१ पत्रुस 2:24 - लिम्बु24 खुने़ॽ आनिॽ लायो लासोःत्तिन् आले़रुम्माङ् साम्योबा हिङ्मन्नो आहिङ्ल फाॽआङ् आनिॽ लायोन् सिलाम्साक्मा सिङ्सम्दाङ् आबाङे नासिङ्गे़न् कुधक्को कुयुदेॽरुरो॥ खुने़ॽ कुगाःम्माओलाम् खिनिॽ के़वेःत्तिआङ् के़वयिॽरो॥ Gade chapit la |
१ पत्रुस 2:24
50 Referans Kwoze
खे़न् ये़क्यक्कोबा माराम् लुम्मो ये़रो॥ यङ्घङ्ङिल्ले़ कुयाओ मे़न्नुप्मनाबा हिङ्मन् के़बिबा सिङ्बुङ्ङिन् युङे़रो॥ खे़न् सिङ्बुङ्ङो तङ्बे लावा थिक्ने़त् परिक्ले़न् सिङ्सेहाॽ थोःक्ते़रो॥ हे़क्क्याङ् खे़न् सिङ्बुङ्ङिल्ले़ कुभे़क्वाहाॽग काक् मे़न्छाम् सुवाङ्हाॽ के़वेःम्बा सिदाॽ चोगे़रो॥
कर साम्योथिम्मिल्ले़ तारुबा खुम्दिङ्ङिल्ले़ कुमे़ल्लुङ्ङिन् ख्रिस्तरे़ हुङुआङ् आनिॽ आधे़ॽरे़रो॥ खुने़ॽ सिलाम्साक्मा सिङ्सम्दाङ् फोःन्छिङ्ङिल्ले़ खुने़ॽ आबाङे आनिॽ खुम्दिङ्ङिन् कुयुदेॽरुरो॥ थेआङ्भे़ल्ले़ साम्योसाप्लाओ साप्ते़आङ् पत्, “सिङ्सम्दाङ् के़भोःन्छिङ्बा के़सिबाङ्ग निङ्वाॽफुमाङ्ङिल्ले़ खुम्दिङ् पिरुबारो॥”
खिनिॽ थक्कोबा याम्लक्हाॽ ताप्फे़ःम्बा याःम्बक् चोःक्मारे़ लागि लायोन् मे़दोःन्दे़म् मे़बिरे़म्मिन्ने़ॽ॥ खे़ल्ले़ कुले़क्वा सिमे़न्लाम् हिङ्मन्नो के़दाबा मनाहाॽ कुइसिक् खिनिॽ आबाङे निङ्वाॽफुमाङ्ङो तोःन्नाॽसिम्मे़ॽ, हे़क्क्याङ् खिनिॽ याम्लक्हाॽ साम्योबा याःम्बक् चोःक्मारे़ लागि निङ्वाॽफुमाङ्ङो तोःन्दे़म्मे़ॽओ॥
“दाङ्बाल्ले़ कुसेसे याम्साम्मिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्सान् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
खिनिॽ ख्रिस्ते़न्नु सोरिक् के़स्ये़ॽइबारो, हे़क्क्याङ् खुने़ॽए इक्सादिङ् खाम्बेक् कुहेःक्सिङ्माआङ्धोबा हने़बा खाहुन्लाम् चोःक्युम्भो के़बिरिआङ् वाॽरो॥ हे़क्केःल्ले़ कन् ओगप् मे़जोगे़न्ने़ॽ, खे़न् मे़साॽरे़न्ने़ॽ, हे़क्क्याङ् मे़सुसे़न्ने़ॽ के़लॽबा इक्साबा थिम्हाॽ थेआङ् के़इःत्तुम् के़नाःत्तुबाबे?
हारुने़ल्ले़ कुद्वाबो खे़न् पत्ल, हे़क्क्याङ् इस्राइलिहाॽरे़ सेसे हुक्वायाङ् च्या मे़दोन्दुॽ, खे़न् सेसे चिगक्वाहाॽरे़ आप्तिक्किन् हारुने़ल्ले़ ताःक्तुर॥ खे़न् चक्मे़ल्लॽए खे़ल्ले़ कुद्वाबोए पत्कन्॥ कम्भलॽरिक् खे़न् हुक्वा याङ्हाॽ यहवे दाङ्बे़ल्ले़ ताःक्मा सुम्बोधाबा पोङ्ल॥
Piblisite