१ पत्रुस 1:8 - लिम्‍बु

⁸ खिनिॽ आप्‍फाल्‍ले़आङ् खुने़ॽ मे़न्‍निए के़वयिसाङ् खुने़ॽ मिःम्‍जि के़मे़त्तुम्‍लो, हे़क्‍क्‍याङ् आल्‍लो खुने़ॽ के़न्‍निसुम्‍मिन्‍छाङ् खुने़ॽ सम्‍दाङ् नसान् के़जोगुम्‍माङ् आत्तात्तान्‍ने यरिक् मिमिदिङ्‌गे़न् सःप्‍माल्‍ले़ कुधिम् के़बोःक्‍खिआङ् के़वयिॽरो॥

१ पत्रुस 1:8 Referans Kwoze

युहुन्‍ना 20:29

हे़क्‍क्‍याङ् ये़सुरे़ खे़न् मे़त्तु, “खे़ने़ॽग इङ्‌गाॽ के़निसाङ्‌ङाङ्‌लक् नसान् के़जोगाङ्‌लो, कर इङ्‌गाॽ याप्‍मि मे़न्‍निए नसान् के़जोःक्‍पाहाॽग मुॽइसाबासिरो॥”

२ कोरन्‍थि 5:7

थेआङ्‌भे़ल्‍ले़ आनिॽग निमनाबालाम्‍बा मेःन्, कर नसाःन्‍लाम्‍बाने़ आहिङ्‌लो॥

रोमि 15:13

खिनिॽ नसाःन्‍निल्‍ले़ चोगुल्‍ले़ निङ्‌साङ् के़बिबा निङ्‌वाॽफुमाङ्‌ङिल्‍ले़ साॽरिक् के़सःप्‍पा के़जोगिर हे़क्‍क्‍याङ् सनारुङ् के़बिरिर फाॽआङ् तुवा चोःक्‍का, हे़क्‍केलॽरिक् सेसेमाङ्‌ङिल्‍ले़ कुमुक्‍साम्‍लाम् यरिक् निङ्‌साङ् के़गप्‍पा के़जोगिररो॥

हिब्रु 11:1

आल्‍ल नसान् फाॽइन् थे़मा फाॽले़ निङ्‌साङ् आजोगुम्‍बान् से़क्‍खाए पोङ् हे़क्‍क्‍याङ् आन्‍निसुम्‍मिन्‍बान् से़क्‍खाए वाॽ फाॽआङ् निस्‍से चोःक्‍मारो॥

युहुन्‍ना 16:22

खिनिॽ लागिआङ् बाहे़क्‍के पोङ्—आल्‍लोग मे़रिङ् के़धक्‍तिॽ, कर इङ्‌गाॽ याम्‍मो खिनिॽ तुम्‍से़ ताआल्‍ले़ खिनिॽ के़सःत्तिॽरो हे़क्‍क्‍याङ् आत्तिल्‍ले़आङ् खिनिॽ सःप्‍मान् नाप्‍माआङ् तेॽमा के़न्‍छुक्‍तिन्‍लो॥

२ कोरन्‍थि 4:18

आल्‍लो आनिसुम्‍बा इनोगे़न् तुक्‍खेहाॽग ओआम्‍मे़त्तुम्‍मिन्‍लो, कर निमे़न्‍दे़प्‍मना पाःन्‍नो ओआमे़त्तुम्‍लो॥ थेआङ्‌भे़ल्‍ले़ आनिॽ आनिसुम्‍बा पाःन्‍हाॽ सप्‍फाधिक्‍पारो, कर निमे़न्‍दे़त्‍मनाबा पाःन्‍हाॽग आप्‍फाल्‍ले़साङ् वाॽरो॥

१ पत्रुस 1:6

खे़न् पाःन्‍नो के़सःत्तिॽरो, हे़क्‍केसाङ् सप्‍फारे़ लागि खिनिॽ यरिक् परिक्‍ले़न् के़साक्‍पा इनोगे़न् तुक्‍खेहाॽ के़धरुम्‍लए पोङ्‌लो॥

