१ पत्रुस 2:22 - लिम्‍बु

²² “खुने़ॽग थेआङ् लायो लासोत् मे़जोगुन्, हे़क्‍क्‍याङ् थेआङ् इङ्‌ले़क् पाःन्‍नाङ् मे़बारे़न्‍लो॥”

१ पत्रुस 2:22 Referans Kwoze

यसैया 53:9

फे़न्‌याःम्‍बक् के़जोःक्‍पाहाॽनु खुने़ॽ इपुङ्‌ङो मे़ने़स्‍सुरो, याङ्‌सा कुन्‍धेसाबाहाॽनु मे़जिक्‍खुरो हे़क्‍केसाङ् खुने़ॽ आभे़ल्‍ले़आङ् ताप्‍फे़ःम्‍बा याःम्‍बक् मे़जोगुन्‍लो, खुने़ॽग आभे़ल्‍ले़आङ् इङ्‌ले़क् पान् मे़बाःत्तुन्‍लो॥

हिब्रु 4:15

आनिॽ मानिङ्‌वाॽफुसाम्‍बाल्‍ले़ नसाःन्‍नो के़धुम्‍बा आन्‍जोःक्‍ने़म्‍बा पाःन्‍निन् कुसिङ्‌निःत्तुॽ, थेआङ्‌भे़ल्‍ले़ खुने़ॽआङ् आनिॽ हे़क्‍केए काक् परिक्‍पा हङ्‌साॽमान् ताःक्‍तु, कर खुने़ॽ लायो मे़जोगुन्‍लो॥

२ कोरन्‍थि 5:21

थेआङ्‌भे़ल्‍ले़ आनिॽग ख्रिस्‍तलाम् निङ्‌वाॽफुमाङ्‌ङिल्‍ले़ कुनिमाओ साम्‌योबा आबोङ्‌ल फाॽआङ् निङ्‌वाॽफुमाङ्‌ङिल्‍ले़ लायो मे़न्‍जोःक्‍के के़वाॽबान् आनिॽ लागि लायो कुःत्तुरो॥

१ युहुन्‍ना 3:5

आनिॽ लायोन् खे़प्‍मारे़ लागि ख्रिस्‍ते़न् ये़बाङ्‌ग खिनिॽ कुसिङ् के़निःत्तुम्‍लो॥ हे़क्‍क्‍याङ् खुने़ॽओ लायो होप्‍लो॥

सुफो 14:5

खे़ङ्‌हाॽरे़ आप्‍फाल्‍ले़आङ् इङ्‌ले़क् पान् मे़म्‍बाःत्तुन्‍नाङ् फोत्‍या मेःन्‍ने मे़वाॽरो॥

१ युहुन्‍ना 2:1

आमिःम् आस्‍सासे, खिनिॽ लायो मे़जोगे़म्‍मिन्‍ने़ॽ फाॽआङ् कन् सक्‍इङ्‌घङ्‌ङिन् साप्‍तुङ्‌ङाङ् हाक्‍निङ्‌ल पत्तारो॥ कर कुभारे़ लायो मे़जोगुसाङ् आनिॽ लागि के़बाःप्‍पा के़बिबा साम्‌योबा ये़सु ख्रिस्‍ते़न् आनिॽ लायोलाम् ले़प्‍मि आघोसुम्‍ल फाॽआङ् पानुदिङ् पाः निङ्‌वाॽफुमाङ्‌ङिन् पेलि फाक्‍तुॽरो॥

हिब्रु 9:28

ख्रिस्‍ते़न् काक् मनाहाॽरे़ खुनिॽ लायोहाॽ कुसे़ थिक्‍ले़ङ्‌मो सिदुङ्‌जभा पोःक्‍खे़, हे़क्‍क्‍याङ् याम्‍मो युःल्‍ले़ आनिॽ लायोहाॽ कुसे़ग मेःन्, कर खुने़ॽ कुयुमान् निङ्‌वाॽ इगेःक्‍काङ् के़हाङ्‌बाहाॽ से़न्‍लप् पिसे़ने़ युःरो॥

लुका 23:41

च्‍यासाङ् आन्‍छिॽग आजोगे़त्‍छुबा याःम्‍बक् कुइसिक् सिमे़ल्‍ले़ खुम्‍दिङ् आघोसे़त्‍छुबारो, कर खुने़ॽग थेआङ् फे़न् याःम्‍बक् मे़न्‍जोःक्‍के वाॽरो॥”

युहुन्‍ना 8:46

खिनिॽओ आत्तिल्‍ले़ इङ्‌गाॽ लायोबा मे़प्‍मा सुक्‍काबे? इङ्‌गाॽ से़क्‍खा पान् मे़त्‍निङ्‌साङ् थेआङ् खिनिॽ नसान् के़न्‍जोगुम्‍मिम्‍बाबे?

युहुन्‍ना 1:47

ये़सुरे़ नाथाने़ल्‍ले़न् निःत्ताङ् फे़रे़र पत्‍छे़बा निसुआङ् मे़त्तु, “ओमे़त्ते़म्‍मे़ॽओ, से़क्‍खाबा इस्राइलिन् फे़न्‍ल पत्‍लो॥ खुने़ॽ कुनिङ्‌वाॽबो थेआङ् ताप्‍फे़ःम्‍बा होप्‍लो॥”

लुका 23:47

हे़क्‍क्‍याङ् खे़प्‍मो के़ये़प्‍पा रोमि थक्‍तुम्‍बाल्‍ले़ कन् हिन्‍दोक्‍हाॽ निसुआङ् निङ्‌वाॽफुमाङ्‌ङिल्‍ले़ कुनारा फोसुर अक्‍खे पाःत्तु, “से़क्‍खासाङ् कन् मनान् साम्‌योबा वये़रो॥”

मत्ति 27:19

पिलातसे़न् खासे़न् युक्‍नाओ युङे़ल्‍ले़ए मे़ल्‍लिङ्‌गे़न् कुमेःत्तिल्‍ले़ अक्‍खे पाःत्तुर इङ्‌घङ् हाक्‍तु, “खे़न् साम्‌योबा मनान् थेआङ् मे़मे़त्ते़न्‍ने़ॽओ, थेआङ्‌भे़ल्‍ले़ आन्‍दे़ से़न्‍दिक् खे़न् मनाःल्‍ले़ चोगुल्‍ले़ साॽरिक् ताप्‍फे़ःम्‍बा से़प्‍माङ् माक्‍तुङ्‌लो॥”

मत्ति 27:4

“इङ्‌गाॽग लायो चोगुङ्‌ङाङ् वाॽआरो, थेआङ्‌भे़ल्‍ले़ आप्‍फाल्‍ले़आङ् फे़न् याःम्‍बक् मे़न्‍जोःक्‍के के़वाॽबा मनान् इङ्‌ले़क्‍तुङ्‌लो॥” हे़क्‍केःल्‍ले़ खे़ङ्‌हाॽरे़ नोगप् मे़बिरु, “आनिगे थेआङ् चोगुम्‍बे़बा होप्‍लो॥ खे़ङ्‌ग खे़ने़ॽ आबाङे के़जोगुबारो॥”

निङ्‌वाॽफु साम्‍लोसुम् 34:13

खे़न् ताप्‍फे़ःम्‍बा पान् मे़बाःत्‍ने़ल्‍लरो हे़क्‍क्‍याङ् इङ्‌ले़क् पाःन्‍नाङ् मे़बाःत्‍ने़ल्‍लरो॥