१ पत्रुस 1:17 - लिम्बु17 तुवा के़जोगुम्बा पानुदिङ् पा निङ्वाॽफुमाङ्ङिल्ले़ मनाहाॽरे़ मे़जोगुबा याःम्बक् कुइसिक् खासे़न् चोगुसिल्ले़ एःक् पएःक् मे़जोगुन्छिन्लो॥ खे़ल्ले़चोगुल्ले़ इक्सादिङ् खाम्बेःक्मो के़वयिर थारिक् खुने़ॽ मिङ्सो इङ्धाङ् पिरे़म्मे़ॽर वये़म्मे़ॽओ॥ Gade chapit la |
१ पत्रुस 1:17
33 Referans Kwoze
से़क्खाएरो, कर यहुदिहाॽरे़ निङ्वाॽफुमाङ्ङिन् नसान् मे़न्जोगुन्नाङ्ङे सिङ्बोराःक्किन् चे़प्माआङ् लाप्फुमनाबा कुइसिक् लाप्मे़भुसे़बारो॥ खिनिॽ नसान् के़जोगुम्बाल्ले़ चोगुल्ले़ खे़प्मो के़वयिॽरो॥ हे़क्केःल्ले़ आङ्दिङ् मे़लॽरे़म्मिन्ने़ॽओ, कर खे़न् पोःक्खे़बा पाःन्हाॽ इःत्ते़म्मे़ॽआङ् निङ्वाॽफुमाङ्ङिन् किरे़म्मे़ॽओ॥
फरिसिहाॽरे़ खुनिॽ हुॽसाम्बाहाॽ हे़रोद हाङ्ङिल्ले़ कुमनाहाॽनु ये़सुरो मे़बाङ्घुसि॥ खे़ङ्हाॽरे़ ये़सुन् सेःन्मे़दोसु, “सिक्साम्बे, खे़ने़ॽग से़क्खा पाःन्लक् के़बाःप्पे़न् आनिगे निसुम्बे़रो॥ हे़क्क्याङ् निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ खे़ने़ॽ मनाहाॽरे़ खुनिॽ पाःन्नो के़म्बत्ने़न्, हे़क्क्याङ् मनाआङ् के़न्छे़न्दुन्छिन्॥
यहवे दाङ्बे़ल्ले़ अक्खे पाःत्तुरो, “इस्राइलए, खे़ने़ॽ आबाङे आबुगे़न् आस्सा चोःक्माने़ आनिङ्वाॽ वये़रो लत्थिक् सुक्खेवाबा लाजेॽ नु खाम्बेःक्मोबा के़रे़क्नुःल्ले़ के़वे़म्बा लाजेॽ पिमाने़ निङ्वाॽ चोगुङ्ङाङ् वये़रो, खे़ने़ॽ आङ्गाॽ ‘आम्बौ’ लॽरिक् याप्मि के़उःत्ति फाॽआङ् इःत्तुङ्ङाङ् वये़रो हे़क्क्याङ् आङ्गाॽ आप्फाल्ले़आङ् याप्मि के़ल्ले़त्ने़म्बा आनिङ्वाॽ वये़रो॥
“यहवे दाङ्बाए, आबेलिन् खे़प्से़ॽओ, फाॽराङ्ङे़ॽ फाॽआङ् अःक्काल्ले़ खे़प्से़ॽओ॥ आङ्गाॽ हाःप्पाआङ् सुक्सुक् लॽआल्ले़ मे़ङ्घे़म्मना मे़ले़ङ्सिङ्ङिन्ने़ॽओ, थेआङ्भे़ल्ले़ के़रे़क् आसुधे़बा आदाक्थे़बाहाॽ हे़क्के आङ्गाॽग खे़ने़ॽनु के़वाॽबा तरेबाआरो, लत्छा वेॽ लाजेॽ के़युङ्बा हे़क्के आङ्गाॽ खे़ने़ॽओ याङ्धोःक्कारो॥
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन्ने माङ्हाॽरे़ खुनिॽ निङ्वाॽफुमाङ् नु दाङ्बाहाॽरे़ खुनिॽ यहवे दाङ्बा, के़रे़क्नुःल्ले़ यम्बा निङ्वाॽफुमाङ्, मुक्साम्साबा नु किप्मा के़घुबा चोक्लो॥ खुने़ॽ आत्तिन्हाॽआङ् एःक् पएःक् मे़जोगुसिन्ॽ, खे़ब्याङ् खुने़ॽ आप्फाल्ले़आङ् स्वाःत्ताङ् सुरुत्याङ् मे़दाःक्तुन्ॽ॥
निङ्वाॽफुमाङ्ङिल्ले़ कुनिङ्वाॽ कुइसिःक्पा खिनिॽ निङ्वाॽ तुक्माल्ले़ खिनिॽओ थे़मा चोगुआङ् वाॽ के़लॽबा पाःन्निन् निङ्वाॽ इःत्ते़म्मे़ॽओ॥ खे़ल्ले़ कुसिक्के़सम्बा के़जोगिॽआङ् खिनिॽ से़क्खाए आप्तिक् मेःन्नेबा चोगिगे़ फाॽआङ् ओसेःन्गे़धाक्सिङ्बा के़जोगिॽरो॥ खे़ल्ले़ खिनिॽ लुम्मो लायो के़जोःक्पाहाॽनु कुसाक्के़न् के़बोःक्पा के़जोगिॽरो॥ खे़ल्ले़ लायोल्ले़ तारुबा खुम्दिङ्ङिन्नु के़गिबा के़सिबा के़जोगिरो॥ खे़ल्ले़ग इङ्गाॽनु तुम्मा निङ्वाॽ के़जोःक्पा के़जोगिॽरो॥ खे़ल्ले़ लायो के़जोःक्पाहाॽ खुम्दिङ् पिमासिआङ् निङ्वाॽफुमाङ्ङो तोःम्मासि निङ्वाॽ के़जोःक्पा के़जोगिॽरो॥ खिनिॽग काक् पाःन्नो से़क्खाए फोत्या मेःन्नेबा पोङ्मा ओसेःन्गे़धाक्कासिरो॥
Piblisite