हिब्रु 11:27

नसाःन्‍लाम्‍बाए खुने़ॽग निःमे़न्‍धाःप्‍मनाबा निङ्‌वाॽफुमाङ्‌ङिन् निसुबा कुइसिःक्‍के हाङ्‌ङिल्‍ले़ कुसिक्‍किन्‍नु मे़गिसे़न्‍नाङ् मिस्रलाम् लःन्‍दे़पेबान् पेबाए पोःक्‍खे़आङ् मे़नुःक्‍खे़न्॥

१ पत्रुस 2:7

आल्‍ल खिनिॽ नसान् के़जोःक्‍पाहाॽरे़ लागि खुने़ॽ इमे़ल्‍लुङ्‌बा लुङ् चोक्‍लो, कर नसान् मे़न्‍जोःक्‍मनाबाहाॽरे़ लागिग साम्‌योसाप्‍लाओ अक्‍खे साप्‍ते़आङ् पत्, “लुङ् के़गाम्‍बाहाॽरे़ मे़नाॽरुबा लुङ्‌ङिन् कुम्‍मालुङ् पोःक्‍खे़आङ् वाॽरो॥”

फिलिप्‍पि 4:4

दाङ्‌बान्‍नु खिनिॽ थिक्‍हुप् के़वयिबाल्‍ले़ चोगुल्‍ले़ सदादिङ् सःत्ते़म्‍मे़ॽओ॥ याम्‍मोआङ् मे़त्‍निङ्—सःत्ते़म्‍मे़ॽओ!

१ पत्रुस 5:4

हे़क्‍क्‍याङ् तुम् मे़ल्‍लुक्‍कम्‍बान् युःल्‍ले़ आप्‍फाल्‍ले़आङ् इमे़ल्‍ले़म्‍मनाबा मिमिदिङ् नु इङ्‌धाङ्‌ङिल्‍ले़न् तिचः के़घोसुम्‍लो॥

एफिसि 6:24

आनिॽ दाङ्‌बा ये़सु ख्रिस्‍ते़न् मिःम्‍जि के़मे़प्‍पा के़रे़क्‍नु लुङ्‌गुम्‍मिन् सदादिङ् वाॽररो॥

फिलिप्‍पि 1:25

इङ्‌गाॽ कन् पाःन्‍नो निस्‍सेए वाॽआरो, हे़क्‍केलॽरिक् इङ्‌गाॽ खिनिॽनु वाॽआल्‍ले़ खिनिॽ नसाःन्‍निन् के़धुम्‍बा पोङ्‌ङाङ् खे़न्‍लाम्‍बा के़सःत्तिॽ के़लॽबान् निसुङ्‌लो॥

रोमि 14:17

थेआङ्‌भे़ल्‍ले़ निङ्‌वाॽफु हाङ्‌जुम्‍मिन् चामा नु थुङ्‌मारे़ कुयाःम्‍बेओ मेःन्, कर साम्‌योनिमा, सनारुङ् नु सेसेमाङ्‌ङिल्‍ले़ आबिबा सःप्‍माल्‍ले़ कुयाःम्‍बेओने़रो॥

युहुन्‍ना 14:24

हाःत्‍ले़ इङ्‌गाॽ मिःम्‍जि मे़मे़त्तान्, खे़ल्‍ले़ इङ्‌गाॽ आनिसाम्‍मिन् मे़इःत्तुन् मे़नाःत्तुन्‍लो॥ कन् के़घे़प्‍सुम्‍बा आबाःन्‍जाक्‍किङ्‌ग आबाङे इङ्‌गाॽइन् मेःन्‍लो, कर याप्‍मि के़बाङ्‌बा पानुदिङ् पाःल्‍ले़न्‍ने़रो॥

युहुन्‍ना 8:42

ये़सुरे़ खे़ङ्‌हाॽ नोगप् पिरुसि, “से़क्‍खाए निङ्‌वाॽफुमाङ्‌ङिन् खिनिॽ पा वये़ल्‍ले़ग इङ्‌गाॽ याप्‍मि मिःम्‍जि के़मे़त्तिमे़न्, थेआङ्‌भे़ल्‍ले़ इङ्‌गाॽग निङ्‌वाॽफुमाङ्‌लाम् त्‍याङ्‌बारो, इङ्‌गाॽ आबाङे त्‍याङ्‌बा मेःन्‍लो कर खुने़ॽ इङ्‌गाॽ पाङ्‌घाङ्‌बारो॥

