१ पत्रुस 1:18 - लिम्बु18 निङ्वाॽफुमाङ्ङिल्ले़ खिनिॽ पाधे़बालाम्बा के़नाःत्तुम् के़इःत्तुम्ल के़युःरुम्बा हने़बा थिम्हाॽलाम् के़मे़क्पा के़बेःक्पा साम्म्याङ् युप्पा हे़क्तङ्बा पाःन्हाॽरे़ के़धे़ॽरिआङ् ताङ्गे़से़ःप्तिबा मेःन् फाॽआङ् खिनिॽ के़निसुम्लो॥ Gade chapit la |
१ पत्रुस 1:18
28 Referans Kwoze
थेआङ्भे़ल्ले़ के़बेःक्पा ये़म्मो नसान् मे़न्जोःक्मनाबाहाॽ हे़क्के याम्बोःप्मा याःम्बक् चोःक्मा, फे़न्निङ्वाॽ चोःक्मा, थिःल्ले़ मःसिङ्मा, यरिक् चामा थुङ्माआङ् याम्बोःत्छे़ चुम्मा, याम्दादाबा चामुक् थिमुक् चोःक्मा नु सिक्के़ले़ःङ्बा नावाइत्लाहाॽ से़वा चोःक्माओ यरिक् ये़म् के़देःसुम्लो॥
मिःल्ले़ साम्म्याङ्ङिन् योःन्दुआङ् सुत्थो चोगुबा कुइसिक् खे़न् इनोगे़न् तुक्खेहाॽरे़ग खिनिॽ नसाःन्निन् साॽरुआङ् के़धुम्बा नु सुत्थो चोगुॽरो, कर खिनिॽ नसाःन्निन् खे़न् साम्म्याङ्ङिन्नुःल्ले़आङ् इमे़ल्लुङ्बा चोक्लो॥ हे़क्केलॽरिक् खे़न् इनोगे़न् तुक्खेहाॽ नासि के़धःत्तुम्ने़ फाॽग्र ये़सु ख्रिस्ते़न् युःल्ले़ ने़म्भोगे़न् नारा फोमान्, मिमिदिङ् नु मिङ्सो इङ्धाङ् के़घोसुम्लो॥
यहवे दाङ्बे़ल्ले़ अक्खे पाःत्तुरो, “यहुदाःल्ले़ सुम्सि कुलायोहाॽ इग्र लिसिए कुलायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ यहवे दाङ्बे़ल्ले़ कुसाम्योथिम् इङ्जाङ्ङिन् खे़ङ्हाॽरे़ इःप्मा नाःप्मा मे़नाॽरुबाल्ले़ चोगुल्ले़, खम्भ्याङ् खुने़ॽ कुधिम्हाॽ मे़न्इःत्तुन् मे़न्नाःत्तुम्बाल्ले़ चोगुल्ले़ हे़क्क्याङ् खे़ङ्हाॽरे़ खुन्छिॽ पाधे़बाहाॽरे़ मे़दिम्दुसिबा इङ्ले़क्पा माङ्हाॽरे़ खे़ङ्हाॽ इङ्मे़ले़क्तुसिबाल्ले़ चोगुल्ले़,
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
Piblisite