१ पत्रुस 2:2 - लिम्‍बु

² खारक् सागे़वाःन्‍छिङ्‌बा अङे़ःक्‌वाःल्‍ले़ नुःन् थुङ्‌मा कोःत्तुबा कुइसिक् निङ्‌वाॽफु पाःन्‍जाक्‍किल्‍ले़न् सुत्‍थो याम्‍साम्‍गे़न् नुःन् थुङ्‌मा निङ्‌वाॽ चोगे़म्‍मे़ॽओ, हे़क्‍केलॽरिक् खे़न्‍लाम्‍बा खिनिॽ से़न्‍लप्‍पो के़बोरिर के़बेगिॽरो॥

१ पत्रुस 2:2 Referans Kwoze

एफिसि 4:15

खे़ल्‍ले़ कुले़क्‌वा मिःम्‍जिन्‍नु से़क्‍खा पान् आबाःत्तुम्‍मिल्‍ले़ आल्‍लसाङ् यरिक् आनिॽ काक् परिक्‍ले़ ख्रिस्‍ते़न् हे़क्‍केए आबोङ्, थेआङ्‌भे़ल्‍ले़ खुने़ॽए आनिॽ थे़गेक्‍पारो॥

२ पत्रुस 3:18

कर आनिॽ दाङ्‌बा नु से़न्‍लप्‍दाङ्‌बा ये़सु ख्रिस्‍तरे़ आबिबा ने़हिनिङ्‌वाॽओ नु कुलुङ्‌गुम्‍मो पोरे़म्‍मे़ॽओ॥ आल्‍लो नु सदादिङ् दाङ्‌बाल्‍ले़ कुमिमिदिङ् पोङ्‌लरो! आमे़न्॥

मर्कुस 10:15

इङ्‌गाॽ से़क्‍खाए मे़त्‍निङ्, हाःत्‍ले़ हिन्‍जाॽ हे़क्‍के कुदोःप्‍मा निङ्‌वाॽइल्‍ले़ निङ्‌वाॽफु हाङ्‌जुम्‍मिन् मे़दाःक्‍तुन्, खे़न् खे़प्‍मो लाःप्‍मा मे़घोने़न्‍लो॥”

१ कोरन्‍थि 14:20

फुॽनुसाॽ नु ने़ॽनुसाॽसे, खिनिॽ हिन्‍जाॽबित्‍छा कुइसिक् निङ्‌वाॽ इःप्‍मा ले़रे़म्‍मे़ॽओ॥ फे़न्‍पाःन्‍नो अङे़ःक्‌वा कुइसिक् पोःक्‍खे़म्‍मे़ॽओ, कर निङ्‌वाॽ इःप्‍माओग कुनिङ्‌वाॽ के़दुम्‍बा मनाहाॽ कुइसिक् पोःक्‍खे़म्‍मे़ॽओ॥

खाहुन् 4:18

साम्‌योबाल्‍ले़ कुये़प्‍ले़क्‍किन् तानाम् के़गे़प्‍पा नाम् हे़क्‍तङ्‌बारो, खे़न् ले़न्‍जो मे़म्‍बोङ्‌ङे थारिक् आल्‍लसाङ् साॽरिक् ओःत्‍ल पेःक्‍लो॥

अयुब 17:9

हे़क्‍केसाङ् साम्‌योबाहाॽ आबाङे खुन्‍छिॽ ये़प्‍ले़क्‍को मे़वाॽरो हे़क्‍क्‍याङ् आबाङे हुक्‍किन् सेसे के़गप्‍पाहाॽ आल्‍लसाङ् के़धुम्‍बा मे़बोङ्‌ल मे़बेःक्‍लो॥

२ थिस्‍सलोनिकि 1:3

फुॽनुसाॽ नु ने़ॽनुसाॽसे, खिनिॽ याःम्‍बेओ आनिगे़ग निङ्‌वाॽफुमाङ्‌ङिन् सदादिङ् नोगे़न् पिमाए पोङ्‌लो॥ हे़क्‍क्‍याङ् हे़क्‍के चोःक्‍माग लाॽरुएरो, थेआङ्‌भे़ल्‍ले़ खिनिॽ नसाःन्‍नो के़बोरिर के़बत्‍छिआङ् लुङ्‌माॽ के़दुक्‍कासिबा पाःन्‍निन् पोर पत्‍लो॥

मत्ति 18:3

मे़त्तुसि, “इङ्‌गाॽ से़क्‍खाए मे़त्‍निङ्, खिनिॽ निङ्‌वाॽइन् के़ले़क्‍खुम्‍माङ् कन् हिन्‍जाॽइन् कुइसिक् खिनिॽ के़म्‍बोःक्‍खिन्‍ने़ फाॽग्र आप्‍फाल्‍ले़आङ् साङ्‌ग्राम्‍पेदाङ्‌बा हाङ्‌जुम्‍मो लाःप्‍मा के़न्‍छुक्‍तिन्‍लो,

एफिसि 2:21

खुने़ॽओए काक् हिम्‍मिन् काम्‍माङ् दाङ्‌बाल्‍ले़ लागि सेसेबा माङ्‌हिम् पोङ्‌ङाङ् पोर पेःक्‍लो॥

रोमि 6:4

खे़ल्‍ले़चोगुल्‍ले़ आनिॽग बप्‍तिस्‍मालाम् सिमे़न्‍नो खुने़ॽनु आहुम्‍सिङ्, हे़क्‍केःल्‍ले़ ख्रिस्‍ते़न् पानुदिङ् पा निङ्‌वाॽफुमाङ्‌ङिल्‍ले़ मिमिदिङ्‌गे़न् कुमुक्‍साम्‍मिल्‍ले़ सिमे़न्‍लाम्‍बा कुहिङ्‌वे़त् चोगुबा कुइसिक् आनिॽआङ् कुसङ् हिङ्‌मन्‍नो आहिङ्‌लो॥

