१ पत्रुस 1:22 - लिम्बु22 आल्ल से़क्खा पाःन्निन् खे़म्मा के़दे़न्दिआङ् आबाङे सुत्थो के़जोःक्कासिआङ् के़वयिबाल्ले़ चोगुल्ले़ फुॽनुसाॽ नु ने़ॽनुसाॽहाॽ नुरिक् लुङ्माॽ के़दुक्तुम्सिम्, हे़क्केःल्ले़ सिक्लुङ्मोलाम्मे साॽरिक् लुङ्माॽ तुक्ते़म्सिम्मे़ॽओ॥ Gade chapit la |
१ पत्रुस 1:22
51 Referans Kwoze
आत्तिल्ले़ निङ्वाॽफुमाङ्ङिन् मिःम्जि मे़त्तुङ् लॽ कर नसानिबा फुॽनुसाॽ नु ने़ॽनुसाॽहाॽ चिःत्तुसिॽने़ फाॽग्र खे़ङ्ग इङ्ले़क्पारो॥ थेआङ्भे़ल्ले़ खुने़ॽ आबाङे निसुबा नसानिबा फुॽनुसाॽ नु ने़ॽनुसाॽहाॽ लुङ्माॽ तुक्मा मे़सुक्तुन्छिन्निल्ले़ निमे़न्दे़प्मनाबा निङ्वाॽफुमाङ्ङिन् आक्खेलॽरिक् मिःम्जि मे़प्मा सुक्तुबे?
खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक् सुत्थो आजोक्! खुने़ॽ मे़न्नुप्मनाबा सेसेमाङ्लाम् कुसाङ् के़लबा सिदुङ्जभा पोङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् से़वा चोःक्मा आसुक्तुम्ल फाॽआङ् कुमाक्खिॽइल्ले़ सिमे़न्नो के़देॽबा याःम्बक्लाम् आनिॽ खासिङ्ङिन् सुत्थो चोगुॽरो॥
आनिगे सेसे हिङ्मन्लाम्, खासिङ्निःप्मालाम्, नासि थःप्मालाम्, नुरिक्काङ् लुङ्माॽ तुक्मालाम्, सेसेमाङ्ङिल्ले़ कुमुक्साम्लाम्, कुदोःप्मा मिःम्जिलाम्, से़क्खाबा सुनाइङ्घङ्लाम्, हे़क्क्याङ् निङ्वाॽफुमाङ्ङिल्ले़ कुमुक्साम्मोलाम् निङ्वाॽफुमाङ्ङिल्ले़ कुसे़वारोबासिगे़ फाॽआङ् आबाङे ओसेःन्धाक्कासिगे़रो॥ आक्तङ्बा ये़म्मोसाङ् आनिगे फे़जुम् फे़याग निङ्वाॽफुमाङ्ङिल्ले़ कुसिराॽ के़धाङ्बा आनिगे साम्योबा हिङ्मन्नेरो॥
हे़क्केलॽरिक् हिम्सामासे, खिनिॽ हिम्साबाहाॽरे़ खुनिॽ युक्को वये़म्मे़ॽओ, थेआङ्भे़ल्ले़ खे़ङ्हाॽओ कुभा निङ्वाॽफु पाःन्जाक् नसान् मे़न्जोःक्मनाबा मे़जोःक्साङ् खिनिॽ थेआङ् मे़म्मे़त्ते सेसेबा हिङ्मन्निन् नु निङ्वाॽफुमाङ्ङिन् इङ्धाङ् के़बिरुम्बा खे़ङ्हाॽरे़ मे़निसुआङ् निङ्वाॽफुमाङ्ङिन् नसान् चोःक्मा मे़सुक्तुॽरो॥
दाङ्बाल्ले़ लुङ्माॽ के़दुक्तिबा फुॽनुसाॽ नु ने़ॽनुसाॽसे, खिनिॽ याःम्बेओ निङ्वाॽफुमाङ्ङिन् आनिगे सदादिङ् नोगे़न् पिमाए पोङ्लो, थेआङ्भे़ल्ले़ तोलिङ्सोमुआङ्धोए सेसेमाङ्ङिल्ले़ सेसेगे़न् सुत्थो चोगुबा कुयाःम्बक्लाम् नु से़क्खाओ नसान् चोःक्मालाम् निङ्वाॽफुमाङ्ङिल्ले़ खिनिॽ ताङ्से़ःप्सिङ्मा फाॽआङ् के़सेगिरो॥
निङ्वाॽफुपाःल्ले़ तगिसा कुसिङ् के़निःत्तिबा कुइसिक् कुमना पोङ्से़ के़सेगिआङ् सेसेमाङ्ङिल्ले़ सुत्थो के़जोगिरो॥ हे़क्केःल्ले़ खिनिॽ ये़सु ख्रिस्तरे़ कुइङ्जाङ्गे़म्बा के़बोःक्खिआङ् कुमाक्खिॽइल्ले़ सेसेसाङ्साङ् के़जोगिरो॥ हाराॽ पानुदिङ् पाः निङ्वाॽफुमाङ्ङिल्ले़ कुलुङ्गुम् नु कुसनारुङ्ङिन् आल्लसाङ् यरिक् खिनिॽओ वाॽररो॥
Piblisite