फिलिप्‍पि 3:3

थेआङ्‌भे़ल्‍ले़ आनिॽ निङ्‌वाॽफुमाङ्‌ङिन् सेसेमाङ्‌लाम् से़वा के़जोःक्‍पाहाॽरक् से़क्‍खा हर्दो के़हे़क्‍पासिरो॥ आनिॽग मे़न्‍छाम् याःम्‍बक्‍को ताःक्‍पो आन्‌युक्‍खुम्‍मिल्‍लो, खे़ल्‍ले़ कुले़क्‌वा आनिॽ लागि ख्रिस्‍त ये़सुरे़ चोगुबा पाःन्‍नोने़ आसःत्‍लो॥

गलाति 5:22

कर सेसेमाङ्‌ङिल्‍ले़ लाम्‍लोसुसिबा मनाहाॽरे़ वेॽहाॽ लुङ्‌माॽ मे़दुक्‍तुसिॽ, खे़ङ्‌हाॽ मे़सःत्, सनारुङ्‌ङो मे़वाॽ, नासि मे़धःत्, खे़ङ्‌हाॽरे़ वेॽहाॽ नुरिक् मे़मे़त्तुसिॽ, खे़ङ्‌हाॽ नुबा याःम्‍बक् मे़जोक्, निङ्‌वाॽइरे़ खोःप्‍तुसिबा मे़जोक्,

गलाति 5:6

थेआङ्‌भे़ल्‍ले़ ख्रिस्‍त ये़सुरे़ कुलागिग हर्दो हे़क्‍मा नु मे़न्‍हे़क्‍मा पाःन्‍निन् थेआङ् मेःन्‍लो॥ कर के़रे़क्‍नुःल्‍ले़ यम्‍बा पाःन्‍निङ्‌ग आनिॽ नसाःन्‍निल्‍ले़ चोगुल्‍ले़ वेॽहाॽ लुङ्‌माॽ आदुक्‍तुम्‍सिम्‍लो॥

२ कोरन्‍थि 9:15

साॽरिक् इमे़ल्‍लुङ्‌बा कुबर्धाम्‍मिल्‍ले़ लागि निङ्‌वाॽफुमाङ्‌ङिन् नोगे़न्‍लो!

२ कोरन्‍थि 1:22

आनिॽ खुने़ॽइन् फाॽआङ् ओसेःन्‍धाक्‍मारे़ लागि सेसेमाङ्‌ङिन् ते़न्‌याङ् कुइसिक् आनिॽ सिक्‍लुङ्‌मो आबिरे़आङ् आवाॽरो॥ हे़क्‍केलॽरिक् सेसेमाङ्‌ङिन् आबिरे़बाल्‍ले़ चोगुल्‍ले़ काक् माङ्‌हे़क् चोगुबा पाःन्‍हाॽ से़क्‍खाए तारो फाॽआङ् निःन्‍धो पोङ्‌लो॥

सेःक्‌युक्‍मिबाहाॽ 16:34

खे़ल्‍ले़ पावल नु सिलासे़न् कुहिम्‍मो तेॽरुसिआङ् चामा थुङ्‌मा पिरुसि॥ खुने़ॽ नु कुहिम्‍सयङ्‌हाॽरे़ निङ्‌वाॽफुमाङ्‌ङिन् नसान् मे़जोगुबाल्‍ले़ चोगुल्‍ले़ साॽरिक् ओमु मे़लॽरे़रो॥

युहुन्‍ना 14:21

हाःत्‍ले़ इङ्‌गाॽ आइङ्‌जाङ्‌हाॽ खे़प्‍सुआङ् इःत्तु नाःत्तुॽ, इङ्‌गाॽ याप्‍मि लुङ्‌माॽ के़दुक्‍पे़ङ्‌ग बा खे़न्‍नेरो॥ हाःत्‍ले़ इङ्‌गाॽ लुङ्‌माॽ तुक्‍का खे़ङ्‌ग पानुदिङ् आम्‍बारे़ लुङ्‌माॽ तुक्‍तुॽ, हे़क्‍क्‍याङ् इङ्‌गाॽआङ् लुङ्‌माॽ तुक्‍तुङ्‌ङाङ् खे़ल्‍लो ओसेःन्‍धाक्‍सिङ्‌ङारो॥”

