१ पत्रुस 1:6 - लिम्बु6 खे़न् पाःन्नो के़सःत्तिॽरो, हे़क्केसाङ् सप्फारे़ लागि खिनिॽ यरिक् परिक्ले़न् के़साक्पा इनोगे़न् तुक्खेहाॽ के़धरुम्लए पोङ्लो॥ Gade chapit la |
१ पत्रुस 1:6
47 Referans Kwoze
काक् लुङ्गुम् के़गप्पा निङ्वाॽफुमाङ्ङिल्ले़ ख्रिस्ते़न्नु सोरिक् मे़न्नुप्मनाबा कुमिमिदिङ्ङिन् लक् के़घोसुम्ल फाॽआङ् के़उःत्तिआङ् के़वयिॽरो॥ कर सप्फाधिक् इनोगे़न् तुक्खे के़ज्ये़ॽइआङ् खुने़ॽए खिनिॽ कुलिङ्दो के़गे़त्तिॽ हे़क्क्याङ् थधप् मे़ल्लॽमनाबा नु के़धुम्बा के़जोगिआङ् मे़म्मुम्मना ने़म्भोओ के़युक्खिॽरो॥
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
हे़क्क्याङ् खे़प्मो हन्नाःल्ले़ अक्खेलॽरिक् पेलिगे़न् तुवा चोगु, “आङ्गाॽ आनिङ्वान् यहवे दाङ्बाओ सःत्ते़आङ् वाॽरो, यहवे दाङ्बाओ आङ्गाॽ आमुक्साम्मिन् त्ये़आङ् वाॽरो॥ आनिङ्मिहाॽ येःप्मासि पान् आङ्गाॽ आम्ब्राओ त्ये़आङ् वाॽरो, आदाङ्बारे़ आङ्गाॽ से़न्लप् के़बिराङ्बाओ आसिक् पसम्समे़आङ् वाॽआरो॥
आसिक्लुङ्मोलाम् यहवे दाङ्बान् अक्खे मे़त्तुङ्लो, “यहवे दाङ्बाए, खे़ने़ॽ हे़क्तङ्बा हात् वाॽआङ्बे? के़धुम्बाहाॽरे़ मे़न्धुम्मनाबाहाॽ ताप्फे़ःल्लिक् मे़मे़त्तुसिल्ले़ खे़ने़ॽ मे़न्धुम्मनाबाहाॽ के़से़ःप्तुसिरो, हे़क्क्याङ् कुइगे़भे़म्बाहाॽरे़ याङ्गे़साॽबाहाॽ तुक्खे मे़जाःत्तुसिल्ले़ खे़ने़ॽ याङ्गे़साॽबाहाॽ के़नाङुसिरो॥”
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
Piblisite