१ पत्रुस 2:12 - लिम्बु12 खिनिॽग ख्रिस्ते़न् नसान् मे़न्जोःक्मनाबाहाॽनु नुरिक्काङ् नुबा हिङ्मन्नो वये़म्मे़ॽओ, थेआङ्भे़ल्ले़ खे़ङ्हाॽरे़ खिनिॽ फे़न् पाःन्हाॽ के़जोगुम् लॽरिक् पान् के़म्धिक्तिसाङ् खिनिॽ के़जोगुम्बा नुबा याःम्बक्हाॽ मे़निसुर, खासे़न् चोःक्से़ युबा ये़न्नो कुनारा मे़भोसुॽरो॥ Gade chapit la |
१ पत्रुस 2:12
46 Referans Kwoze
काक्नुःल्ले़ के़ये़क्पा पाःङ्ग ख्रिस्तरे़ कुसुनाइङ्ङिन् लाॽरुबा हिङ्मन्नो खिनिॽ वये़म्मे़ॽओ॥ हे़क्केःल्ले़ इङ्गाॽ खिनिॽओ ताआआङ् निनिङ्साङ् इग्र खिनिॽ याःम्बेओरक् खे़प्सुङ्साङ् खिनिॽ सुनाइङ्ङिल्ले़न् नसाःन्नो के़दङ्ङासिआङ् याम्बुधिक्काङ् याःम्बक् के़जोगुम्बा पाःन्निन् निसुङ्लो॥
कन् इक्सा खाम्बेःक्मोरक् मेःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिक् आनिगे ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मेःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
हे़क्क्याङ् निङ्वाॽफुमाङ्ङिल्ले़ थिम्मे़न्दङ् सुवाङ्हाॽ लुङ्माॽ तुक्तुसिबाल्ले़ चोगुल्ले़ खे़ङ्हाॽरे़ खुने़ॽ कुमिमिदिङ् मे़जोगुर फाॽआङ् खुने़ॽ त्ये़बारो॥ अक्खेलॽरिक् निङ्वाॽफु साम्लोसुम् के़साप्पाल्ले़ साप्तुआङ् पत्, “खे़ल्ले़चोगुल्ले़ थिम्मे़न्दङ् सुवाङ्हाॽरे़ खुनिॽ लुम्मो इङ्गाॽ ने़म्भोगे़न् के़नारा फोसुङ्लो, हे़क्क्याङ् के़मिङ्सो इङ्धाङ् के़जोःक्पा से़वासाम्लोन् साम्मे़त्तुङ्लो॥”
पाःन्जाक् के़बाःप्पाल्ले़ निङ्वाॽफुमाङ्ङिल्ले़ कुबाःन्जाक् कुइसिक् पाःत्तुर, वेॽहाॽ से़वा के़जोःक्पाल्ले़ निङ्वाॽफुमाङ्ङिल्ले़ पिरुबा थुम्मिल्ले़ से़वा चोगुररो॥ हे़क्केलॽरिक् काक् पाःन्नो ये़सु ख्रिस्तलाम् निङ्वाॽफुमाङ्ङिल्ले़ कुमिमिदिङ् पोङ्लरो॥ काक् मिमिदिङ् नु मुक्साम्मिङ्ग सदादिङ् खुने़ॽइन्नेरो॥ आमे़न्॥
खिनिॽग ताप्फे़ःम्बा याःम्बक् थेआङ् के़न्जोगुम्मिन्ल फाॽआङ् निङ्वाॽफुमाङ्ङिन् तुवा चोगुम्बे़ॽरो॥ हे़क्केलॽरिक् खिनिॽ लुम्मो आनिगे माङ्से़वान् कुसाङ् लस्सु फाॽआङ् थाःम्मासिगे़बा मेःन्, कर आनिगे कुसाङ् मे़लस्सुम्बे़म्बा कुइसिक् लॽसाङ् खिनिॽ नुबा के़जोगुम्ल के़लॽबा आनिगे निङ्वाॽ वाॽरो॥
खे़ब्याङ् युक्साबाहाॽ नु हाङ्जुम्मोबा यम्बा सुहाङ्गे़म्बाहाॽरे़ दानिए़ले़न् आप्तिक् कुःप्मारे़ लागि हाङ्जुम्बा याःम्बक्हाॽओ खुने़ॽ फेःन्दुबा पाःन्हाॽ कोःप्मा मे़हेःक्तु, कर खे़ङ्हाॽरे़ हे़क्के चोःक्मा मे़न्छुक्तुन्॥ खे़ङ्हाॽरे़ खुने़ॽओ थे़माआङ् फे़न्याःम्बक् खोमा मे़न्छुक्तुन्, थेआङ्भे़ल्ले़ खुने़ॽ निङ्वाॽइरे़ खोःप्तुबा हे़क्क्याङ् कुदोःप्मा याःम्बक् के़जोःक्पा नु कुबाःप्पाःत् पे़र्गे़क् वर्गे़क्काङ् मे़न्जोःक्मनाबा वये़॥
हे़क्क्याङ् नुबा याःम्बक्को मिङ्सो इङ्धाङ् के़घोमा पोङ्मा पोङ्लो॥ खे़ङ्ग हिन्जाॽबित्छाहाॽ नुःरिक्काङ् कम्ब्राङ् के़मे़प्मा, लाम्दिःक्पाहाॽ तरे के़दोमा, नसानिबाहाॽरे़ खुनिॽ लाङ् वागे़हप्मा, इनोगे़न् तुक्खेओ के़वाॽबाहाॽ कुभाॽ के़बिमा, हे़क्क्याङ् नुब् नुबा याःम्बक्को निङ्वाॽ के़बिमा पोङ्मा पोङ्लो॥
Piblisite