युहुन्‍ना 14:15

“इङ्‌गाॽ याप्‍मि मिःम्‍जि के़मे़त्तिॽने़ फाॽग्र आइङ्‌जाङ्‌हाॽ के़इःत्तुम् के़नाःत्तुम्‍लो॥

मत्ति 10:37

“कुम्‍बा कुम्‍मासि इङ्‌गाॽनुःल्‍ले़आङ् यरिक् लुङ्‌माॽ के़दुक्‍पे़न् आहुॽसाम्‍बा पोङ्‌मा मे़लाॽरुन्‍लो॥ हे़क्‍केलॽरिक्‍के कुस्‍सा कुएहाॽ इङ्‌गाॽनुःल्‍ले़आङ् यरिक् लुङ्‌माॽ के़दुक्‍पे़न् आहुॽसाम्‍बा पोङ्‌मा मे़लाॽरुन्‍लो॥

सोलोमनरे़ कुसाम्‍लो 5:16

खुने़ॽ कुम्‍ब्राओ कुजा के़नुॽबा पान् वाॽरो, काक् कुबाःन्‍हाॽओ, खुने़ॽ इमे़त्‍लुङ्‌बा चोक्‍लो॥ यरुसले़ःम्‍बा मे़न्‍छुमासे, आङ्‌गाॽ लुङ्‌माॽ हिःप्‍तुङ्‌बा, आन्‍जुम्‍मिन् हाबा कन्‍लो॥

१ कोरन्‍थि 16:22

आत्तिल्‍ले़ दाङ्‌बान् मिःम्‍जि मे़मे़त्तुन् हाराॽ खे़ङ्‌ग साङ्‌ग्राःल्‍ले़ ते़त्तुररो॥ आदाङ्‌बे, ये़ॽओ!

सोलोमनरे़ कुसाम्‍लो 5:9

मे़न्‍छुमाहाॽओ साॽरिक् पनुनुमाए, खे़ने़ॽ लुङ्‌माॽ के़हिःप्‍तुबान् थे वेॽहाॽनुःल्‍ले़आङ् वेॽ चोःक्‍पि? खुने़ॽओ अक्‍तङ्‌बा निङ्‌वाॽ के़माबा पान् थे वाॽबे? खे़ने़ॽनु लुङ्‌माॽ के़हिःप्‍तुबाल्‍ले़ लागि थे़मान् के़ये़ःक्‍पा चोःक्‍पे?

सोलोमनरे़ कुसाम्‍लो 1:7

आलुङ्‌माॽ के़हिःम्‍बे, आङ्‌गाॽ मे़त्ताङ्‌ङे़ॽओ के़मे़ल्‍लुक् मे़ःन्‍दा चाराम्‍से़ खे़ने़ॽ आत्तो के़देॽरुसिबे? ले़न्‍दिक्‍पा नाम्‍मो खे़ङ्‌हाॽ आत्ति मे़नाःम्‍सिङ्‌बाबे? खे़ब्‍याङ् वेॽ पित्‍कम्‍बाहाॽरे़ खुनिॽ पित्‍लुप्‍पो आङ्‌गाॽ खे़ने़ॽ कोःप्‍मार वाॽमा मे़बोङ्‌ने़न्‍लो॥

एफिसि 3:19

हे़क्‍क्‍याङ् ने़हिनिङ्‌वाॽरे़ मे़घोप्‍तुम्‍बा ख्रिस्‍तरे़ कुमिःम्‍जिन् कुसिङ् के़निःत्तुम्‍माङ् निङ्‌वाॽफुमाङ्‌ङिन् कुलिङ्‌दो के़गे़प्‍पा चोःक्‍पा कुइसिक् के़बोःक्‍खिररो॥