॽइमे़न्‌याक्‍मना पाःन्‍हाॽओ, नाधामाओ, ये़त्तुक्‍खेओ, निङ्‌घुम्‍मो नु के़साक्‍पा पाःन्‍हाॽओ थाआल्‍ले़ए सःत्तारो॥ थेआङ्‌भे़ल्‍ले़ इङ्‌गाॽ आसाॽइ मे़याक्‍ने़न्‍निल्‍ले़ ख्रिस्‍तरे़ कुमुक्‍साम्‍मिल्‍ले़ के़धुम्‍बा पोङ्‌ङारो॥

याकुब 1:12

इनोगे़न् तुक्‍खेन् नासि के़धःप्‍पे़ङ्‌ग मुॽइसाबारो, थेआङ्‌भे़ल्‍ले़ खे़न् निङ्‌वाॽसाॽमाओ थाःल्‍ले़ कुलिङ्‌दो के़गे़प्‍पा पोःक्‍खे़आङ् निङ्‌वाॽफुमाङ्‌ङिल्‍ले़ खुने़ॽ मिःम्‍जि के़मे़प्‍पाहाॽ पिमासि फाॽआङ् माङ्‌हे़क् चोगुबा मे़न्‍नुप्‍मनाबा हिङ्‌मन्‍ले़न् तिचःन् खे़ल्‍ले़ खोसुॽरो॥

युहुन्‍ना 14:27

“इङ्‌गाॽ सनारुङ्‌ङिन् खिनिॽनु पक्‍थाङ्‌लो, आसनारुङ्‌ङिन् खिनिॽ पिनिङ्‌लो॥ कङ्‌ग इक्‍सादिङ् खाम्‍बेःक्‍माल्‍ले़ के़बिरिबा हे़क्‍केग मे़बिनिङ्‌ङिन्‍लो॥ खिनिॽ निङ्‌साम्‍मो मे़ध्‍ये़म्‍मिन्‍ने़ॽ हे़क्‍क्‍याङ् मे़गिसे़म्‍मिन्‍ने़ॽओ॥

युहुन्‍ना 14:1

ये़सुरे़ याम्‍मो कुहुॽसाम्‍बाहाॽ मे़त्तुसि, “खिनिॽ निङ्‌साम्‍मो मे़ध्‍ये़म्‍मिन्‍ने़ॽओ, कर निङ्‌वाॽफुमाङ्‌ङिन् नसान् चोगे़म्‍मे़ॽओ, हे़क्‍केलॽरिक् इङ्‌गाॽआङ् याप्‍मि नसान् आजोगे़म्‍मे़ॽओ॥

मर्कुस 10:29

हे़क्‍क्‍याङ् ये़सुरे़ मे़त्तुसि, “इङ्‌गाॽ से़क्‍खाए मे़त्‍निङ्, आत्तिल्‍ले़ आलागि नु सुनाइङ्‌ले़ लागि हिम्‍धाःङ्‌हाॽ, प्‍याङ्‌सिगे़न् इक्‍ताप्‍हाॽ, ने़ॽनुसाॽहाॽ, फुॽनुसाॽहाॽ, पामाहाॽ, इग्र हिन्‍जाॽबित्‍छाहाॽ ले़रुसिआङ् वाॽ,

मर्कुस 8:35

थेआङ्‌भे़ल्‍ले़ आत्तिल्‍ले़ कुहिङ्‌मन्‍निन् ताङ्‌से़ःप्‍तुङ् लॽरिक् निङ्‌वाॽ चोगुॽ, खे़ल्‍ले़ खे़न्‍नाङ् मासुॽ, कर आत्तिल्‍ले़ कुहिङ्‌मन्‍निन् आलागि नु सुनाइङ्‌ङिल्‍ले़ कुलागि मासुॽ, खे़ल्‍ले़ मे़न्‍नुप्‍मनाबा हिङ्‌मन् खोसुॽरो॥”

मत्ति 19:29

आत्तिल्‍ले़ आलागि हिम्‍धाःङ्‌हाॽ, प्‍याङ्‌सिगे़न् इक्‍ताप्‍हाॽ, ने़ॽनुसाॽहाॽ, फुॽनुसाॽहाॽ, पाः माहाॽ, इग्र हिन्‍जाॽबित्‍छाहाॽ ले़रुसिआङ् वाॽ, खे़ल्‍ले़ग किप्‍थिक् ले़ङ्‌नुःल्‍ले़आङ् यरिक् खोसुॽ, हे़क्‍क्‍याङ् मे़न्‍नुप्‍मनाबा हिङ्‌मन् खोसुॽरो॥

मत्ति 16:25

थेआङ्‌भे़ल्‍ले़ आत्तिल्‍ले़ कुहिङ्‌मन्‍निन् ताङ्‌से़ःप्‍तुङ् लॽरिक् निङ्‌वाॽ चोगुॽ, खे़ल्‍ले़ खे़न्‍नाङ् मासुॽ, कर आत्तिल्‍ले़ कुहिङ्‌मन्‍निन् आलागि मासुॽ, खे़ल्‍ले़ मे़न्‍नुप्‍मनाबा हिङ्‌मन् खोसुॽरो॥

१ पत्रुस 3:6

कुबिओ सारारे़ कुहिम्‍साबा अब्राहाम्‍मिल्‍ले़ कुबाःन्‍निन् खे़प्‍सुआङ् खुने़ॽ आदाङ्‌बे लॽरिक् मे़त्तुरो॥ खिनिॽआङ् मे़ङ्‌गिए नुबा याःम्‍बक् के़जोगुम्‍ने़ फाॽग्र खिनिॽ सारारे़ कुस्‍सा मे़न्‍छुमाॽनिङ्‌लो॥