होसे 6:3

यहवे दाङ्‌बे़न् आनिॽ कुसिङ् निःत्तुम्‍लो, यहवे दाङ्‌बे़न् कुसिङ् निःप्‍मारे़ लागि चक्‍मे़ल्‍लॽए तम्‍सिङ् चोगुम्‍लो॥ तानाम् नाम् लिङ्‌बा हे़क्‍के खुने़ॽ से़क्‍खा तारो, खुने़ॽग आनिॽओ हाङ्‌वामा ये़म्‍मोबा वहित् हे़क्‍के, खाम्‍बेक् वागे़रङ्‌बा कुनुप्‍मोबा वहित् कुइसिक् तारो॥”

१ पत्रुस 1:23

थेआङ्‌भे़ल्‍ले़ खिनिॽग के़मे़क्‍पाआङ् के़बेःक्‍पा याॽरिःम्‍बालाम् मेःन्, कर कुहिङ्‌वे़त् नु सदादिङ् के़वाॽबा निङ्‌वाॽफु पाःन्‍जाक्‍कोलाम् कुसङ् के़बोःक्‍खिआङ् के़वयिॽरो॥

२ सामुए़ल 23:5

हे़क्‍क्‍याङ् हे़क्‍केलॽरिक्‍के आङ्‌गाॽ आधाःक्‍हाॽ निङ्‌वाॽफुमाङ्‌ङिल्‍ले़ मुॽइसाम् पिरुसिरो, थेआङ्‌भे़ल्‍ले़ खुने़ॽए आङ्‌गाॽनु आभाल्‍ले़आङ् मे़न्‍नुप्‍नाबा माङ्‌हुप् चोगुरो, आभे़ल्‍ले़आङ् फे़त्‍मे़ल्‍लाॽमनाबा माङ्‌हुप्, आफाल्‍ले़आङ् मे़ल्‍ले़ङ्‌मना माङ्‌हुप्, खे़न्‍ने आङ्‌गाॽ आनिङ्‌वाॽ वाॽरो, खे़न्‍ने आङ्‌गाॽ थङ् आनाःम्‍मारो, हे़क्‍क्‍याङ् निङ्‌वाॽफुमाङ्‌ङिल्‍ले़ के़त्तुरो॥

होसे 14:7

मनाहाॽ याम्‍मो खे़ल्‍ले़ इःप्‍तुबादे़न्‍नो मे़युङ्‌लो, माःक्‍कि कुइसिक् खे़न् हुरुम् हुरुम् लॽरिक् पोधाङ्‌लो हे़क्‍क्‍याङ् चे़ल्‍ले़क्‍सेःल्‍ले़ कुबुङ् हे़क्‍के खे़न् फे़क्‍लो, खम्‍भ्‍याङ् कुमिङ्‌ङिन् ले़बनानबा चे़ल्‍ले़क्‍सेॽ थि हे़क्‍के से़रो॥

होसे 14:5

आङ्‌गाॽ इस्राइलिहाॽरे़ लागि सेःक्‌वा हे़क्‍तङ्‌बा पोङ्‌ङारो, आङ्‌गाॽ ले़क्‌वा फुङ् कुइसिक् फे़क्‍कारो ले़बनानबा साम्‍माङ्‌सिङ् हे़क्‍के खे़ल्‍ले़ कुसाःप् लेःत्‍छिङ्‌लो॥

मलाकि 4:2

कर आङ्‌गाॽनु के़गिबा हे़क्‍क्‍याङ् आमिङ्‌ङे़न् मिङ्‌सो इङ्‌धाङ् के़बिबा सम्‍धाङ्‌ग नाम्‍मिन् फिरिरिना लिङ्‌बा कुइसिक् साम्‌योनिमाल्‍ले़ तुक्‍मा लाःक्‍मालाम् वेःप्‍मा नु नुॽमादामे़न् तारुआङ् ताःॽ॥ हे़क्‍क्‍याङ् पित्‍थाःङ्‌ङो के़ये़प्‍पा पित्‍साःत्ते़न् ले़प्‍मे़ल्‍ले़ चाराम्‍मादे़न्‍नो पित्‍चाक् पित्‍चाक् पिन्‍ल लाःक्‍कात् पेःक्‍पा कुइसिक् खे़निॽआङ् लाःक्‍कात् के़लःन्‍दिरो॥

मत्ति 19:14

कर ये़सुरे़ खे़ङ्‌हाॽ मे़त्तुसि, “हिन्‍जाॽबित्‍छाहाॽ इङ्‌गाॽओ तामा फाःक्‍ते़म्‍सिम्‍मे़ॽओ, खे़ङ्‌हाॽ मे़साक्‍ते़म्‍सिम्‍मिन्‍ने़ॽओ, थेआङ्‌भे़ल्‍ले़ साङ्‌ग्राम्‍पेदाङ्‌बा हाङ्‌जुम्‍मिङ्‌ग कन् हिन्‍जाॽबित्‍छा हे़क्‍तङ्‌बाहाॽरे़न्‍नेरो॥”

लुका 18:17

इङ्‌गाॽ से़क्‍खाए मे़त्‍निङ्, हाःत्‍ले़ हिन्‍जाॽबित्‍छाहाॽ हे़क्‍के कुदोःप्‍मा निङ्‌वाॽइल्‍ले़ निङ्‌वाॽफु हाङ्‌जुम्‍मिन् मे़दाःक्‍तुन्, खे़न् खे़प्‍मो लाःप्‍मा मे़घोने़न्‍लो॥”