मत्ति 10:39

आत्तिल्‍ले़ ने़त्तिगे़न् कुहिङ्‌मन्‍निन् आबाङे हिङ्‌मा कोःत्तुॽ खे़ल्‍ले़ खे़न् मासुॽरो, कर आत्तिल्‍ले़ ने़त्तिगे़न् कुहिङ्‌मन्‍निन् आलागि मासुॽ, खे़ल्‍ले़ मे़न्‍नुप्‍मनाबा हिङ्‌मन् खोसुॽरो॥”

यर्मिया 15:15

हे़क्‍क्‍याङ् आङ्‌गाॽ अक्‍खे मे़त्तुङ्‌लो, “यहवे दाङ्‌बाए, खे़ने़ॽ के़रे़क् पाःन्‍हाॽ के़निसुरो॥ आङ्‌गाॽ निङ्‌वाॽ इःत्ताङ्‌ङे़ॽआङ् कुभाॽ पिराङ्‌ङे़ॽओ॥ आङ्‌गाॽ तुक्‍खे के़जाःप्‍पाहाॽ खुम्‍दिङ् पिरे़से़ॽओ॥ खे़ङ्‌हाॽ ले़प्‍माङ्‌बा खे़ने़ॽ के़नासि थःप्‍माल्‍ले़ चोगुल्‍ले़ आङ्‌गाॽ आयाम्‍साम्‍मिन् मामा मे़बोङ्‌ने़न्‍लरो॥ के़लागि आङ्‌गाॽ सिरिङ्‌ममा पोःक्‍खे़बा पाःन्‍निन् निङ्‌वाॽ इःत्ते़ॽओ॥

यर्मिया 1:8

खे़ङ्‌हाॽनु खे़ने़ॽ मे़गिसे़न्‍ने़ॽ थेआङ्‌भे़ल्‍ले़ आङ्‌गाॽ खे़ने़ॽ से़ःप्‍मारे़ लागि खे़ने़ॽनु वाॽआ॥ आङ्‌गाॽ यहवे दाङ्‌बान् पाराङ्‌ङाङ् वाॽआरो!”

यसैया 51:12

यहवे दाङ्‌बे़ल्‍ले़ पाःत्तुॽ, “खिनिॽ हाङ्‌हाङ्‌वा के़बिबाङ्‌ग आङ्‌गाॽएरो, याःन्‍सुङ् हे़क्‍के इगे़ले़म्‍बाआङ् के़सिबा के़बेःक्‍पा मनाहाॽनु खे़निॽ थेआङ् के़गिसिबाबे?

फिलिप्‍पि 1:29

थेआङ्‌भे़ल्‍ले़ खिनिॽग ख्रिस्‍ते़न् नसान् चोःक्‍मारक् मेःन्, कर खुने़ॽ कुलागि इनोगे़न् तुक्‍खे चामाआङ् सुये़म्‍मिन् निङ्‌वाॽफुमाङ्‌लाम् के़घोसुम्‍माङ् के़वयिॽरो॥

मत्ति 10:31

खे़ल्‍ले़चोगुल्‍ले़ मे़गिसे़म्‍मिन्‍ने़ॽ॥ खिनिॽग यरिक् चुजुक्‍सा पुहाॽनुःल्‍ले़आङ् इमे़ल्‍लुङ्‌बा के़जोगिरो॥

सेःक्‌युक्‍मिबाहाॽ 9:16

इङ्‌गाॽ आलागि खे़ल्‍ले़ आक्‍खे़न् तुक्‍खे चामा पोङ् फाॽआङ् इङ्‌गाॽ ओसेःन्‍धाक्‍तुङ्‌लो॥”

इजकिएल 3:9

आङ्‌गाॽ खे़ने़ॽ के़द्‌वाबे़न् याक्‍पेॽनुःल्‍ले़आङ् पसाक्‍के़साक्‍पा चोगुङ् पिने़आङ् पत्! खे़ल्‍ले़चोगुल्‍ले़ खे़ङ्‌हाॽ पिफ्‍युङ्‌बासिसाङ् के़निसुसिल्‍ले़ खे़ङ्‌हाॽनु मे़गिसे़न्‍ने़ॽ॥”

खाहुन् 3:25

ताक्‍के़भे़ॽबाहाॽरे़ खुन्‍छिॽ सम्‍धाङ् थिक्‍ले़ङ्‌ले़ के़इबा के़दाबा तुक्‍खे लाक्‍खे इग्र मे़क्‍मा सिमे़न्‍नु खे़ने़ॽ मे़गिसे़न्‍ने़ॽओ॥

याकुब 5:11

ओमे़त्ते़म्‍मे़ॽ, इनोगे़न् तुक्‍खेओ नासि के़धःप्‍पाहाॽग मुॽइसाबासि फाॽआङ् आइःत्तुम्‍सिम्‍लो॥ अयुबरे़ कुनासि थःप्‍माङ्‌ग खिनिॽ के़घे़प्‍सुम्‍माङ् के़वयिॽ, हे़क्‍क्‍याङ् कुनुप्‍मो दाङ्‌बाल्‍ले़ नुबा पाःन्‍हाॽ तारु पिरुबान् के़निसुम्‍माङ् के़वयिॽरो॥ दाङ्‌बाङ्‌ग मिःम्‍जि नु लुङ्‌दुक् कुधिम् चोक्‍लो॥